កីឡាអន្តរជាតិ
អន្តរជាតិ
World Cup៖ លោក បាន គីមូន ធ្វើខ្លួនអព្យាក្រឹត្យ ទោះបីចិត្តគាំទ្រកូរ៉េខាងត្បូងក៏ដោយ
×![]()
ដោយ: រួបរួម
អគ្គលេខាធិការអង្គការសហប្រជាជាតិ លោក បាន គីមូន បាននិយាយប្រាប់អ្នកសារព័ត៌មាននៅថ្ងៃនេះថា លោកនឹងធ្វើខ្លួនជាមនុស្សស្ថិតនៅអព្យាក្រឹត្យ ខណៈក្រុមជម្រើសជាតិកូរ៉េខាងត្បូងនៃប្រទេសកំណើតរបស់លោក ត្រូវប៉ះគ្នាជាមួយរុស្ស៊ីក្នុងព្រឹត្តិការណ៍ World Cup នាវេលាម៉ោង៥ព្រឹកថ្ងៃពុធស្អែកនេះ (ម៉ោងនៅកម្ពុជា)។
បើយោងតាមការដកស្រង់សម្តីដោយទីភ្នាក់ងារព័ត៌មានបារាំង AFP លោក បាន គីមូន បានទទួលស្គាល់ថា សំណួរទាក់ទងនឹងការប្រកួត World Cup របស់ក្រុមជម្រើសជាតិកូរ៉េខាងត្បូងគឺជាសំណួរដ៏រសើបមួយសម្រាប់រូបលោក។ លោកបានលើកឡើងថា៖ «ខ្ញុំមិនអាចលាក់បាំងនូវអារម្មណ៍ផ្ទាល់ខ្លួនបានឡើយថា ខ្ញុំគាំទ្រជម្រើសជាតិកូរ៉េខាងត្បូង។ ប៉ុន្តែក្នុងនាមជាអគ្គលេខាធិការអង្គការសហប្រជាជាតិ វាពិតប្រាកដណាស់ថា ខ្ញុំត្រូវស្ថិតនៅអព្យាក្រឹត្យ។ ខ្ញុំគាំទ្រក្រុមទាំងអស់ដែលចូលរួមប្រកួតក្នុង World Cup»។
លោកបានបន្ថែមថា៖ «ប៉ុន្តែលោកអ្នកក៏អាចដឹងដែរថា នៅពេលដែលក្រុមកូរ៉េមានការប្រកួតជាមួយក្រុមណាមួយ ដោយចាប់ផ្តើមពីរុស្ស៊ីនៅថ្ងៃនេះ អ្នកអាចរំពឹងថា បេះដូងរបស់ខ្ញុំច្បាស់ជាលោតញាប់ជាងសព្វដង»។
លោកបានអះអាងថា លោកត្រូវរក្សាខ្លួនឲ្យស្ថិតនៅអព្យាក្រឹត្យ។ «ខ្ញុំសម្រេចចិត្តមិនមើលការប្រកួតឡើយ។ ខ្ញុំនឹងទទួលរបាយការណ៍ទាក់ទងនឹងការប្រកួតនេះពីបុគ្គលិករបស់ខ្ញុំនៅព្រឹកស្អែក»។ នេះបើតាមការបញ្ជាក់របស់លោក បាន គីមូន។
កូរ៉េខាងត្បូងត្រូវប្រកួតជាមួយរុស្ស៊ី នៅកីឡដ្ឋានក្រុង Cuiaba នៅក្នុងពូល H ខណៈកាលពីឆ្នាំ២០០២ កូរ៉េខាងត្បូងគឺជាក្រុមទីមួយនៅអាស៊ីដែលបានឈានចូលដល់វគ្គពាក់កណ្តាលផ្តាច់ព្រ័ត្រ៕
បើយោងតាមការដកស្រង់សម្តីដោយទីភ្នាក់ងារព័ត៌មានបារាំង AFP លោក បាន គីមូន បានទទួលស្គាល់ថា សំណួរទាក់ទងនឹងការប្រកួត World Cup របស់ក្រុមជម្រើសជាតិកូរ៉េខាងត្បូងគឺជាសំណួរដ៏រសើបមួយសម្រាប់រូបលោក។ លោកបានលើកឡើងថា៖ «ខ្ញុំមិនអាចលាក់បាំងនូវអារម្មណ៍ផ្ទាល់ខ្លួនបានឡើយថា ខ្ញុំគាំទ្រជម្រើសជាតិកូរ៉េខាងត្បូង។ ប៉ុន្តែក្នុងនាមជាអគ្គលេខាធិការអង្គការសហប្រជាជាតិ វាពិតប្រាកដណាស់ថា ខ្ញុំត្រូវស្ថិតនៅអព្យាក្រឹត្យ។ ខ្ញុំគាំទ្រក្រុមទាំងអស់ដែលចូលរួមប្រកួតក្នុង World Cup»។
លោកបានបន្ថែមថា៖ «ប៉ុន្តែលោកអ្នកក៏អាចដឹងដែរថា នៅពេលដែលក្រុមកូរ៉េមានការប្រកួតជាមួយក្រុមណាមួយ ដោយចាប់ផ្តើមពីរុស្ស៊ីនៅថ្ងៃនេះ អ្នកអាចរំពឹងថា បេះដូងរបស់ខ្ញុំច្បាស់ជាលោតញាប់ជាងសព្វដង»។
លោកបានអះអាងថា លោកត្រូវរក្សាខ្លួនឲ្យស្ថិតនៅអព្យាក្រឹត្យ។ «ខ្ញុំសម្រេចចិត្តមិនមើលការប្រកួតឡើយ។ ខ្ញុំនឹងទទួលរបាយការណ៍ទាក់ទងនឹងការប្រកួតនេះពីបុគ្គលិករបស់ខ្ញុំនៅព្រឹកស្អែក»។ នេះបើតាមការបញ្ជាក់របស់លោក បាន គីមូន។
កូរ៉េខាងត្បូងត្រូវប្រកួតជាមួយរុស្ស៊ី នៅកីឡដ្ឋានក្រុង Cuiaba នៅក្នុងពូល H ខណៈកាលពីឆ្នាំ២០០២ កូរ៉េខាងត្បូងគឺជាក្រុមទីមួយនៅអាស៊ីដែលបានឈានចូលដល់វគ្គពាក់កណ្តាលផ្តាច់ព្រ័ត្រ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
