ហូល ផាមួង និងអាវប៉ាក់ចំនួន២១ ដែលមានអាយុកាលចន្លោះពី៤០ ទៅ៦០ឆ្នាំ មានក្បាច់ គោមទីទៃ និងប្រណិតៗ ប្លែកពីមួយទៅមួយ ដូចជាគោមបាត់ដំបង, គោមក្ដិបកន្តឹម, គោម​ផ្ការាំង, គោមផ្កាចន្ទន៍, គោមកូនហ៊ីងខ្សែ, គោមផ្កាយព្រឹក, គោមកន្តេះឡង់, គោមខ្សែថ្នក់, គោមកូនអណ្ដើក, គោមខ្សែបីជាន់, គោមផ្កាព្កុលជាដើម។ 

 

លោក សែន គឹមស៊ុន នាយករងស្តីទីនៃសារមន្ទីរវាយនភណ្ឌប្រពៃណីអាស៊ី ហូល ផាមួង និងអាវប៉ាក់កំពុងពិព័រណ៍នេះ គេត្រូវបានយកចេញពីសមុច្ច័យចំនួន៥១ ដែលប្រជាពលរដ្ឋ នៅស្រុកព្រៃកប្បាស ខេត្តតាកែវ បរិច្ចាកមកកាន់សារមន្ទីរ កាលពីឧសភា ឆ្នាំ២០២៣កន្លង ទៅ។ 
  

លោកបញ្ជាក់ទៀតថា ប្រជាពលរដ្ឋបរិច្ចាគមកកាន់សារមន្ទីរនេះ ក្រោមគោលបំណង ដើម្បី​ស្វែងរកម្ចាស់បន្ទាប់ ដែលអាចថែរក្សាជំនួសពួកគាត់ ស្របពេលដែលពួកគេមាន​វ័យ​ចំណាស់ ដោយខ្លះអាយុ៧០ ៨០​ទៅហើយនោះ។ គោលបំណងមួយទៀត គឺពួកគេចង់ បង្ហាញពីស្នាដៃការត្បាញដោយដៃ របស់ពួកគេទៅកាន់មនុស្សជំនាន់ក្រោយបានដឹង និង បានស្គាល់ពីសំពត់ហូល ផាមួង ដែលជាសម្លៀកបំពាក់របស់ជាតិ។ 
 

សម្រាប់លោក សែន គឹមស៊ុន ពិព័រណ៍ហូល ផាមួយ អាវប៉ាក់ នេះមានសារៈសំខាន់ណាស់ សម្រាប់សារធារណជនទាំងអស់។ លោកអះអាងដូច្នេះ៖ «ប្រភេទហូល ផាមួង ដែលជា​សម្លៀកបំពាក់បែបប្រពៃណីរបស់ខ្មែរយើងនេះ វាតំណាងអត្តសញ្ញាណរបស់ខ្មែរ ដូច្នេះគេ​អាចស្គាល់យើងបានតាមរយៈការស្លៀកពាក់។ អ៊ីចឹងបើយើងជាយុវជន ជាអ្នកជំនាន់ ក្រោយ  អត់ស្គាល់ប្រភេទហូល ផាមួង របស់ទាំងអស់ហ្នឹង ហាក់បីដូចជាយើងមិនមែនជា ផ្នែកមួយនៃជនជាតិខ្មែរ»។​
 

គួរជម្រាបផងដែរថា ពិព័រណ៍នេះមានរយៈពេល៦ខែ ចាប់ពីថ្ងៃទី៩ ខែកុម្ភៈ ឆ្នាំ២០២៤នេះ តទៅ។ ប្រិយមិត្តអាច​ចូលទស្សនាការពិព័រណ៍នេះបាន នៅសារមន្ទីរវវាយនភណ្ឌប្រពៃណី អាស៊ី ដែលស្ថិតនៅតាមបណ្ដោយផ្លូវអប្សរា កែងនឹងផ្លូវ ៦០ម៉ែត្រ ក្រុងសៀមរាប។ ប្រិយ មិត្តក៏អាចស្វែងរកទីតាំងសារមន្ទីរនេះតាមរយៈ Google Map ដោយវាយ «MGC Asian Traditional Textile Museum»៕