កូឡុំប៊ី បានក្លាយជាក្រុមទីបីដែលឈានទៅកាន់ការប្រកួតវគ្គ១៦ក្រុមចុងក្រោយនៃព្រឹត្តិការណ៍ World Cup ឆ្នាំ២០១៤ បន្ទាប់ពីហូឡង់ និងឈីលី។ ក្រុមមកពីតំបន់អាមេរិកខាងត្បូងមួយនេះ បានយកឈ្នះកូតឌីវ័រ ២-១ នៅក្នុងពូល C មុនពេលដែលជប៉ុន និងក្រិកបញ្ចប់លទ្ធផលដោយគ្មានការស៊ុតបាល់បញ្ចូលទី។ ដោយឡែកនៅក្នុងពូល D អង់គ្លេសបានរងបរាជ័យពីរលើកផ្ទួនៗ ដែលនាំឲ្យឱកាសឡើងទៅវគ្គបន្តរបស់ពួកគេមានភាគរយតិចតួចបំផុត។