កីឡាអន្តរជាតិ
អន្តរជាតិ
World Cup៖ រុស្ស៊ីគឺជាក្រុមដែលមានកីឡាករលេងលីកក្នុងស្រុក១០០ភាគរយ
× ក្រុមជម្រើសជាតិរុស្ស៊ី ទទួលបានកំណត់ត្រាថ្មីក្នុងយុទ្ធនាការ World Cup ឆ្នាំ២០១៤ នេះ ចំពោះការប្រើប្រាស់កីឡាករទាំងអស់ដែលលេងក្នុងក្របខណ្ឌ Russian Premier League។ ក្រុមជម្រើសជាតិអង់គ្លេសគឺជាក្រុមចំណាត់ថ្នាក់ទីពីរដែលមានកីឡាករ២២នាក់ក្នុងចំណោម២៣នាក់លេងក្នុងក្របខណ្ឌ English Premier League ដោយអ្នកចាំទី Fraser Forster គឺជាកីឡាករតែម្នាក់គត់ដែលលេងក្រៅទឹកដី ពោលគឺនៅក្លិប Celtic របស់ស្តុតឡែន។
ផ្ទុយទៅវិញ បើតាមកំណត់ត្រារបស់សហព័ន្ធកីឡាបាល់ទាត់ពិភពលោក (FIFA) ក្រុមជម្រើសជាតិបូស្នី-ហឺហ្ស៊េហ្គោវីណា កូតឌីវ័រ ហ្គាណា និងអ៊ុយរូហ្គាយ មានកីឡាករដែលលេងក្នុងក្របខណ្ឌកំពូលនៃប្រទេសរបស់ខ្លួនតែ៤,៣ភាគរយ ប៉ុណ្ណោះ។ និយាយរួម មានតែកីឡាករម្នាក់ប៉ុណ្ណោះក្នុងចំណោម២៣នាក់ដែលលេងនៅលីកក្នុងស្រុក៕
© រក្សាសិទ្ធិដោយ thmeythmey.com