គ្រឿងសមុទ្រខូចគុណភាពទាំងអស់នេះ ត្រូវបានបង្រ្កាប កាលពីថ្ងៃទី៨ ខែកុម្ភៈ ក្នុងភូមិសាស្រ្តរាជធានីភ្នំពេញ បន្ទាប់មកត្រូវបានមន្រ្តីជំនាញយកទៅបំផ្លាញចោលតាមនីតិវិធី។
 

លោក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និង ក.ប.ប រាជធានីភ្នំពេញ បានអំពាវនាវដល់សមត្ថកិច្ចពាក់ព័ន្ធ ចូលរួមទប់ស្កាត់រាល់បទល្មើសនានា ដែលនាំចូលធ្វើឱ្យប៉ះពាល់ដល់សុខភាពពលរដ្ឋ។ លោក ជួន ណារិន្ទ  ក៏ស្នើឱ្យមន្រ្តីជំនាញនៃស្នងការដ្ឋាននគរបាលរាជធានីភ្នំពេញ ត្រូវបន្តបង្ក្រាបរាល់នាំចូលផលិតផលគ្មានគុណភាព គ្មានសុវត្ថិភាព ដែលធ្វើឱ្យប៉ះពាល់ដល់សុខភាពពលរដ្ឋ៕