ស្រីៗអ្នកគាំទ្រក្រុមម្ចាស់ផ្ទះប្រេស៊ីលជាប់ចំណាត់ថ្នាក់ស៊ិចស៊ីជាងគេ

កីឡាអន្តរជាតិ

អន្តរជាតិ

ស្រីៗអ្នកគាំទ្រក្រុមម្ចាស់ផ្ទះប្រេស៊ីលជាប់ចំណាត់ថ្នាក់ស៊ិចស៊ីជាងគេ

17, Jun 2014 , 2:03 pm

រូបភាព

ដោយ: រួបរួម

ប្រេស៊ីលដែលស្ថិតនៅតំបន់អាមេរិកឡាទីន ត្រូវបានចាត់ទុកថា ជាប្រទេសដ៏រូមេនទិចមួយក្នុងពិភពលោក ហើយក៏ជាប្រទេសដែលពោរពេញទៅដោយស្រីស្អាតផងដែរ។ ខណៈប្រេស៊ីលទទួលបន្ទុកធ្វើជាម្ចាស់ផ្ទះ FIFA World Cup ឆ្នាំ២០១៤ នេះ គេហទំព័រយុវវ័យមួយដែលមានឈ្មោះថា «Victoria Milan» បានធ្វើការស្ទង់មតិលើមិត្តអ្នកអានរបស់ខ្លួនចំនួន៨០០០នាក់ដើម្បីបោះឆ្នោតអ្នកគាំទ្រជានារីដែលស៊ិចស៊ីបំផុត។ តួលេខបានបង្ហាញ ក្រុមម្ចាស់ផ្ទះទទួលបានការគាំទ្រច្រើនជាងគេ។

នារយៈពេលមួយសប្តាហ៍កន្លងមក នៅគ្រប់ទីកន្លែង និងបរិវេណកីឡដ្ឋានដែលត្រូវរៀបចំការប្រកួតក្នុងប្រទេសប្រេស៊ីល គេតែងតែឃើញវត្តមានស្រីស្អាតជាច្រើន ជាមួយនឹងសម្លៀកបំពាក់ប្លែកៗ និងស៊ិចស៊ី។ សកម្មភាពរបស់នារីទាំងនោះ គឺជាការទាក់ទាញដ៏សំខាន់មួយផងដែរ ក្រៅពីការប្រកួតនៅលើទីលាន។

Victoria Milan ដែលជាគេហទំព័រភ្ជាប់ទំនាក់ទំនងស្នេហាដ៏ធំមួយនៅតំបន់អឺរ៉ុប បានបង្ហាញលទ្ធផល

នៃស្ទង់មតិរបស់ខ្លួនលើអតិថិជនប្រមាណ៨០០០នាក់ ដែលក្នុងនោះ១៨ភាគរយបានបោះឆ្នោតថា អ្នកគាំទ្រស្ត្រីនៃក្រុមជម្រើសជាតិប្រេស៊ីលគឺស៊ិចស៊ីជាងគេ។

បន្ទាប់ពីប្រេស៊ីល ស្រីស្អាតដែលគាំទ្រក្រុមអ៊ីតាលី និងអេស្ប៉ាញ ជាប់ចំណាត់ថ្នាក់លេខ២ និងលេខ៣ ជាមួយនឹងអត្រា ១២ភាគរយ និង១១ភាគរយ ទៅតាមលំដាប់។ ស្ត្រីនៃក្រុមផ្សេងទៀតដែលស្ថិតក្នុងចំណោមអ្នកស៊ិចស៊ី រួមមាន អាហ្សង់ទីន (៩ភាគរយ) កូស្តារីកា (៨ភាគរយ) រុស្ស៊ី (៧ភាគរយ) កូឡុំប៊ី (៦ភាគរយ) បារាំង (៥ភាគរយ) ក្រិក (៤ភាគរយ) ហូឡង់ ស្វ៊ីស និងជប៉ុន (៣ភាគរយដូចគ្នា)។

ទោះបីជាយ៉ាងណាក៏ដោយ ក្រុមនារីដែលគាំទ្រក្រុមជម្រើសជាតិផ្សេងទៀតក៏មានភាពស៊ិចស៊ីផងដែរ ដោយគ្រាន់តែវត្តមានរបស់ពួកគេមិនសូវមានចំនួនច្រើននៅប្រេស៊ីល ដូច្នេះអ្នកបោះឆ្នោតភាគច្រើនមិនមានការចាប់អារម្មណ៍៕

ទស្សនារូបភាពអ្នកគាំទ្រស៊ីចស៊ីផ្សេងទៀត (ប្រភព fifa.com)៖