អាហ្សង់ទីនបានទទួលជ័យជម្នះ ២-១ លើបូស្នីហឺហ្ស៊េហ្គោវីណា សម្រាប់ការប្រកួតបើកឆាកពូល F នៅកីឡដ្ឋាន Maracanã ក្រុង Rio De Janeiro នាព្រឹកថ្ងៃអាទិត្យនេះ បន្ទាប់ពីបារាំងឈរលើតារាងពូល E ក្រោយបំបាក់ហុងឌូរ៉ាស ៣-០ រីឯស្វ៊ីសដែលបានយកឈ្នះ អេក្វាឌ័រ ២-១ ស្ថិតនៅលំដាប់លេខ២ ។
Messi ជួយអាហ្សង់ទីនចាប់ផ្តើមជាមួយនឹងជ័យជម្នះលើក្រុមចំណូលថ្មី បូស្នី
Lionel Messi បានស៊ុតបាល់បញ្ចូលទីមួយគ្រាប់យ៉ាងអស្ចារ្យ ខណៈអាហ្សង់ទីន បានចាប់ផ្តើមយុទ្ធនាការ World Cup របស់ខ្លួនជាមួយនឹងជ័យជម្នះ ២-១ លើក្រុមចំណូលថ្មី បូស្នី-ហឺហ្ស៊េហ្គោវីណា។
១៥នាទីមុនបញ្ចប់ការប្រកួត បូស្នី-ហឺហ្ស៊េហ្គោវីណាដែលជាក្រុមថ្មីថ្មោងក្នុង World Cup វាយបកវិញបានមួយគ្រាប់ដែលសម្រេចបានដោយ Vedad Ibisevic។
បារាំងបំបាក់ហុងឌូរ៉ាសដែលមានគ្នាត្រឹម១០នាក់
ក្រុមបាល់ទាត់ជម្រើសជាតិបារាំងបានផ្តួលក្រុមនៅសល់សមាជិកត្រឹមតែ១០នាក់ ហុងឌូរ៉ាស ក្នុងលទ្ធផល ៣-០ ក្នុងការប្រកួត World Cup កាលពីថ្ងៃអទិត្យ ខណៈដែលប្រព័ន្ធបច្ចេកវិទ្យាមើលចលនាបាល់បានផ្តល់គ្រាប់បាល់អន្តរជាតិជាលើកទី១ក្នុងប្រវត្តិសាស្ត្រ។
Seferovic ជួយឲ្យស្វ៊ីសទទួលជ័យជម្នះនៅវិនាទីចុងក្រោយ
ខ្សែប្រយុទ្ធ Haris Seferovic បានស៊ុតបាល់បញ្ចូលទីនៅនាទីចុងក្រោយនៃនាទីបន្ថែមដើម្បីជួយឲ្យក្រុមបាល់ទាត់ជម្រើសជាតិស្វ៊ីសទទួលជ័យជម្នះយ៉ាងរំភើបក្នុងលទ្ធផល ២-១ លើក្រុមជម្រើសជាតិអេក្វាទ័រក្នុងការប្រកួតពូល E នៃយុទ្ធនាការ World Cup របស់ពួកគេក្នុងទីក្រុង Brasilia កាលពីថ្ងៃអទិត្យ។