កីឡាអន្តរជាតិ
អន្តរជាតិ
បារាំងប្រកៀកនឹងបានកៅអីនៅវគ្គ១៦ក្រុមចុងក្រោយ ខណៈឱកាសហុងឌូរ៉ាស់ ស្តួចស្តើងបំផុត
×![]()
ដោយ: រួបរួម
ក្រុមជម្រើសជាតិបារាំងបានទទួលជ័យជម្នះ ៥-២ លើស្វ៊ីស ដើម្បីប្រកៀកនឹងការទទួលបានកៅអីសម្រាប់ការប្រកួតវគ្គ១៦ក្រុមចុងក្រោយនៃព្រឹត្តិការណ៍ World Cup ឆ្នាំ២០១៤ ផ្ទុយទៅវិញ ហុងឌូរ៉ាស់ដែលស្ថិតនៅក្នុងពូល E ផងដែរនោះ ពិបាកគេចផុតពីការហាលអាវណាស់ បន្ទាប់ពីពួកគេបានប្រកួតចាញ់អេក្វាឌ័រក្នុងលទ្ធផល ២-១ ។
ការប្រកួតមិនទាន់បាន២០នាទីស្រួលបួលផង Olivier Giroud និង Blaise Matuidi បានរកគ្រាប់បញ្ចូលទីសម្រាប់បារាំងជាបន្តបន្ទាប់។ ក្រោយពេលដែល Karim Benzema បរាជ័យក្នុងសម្រេចគ្រាប់បាល់ប៉េណាល់ទី Mathieu Valbuena បន្ថែមបានគ្រាប់បញ្ចូលទី ទី៣ ដែលនាំឲ្យបារាំងនាំមុខស្វ៊ីស ៣-០ នៅតង់ទីមួយ។
នៅតង់ទីពីរ Benzema និង Moussa Sissoko ជួយឲ្យបារាំងនាំមុខរហូតដល់៥-០ ខណៈ១០នាទីមុននឹងបញ្ចប់ការប្រកួត Blerim Demaili និង Granit Xhaka វាយបកតាមពីក្រោយបានចំនួន២គ្រាប់សម្រាប់ក្រុមស្វ៊ីស។
ដោយឡែក ការប្រកួតមួយគូទៀតនៅក្នុងពូល E ដដែលនោះ Enner Valencia បានស៊ុតបាល់បញ្ចូលទីតែម្នាក់ឯងចំនួន២គ្រាប់ ដើម្បីយកឈ្នះហុងឌូរ៉ាស់ ២-១ ។ Carlo Costly គឺជាអ្នកដែលរកបានគ្រាប់នាំមុខសម្រាប់ហុងឌូរ៉ាស់ និងជាគ្រាប់បាល់ដំបូងរបស់ក្រុមមកពីតំបន់អាមេរិកកណ្តាលមួយនេះ បើគិតចាប់តាំងពីឆ្នាំ១៩៨២មក។
បារាំងនៅសល់មួយប្រកួតជាមួយអេក្វាឌ័រ ខណៈហុងឌូរ៉ាស់ត្រូវប៉ះជាមួយស្វ៊ីស។ បច្ចុប្បន្នក្រុមដែលទទួលបានកៅអីទៅវគ្គ១៦ក្រុមចុងក្រោយរួមមាន ហូឡង់ ឈីលី កូឡុំប៊ី កូស្តារីកា និងបារាំង ខណៈក្រុមអេស្ប៉ាញ អូស្ត្រាលី កាមេរូន អង់គ្លេស គឺជាក្រុមដែលហាលអាវ៕
រូបថត៖ fifa.com
ការប្រកួតមិនទាន់បាន២០នាទីស្រួលបួលផង Olivier Giroud និង Blaise Matuidi បានរកគ្រាប់បញ្ចូលទីសម្រាប់បារាំងជាបន្តបន្ទាប់។ ក្រោយពេលដែល Karim Benzema បរាជ័យក្នុងសម្រេចគ្រាប់បាល់ប៉េណាល់ទី Mathieu Valbuena បន្ថែមបានគ្រាប់បញ្ចូលទី ទី៣ ដែលនាំឲ្យបារាំងនាំមុខស្វ៊ីស ៣-០ នៅតង់ទីមួយ។
នៅតង់ទីពីរ Benzema និង Moussa Sissoko ជួយឲ្យបារាំងនាំមុខរហូតដល់៥-០ ខណៈ១០នាទីមុននឹងបញ្ចប់ការប្រកួត Blerim Demaili និង Granit Xhaka វាយបកតាមពីក្រោយបានចំនួន២គ្រាប់សម្រាប់ក្រុមស្វ៊ីស។
ដោយឡែក ការប្រកួតមួយគូទៀតនៅក្នុងពូល E ដដែលនោះ Enner Valencia បានស៊ុតបាល់បញ្ចូលទីតែម្នាក់ឯងចំនួន២គ្រាប់ ដើម្បីយកឈ្នះហុងឌូរ៉ាស់ ២-១ ។ Carlo Costly គឺជាអ្នកដែលរកបានគ្រាប់នាំមុខសម្រាប់ហុងឌូរ៉ាស់ និងជាគ្រាប់បាល់ដំបូងរបស់ក្រុមមកពីតំបន់អាមេរិកកណ្តាលមួយនេះ បើគិតចាប់តាំងពីឆ្នាំ១៩៨២មក។
បារាំងនៅសល់មួយប្រកួតជាមួយអេក្វាឌ័រ ខណៈហុងឌូរ៉ាស់ត្រូវប៉ះជាមួយស្វ៊ីស។ បច្ចុប្បន្នក្រុមដែលទទួលបានកៅអីទៅវគ្គ១៦ក្រុមចុងក្រោយរួមមាន ហូឡង់ ឈីលី កូឡុំប៊ី កូស្តារីកា និងបារាំង ខណៈក្រុមអេស្ប៉ាញ អូស្ត្រាលី កាមេរូន អង់គ្លេស គឺជាក្រុមដែលហាលអាវ៕
រូបថត៖ fifa.com
© រក្សាសិទ្ធិដោយ thmeythmey.com
