កម្មវិធីអាហារូបករណ៍ Quad Fellowship  ត្រូវបានបង្កើតឡើងដោយរដ្ឋាភិបាលនៃប្រទេសអូស្ត្រាលី ឥណ្ឌា ជប៉ុន និងសហរដ្ឋអាមេរិក ក្នុងគោលបំណងកសាងទំនាក់ទំនងរវាងអ្នកវិទ្យាសាស្ត្រ និងអ្នកបច្ចេកវិទ្យាជំនាន់ក្រោយ។ អាហារូបករណ៍នេះ ផ្តល់ឱកាសសម្រាប់និស្សិតថ្នាក់អនុបណ្ឌិត និងបណ្ឌិត ដើម្បីសិក្សាផ្នែកវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា (STEM) នៅសហរដ្ឋអាមេរិក នៅ Institute of International Education (IIE)។ 

 

 ទន្ទឹមនឹងនេះ ក្រសួងអប់រំ ក៏បានប្រកាសអំពីការប្រឡងជ្រើសរើសនិសិ្សត​ ទៅសិក្សានៅសហរដ្ឋអាម៉េរិក ដែលចង់បន្តការសិក្សា លើវិស័យ STEM ផងដែរ។ ចំពោះបេក្ខជន ដែលមានបំណងចង់ដាក់ពាក្យប្រឡង ត្រូវមានអាយុចាប់ពី ១៨ឆ្នាំ និងជាពលរដ្ឋរស់នៅស្របច្បាប់ក្នុងចំណោមប្រទេសអូស្ត្រាលី ឥណ្ឌា ជប៉ុន សហរដ្ឋអាមេរិក និងកំពុងរស់នៅក្នុងប្រទេសទាំង១០ នៅក្នុងអាស៊ាន រួមមាន ព្រុយណេ កម្ពុជា ឥណ្ឌូនេស៊ី ឡាវ ម៉ាឡេស៊ី មីយ៉ាន់ម៉ា ហ្វីលីពីន សិង្ហបុរី ថៃ និងវៀតណាម។

 

កាលបរិច្ឆេឈប់ទទួលពាក្យនៅថ្ងៃទី១ ខែមេសា ឆ្នាំ២០២៤។ ដោយឡែកការប្រកាសលទ្ធផល នឹងធ្វើនៅខែកក្កដា ចំណែកកម្មវិធីអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ និងកម្មវិធីអាហារូបករណ៍នឹងចាប់ផ្តើមនៅខែសីហា ឆ្នាំ២០២៤។ បេក្ខជន អាចចុះឈ្មោះតាមរយៈលីងតំណភ្ជាប់ http://www.quadfellowship.org/apply ៕