កីឡាអន្តរជាតិ
អន្តរជាតិ
World Cup ២០១៤៖ ក្រុមជម្រើសជាតិរុស្ស៊ី
× រុស្ស៊ីបានចូលប្រឡូកក្នុងព្រឹត្តិការណ៍ World Cup ចំនួនពីរលើក ប៉ុន្តែបើគិតទាំងពីពេលដែលពួកគេមិនទាន់ទទួលបានឯករាជ្យពីសហភាពសូវៀតនោះ ក្រុមជម្រើសជាតិមួយនេះ មានវត្តមានសរុបចំនួន៩លើករួចមកហើយ។ អតីតសហភាពសូវៀត បានឈានទៅដល់វគ្គមួយភាគបួនផ្តាច់ព្រ័ត្រក្នុងឆ្នាំ១៩៥៨ ឆ្នាំ១៩៦២ និងឆ្នាំ១៩៧០ ហើយឈានទៅទទួលបានលេខបួននៅក្នុងឆ្នាំ១៩៦៦ ។ ប៉ុន្តែសម្រាប់ការចូលលេងក្នុងឈ្មោះជាក្រុមជម្រើសជាតិរុស្ស៊ី ពួកគេបានធ្លាក់ពីការប្រកួតជម្រុះតាមពូលទាំងពីរលើក ពោលគឺក្នុងឆ្នាំ១៩៩៤ និងឆ្នាំ២០០២ ។
រុស្ស៊ីបច្ចុប្បន្នកំពុងមានចំណាត់ទី១៩នៅក្នុងតារាង FIFA។ កីឡាករភាគច្រើនត្រូវបានជ្រើសរើសចេញពីក្របខណ្ឌបាល់ទាត់ក្នុងស្រុកតែម្តងដែលក្នុងចំណោមនោះ កីឡាករដែលគួរឲ្យចាប់អារម្មណ៍រួមមាន អ្នកចាំទី Igor Akinfeev ខ្សែប្រយុទ្ធ Alexander Kokorin ខ្សែការពារ Sergey Ignashevich និងខ្សែបម្រើ Victor Fayzulin។ អតីតវីរបុរសរបស់ក្រុមអតីតសហភាពសូវៀតមួយនេះ មាន Yashin, Eduard Streltsov និង Oleg Blokhin។
ឈុតជម្រើសជាតិរុស្ស៊ី៖
គ្រូបង្វឹក៖ លោក Fabio Capello (អ៊ីតាលី)
អ្នកចាំទី: Igor Akinfeev (CSKA Moscow), Yury Lodygin (Zenit St Petersburg), Sergey Ryzhikov (Rubin Kazan).
ខ្សែការពារ: Vasili Berezutskiy (CSKA Moscow), Vladimir Granat (Dynamo Moscow), Andrey Eshchenko (Anzhi Makhachkala), Sergey Ignashevich (CSKA Moscow), Alexey Kozlov (Dynamo Moscow), Dmitry Kombarov (Spartak Moscow), Andrey Semenov (Terek Grozny), Georgi Schennikov (CSKA Moscow).
ខ្សែបម្រើ: Denis Glushakov (Spartak Moscow), Igor Denisov (Dynamo Moscow), Alan Dzagoev (CSKA Moscow), Yury Zhirkov (Dynamo Moscow), Alexey Ionov (Dynamo Moscow), Pavel Mogilevets (Rubin Kazan), Alexander Samedov (Lokomotiv Moscow), Victor Faizulin (Zenit St Petersburg), Oleg Shatov (Zenit St Petersburg).
ខ្សែប្រយុទ្ធ: Maxim Kanunnikov (Amkar Perm), Alexander Kerzhakov (Zenit St Petersburg), Alexander Kokorin (Dynamo Moscow)៕
ទស្សនាវីដេអូ៖
© រក្សាសិទ្ធិដោយ thmeythmey.com