ទេសចរជិះរទេះក្របី ជាសេវាកម្មទេសចរណ៍របស់សហគមន៍រទេះក្របី ដែលមានទីតាំងស្ថិតនៅភូមិជ្រៃ សង្កាត់ទឹកវិល ក្នុងក្រុងសៀមរាប។ សេវាកម្មទេសចរជិះក្របីទស្សនាទេសភាពធម្មជាតិបែបជនបទមួយនេះ កំពុងនិយមសម្រាប់ភ្ញៀវទេសបរទេសដែលមកកម្សាន្តនៅខេត្តសៀមរាប។ ពិសេសភ្ញៀវចិន និងកូរ៉េជាដើម។

 

លើសពីការផ្ដល់សេវាទេសចរណ៍ កន្លែងមួយនេះក៏បានផ្ដល់ការងារ និងប្រាក់ចំណូលប្រចាំខែដល់ពលរដ្ឋចាស់ៗ ដែលជាអ្នកចិញ្ចឹមក្របីនៅក្នុងភូមិបានប្រមាណ១០គ្រួសារ និងចរន្តទេសចរណ៍ផ្សេងៗដល់ពលរដ្ឋនៅតំបន់នោះ ផងដែរ។

 

មកទល់បច្ចុប្បន្នទីតាំងនេះ ដំណើរការបានប្រមាណ១០ឆ្នាំហើយ ចាប់តាំងពីឆ្នាំ២០១៤មក។ ចំពោះតម្លៃសម្រាប់ភ្ញៀវជាតិ៤ដុល្លារក្នុងមួយនាក់ និងបរទេស២០ដុល្លារក្នុងមួយនាក់៕