កីឡាអន្តរជាតិ
អន្តរជាតិ
អាល្លឺម៉ង់ជួបព័រទុយហ្គាល់នឹងក្លាយជាការប្រកួតដ៏គួរឲ្យចាប់អារម្មណ៍នៅរាត្រីនេះ
×![]()
ដោយ: ថ្មីៗ
ក្រុមបាល់ទាត់ជម្រើសជាតិព័រទុយហ្គាល់របស់ខ្សែប្រយុទ្ធ Cristiano Ronaldo កំពុងមានបំណងបញ្ចប់ការរងបរាជ័យបីលើកជាប់ៗគ្នាក្រោមស្នាដៃក្រុមជម្រើសជាតិអាល្លឺម៉ង់នៅក្នុងយុទ្ធនាការធំៗ នៅពេលដែលការជួបគ្នារបស់ពួកគេក្នុងព្រឹត្តិការណ៍ World Cup នៅរាត្រីនេះ នឹងក្លាយជាការប្រកួតដ៏គួរឲ្យចាប់អារម្មណ៍មួយ។ ស្របពេលជាមួយគ្នានេះ ក្រុមបាល់ទាត់ជម្រើសជាតិហ្គាណា នឹងត្រូវជួបសហរដ្ឋអាមេរិកក្នុងការប្រកួតគូទី២នៃពូល G ខណៈដែលក្នុងការប្រកួតពូល F ក្រុមអ៊ីរ៉ង់នឹងត្រូវជួបជាមួយនីហ្សេរីយ៉ា។ 
ក្រុមបាល់ទាត់ជម្រើសជាតិអាល្លឺម៉ង់ បានផ្តួលក្រុមរបស់កីឡាករឈ្នះបាល់មាស FIFA Ballon D'Or រូបនេះ ក្នុងលទ្ធផល ៣-១ ក្នុងការប្រកួតដណ្តើមចំណាត់ថ្នាក់លេខ៣ក្នុងព្រឹត្តិការណ៍ World Cup ឆ្នាំ២០០៦ ក្នុងលទ្ធផល ៣-២ ក្នុងការប្រកួតវគ្គ៨ក្រុមចុងក្រោយនៃព្រឹត្តិការណ៍ Euro ឆ្នាំ២០០៨ និងបានយកឈ្នះក្នុងលទ្ធផល ១-០ ក្នុងជុំទី១នៃយុទ្ធនាការ Euro ឆ្នាំ២០១២ ។
ស្ថិតិផ្សេងទៀតហាក់បង្ហាញពីការប្រឆាំងនឹងកីឡាករ Ronaldo ខណៈដែលក្រុមជម្រើសជាតិអាល្លឺម៉ង់បានទទួលជ័យជម្នះរាល់ការប្រកួតបើកឆាករបស់ពួកគេទាំងនៃព្រឹត្តិការណ៍ World Cup បើគិតចាប់តាំងពីទសវត្សរ៍ឆ្នាំ១៩៩០ ។ ក្រុមអាល្លឺម៉ង់មានកីឡាករស្ថិតក្នុងបញ្ហារបួសជាច្រើនក្នុងការប្រកួតដ៏សំខាន់នេះក្នុងទីក្រុង Salvador ដែលនឹងចាប់ផ្តើមនៅម៉ោង១១យប់នេះ។
ប៉ុន្តែ អ្នកចាំទី Manuel Neuer នឹងវិលទៅប្រកួតវិញ ក្រោយពីការជាសះស្បើយលើបញ្ហារបួសស្មា។ ខ្សែបម្រើ Bastian Schweinsteiger ក៏នឹងត្រូវចូលលេងផងដែរ បើទោះបីរូបគេត្រូវបានបញ្ជូនទៅកាន់មន្ទីរពេទ្យកាលពីថ្ងៃសៅរ៍ដើម្បីត្រួតពិនិត្យលើបញ្ហាជង្គង់នៅមន្ទីរពេទ្យរបស់ FIFA ក៏ដោយ។ Ronaldo វ័យ២៩ កំពុងតែស្ថិតក្នុងការជឿជាក់យ៉ាងខ្ពស់ ក្រោយពីបានឈ្នះពាន Champions League ជាមួយនឹងក្លិប Real Madrid។ ប៉ុន្តែ រូបគេកំពុងតែហ្វឹកហាត់ដោយការរុំក្រណាត់លើជង្គង់ក្នុងរយៈពេលថ្មីៗនេះ។
ស្របពេលជាមួយគ្នានេះ ខ្សែប្រយុទ្ធ MiroslavKloseរបស់អាល្លឺម៉ង់ រំពឹងតាមទាន់កំណត់ត្រារបស់អតីតខ្សែប្រយុទ្ធប្រេស៊ីល Ronaldo ក្នុងការស៊ុតបាល់បញ្ចូលទី១៥គ្រាប់ក្នុងព្រឹត្តិការណ៍ World Cup ខណៈបច្ចុប្បន្ន គេរកបាន១៤គ្រាប់ហើយ៕
កម្មវិធីប្រកួតនៅរាត្រីនេះ៖
អាល្លឺម៉ង់ ជួប ព័រទុយហ្គាល់-ម៉ោង១១យប់
អ៊ីរ៉ង់ ជួប នីហ្សេរីយ៉ា-ម៉ោង២រំលងអាធ្រាត្រ
ហ្គាណា ជួប សហរដ្ឋអាមេរិក-ម៉ោង៥ទៀបភ្លឺ
ប្រែសម្រួលដោយ ផេង សំណាង
ក្រុមបាល់ទាត់ជម្រើសជាតិអាល្លឺម៉ង់ បានផ្តួលក្រុមរបស់កីឡាករឈ្នះបាល់មាស FIFA Ballon D'Or រូបនេះ ក្នុងលទ្ធផល ៣-១ ក្នុងការប្រកួតដណ្តើមចំណាត់ថ្នាក់លេខ៣ក្នុងព្រឹត្តិការណ៍ World Cup ឆ្នាំ២០០៦ ក្នុងលទ្ធផល ៣-២ ក្នុងការប្រកួតវគ្គ៨ក្រុមចុងក្រោយនៃព្រឹត្តិការណ៍ Euro ឆ្នាំ២០០៨ និងបានយកឈ្នះក្នុងលទ្ធផល ១-០ ក្នុងជុំទី១នៃយុទ្ធនាការ Euro ឆ្នាំ២០១២ ។
ស្ថិតិផ្សេងទៀតហាក់បង្ហាញពីការប្រឆាំងនឹងកីឡាករ Ronaldo ខណៈដែលក្រុមជម្រើសជាតិអាល្លឺម៉ង់បានទទួលជ័យជម្នះរាល់ការប្រកួតបើកឆាករបស់ពួកគេទាំងនៃព្រឹត្តិការណ៍ World Cup បើគិតចាប់តាំងពីទសវត្សរ៍ឆ្នាំ១៩៩០ ។ ក្រុមអាល្លឺម៉ង់មានកីឡាករស្ថិតក្នុងបញ្ហារបួសជាច្រើនក្នុងការប្រកួតដ៏សំខាន់នេះក្នុងទីក្រុង Salvador ដែលនឹងចាប់ផ្តើមនៅម៉ោង១១យប់នេះ។
ប៉ុន្តែ អ្នកចាំទី Manuel Neuer នឹងវិលទៅប្រកួតវិញ ក្រោយពីការជាសះស្បើយលើបញ្ហារបួសស្មា។ ខ្សែបម្រើ Bastian Schweinsteiger ក៏នឹងត្រូវចូលលេងផងដែរ បើទោះបីរូបគេត្រូវបានបញ្ជូនទៅកាន់មន្ទីរពេទ្យកាលពីថ្ងៃសៅរ៍ដើម្បីត្រួតពិនិត្យលើបញ្ហាជង្គង់នៅមន្ទីរពេទ្យរបស់ FIFA ក៏ដោយ។ Ronaldo វ័យ២៩ កំពុងតែស្ថិតក្នុងការជឿជាក់យ៉ាងខ្ពស់ ក្រោយពីបានឈ្នះពាន Champions League ជាមួយនឹងក្លិប Real Madrid។ ប៉ុន្តែ រូបគេកំពុងតែហ្វឹកហាត់ដោយការរុំក្រណាត់លើជង្គង់ក្នុងរយៈពេលថ្មីៗនេះ។
ស្របពេលជាមួយគ្នានេះ ខ្សែប្រយុទ្ធ MiroslavKloseរបស់អាល្លឺម៉ង់ រំពឹងតាមទាន់កំណត់ត្រារបស់អតីតខ្សែប្រយុទ្ធប្រេស៊ីល Ronaldo ក្នុងការស៊ុតបាល់បញ្ចូលទី១៥គ្រាប់ក្នុងព្រឹត្តិការណ៍ World Cup ខណៈបច្ចុប្បន្ន គេរកបាន១៤គ្រាប់ហើយ៕
កម្មវិធីប្រកួតនៅរាត្រីនេះ៖
អាល្លឺម៉ង់ ជួប ព័រទុយហ្គាល់-ម៉ោង១១យប់
អ៊ីរ៉ង់ ជួប នីហ្សេរីយ៉ា-ម៉ោង២រំលងអាធ្រាត្រ
ហ្គាណា ជួប សហរដ្ឋអាមេរិក-ម៉ោង៥ទៀបភ្លឺ
ប្រែសម្រួលដោយ ផេង សំណាង
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
