យោងតាមសេចក្ដីប្រកាសព័ត៌មានរបស់ ក្រសួងការបរទេស និងសហប្រតិបត្តិការអន្តរជាតិ នៅថ្ងៃទី៦ ខែមីនានេះ ករណីគ្រោះថ្នាក់ចរាចណ៍ បានបណ្ដាលឱ្យពលករខ្មែររងរបួសធ្ងន់ចំនួន២នាក់ និងស្រាលចំនួន២៣នាក់។ ពលករខ្មែរ២នាក់ ដែលរងរបួសធ្ងន់ ត្រូវបានរថយន្តសង្គ្រោះបន្ទាន់ បញ្ជូនទៅមន្ទីរពេទ្យស្រុកកាបិនបុរី ខេត្តប្រាជីនបុរី។ ចំណែក អ្នករងរបួសស្រាល ត្រូវបានសង្គ្រោះបឋមរួច ហើយថៅកែបានទទួលយកទៅកន្លែងស្នាក់នៅវិញ។ 
 

ក្រសួងបញ្ជាក់ថា រាល់ការចំណាយផ្សេងៗ ក្នុងការព្យាបាលរបួស ត្រូវបានថៅកែជនជាតិថៃ ទទួលបន្ទុកទាំងអស់៕