កីឡាអន្តរជាតិ
អន្តរជាតិ
បូស្នី-ហឺហ្ស៊េហ្គោវីណាអស់ឱកាស ខណៈអាហ្សង់ទីនមានកៅអីរួចជាស្រេចនៅវគ្គបន្ត
John Obi Mikel របស់នីហ្សេរីយ៉ា រេរាំង Edin Dzeko របស់បូស្នី-ហឺហ្ស៊េហ្គោវីណា។ រូបថត fifa.com
×![]()
ដោយ: រួបរួម
ជម្រើសជាតិបូស្នី-ហឺហ្ស៊េហ្គោវីណា បានបាត់បង់ឱកាសក្នុងការឈានទៅកាន់វគ្គបន្តនៃព្រឹត្តិការណ៍ World Cup ឆ្នាំ២០១៤ បន្ទាប់ពីពួកគេប្រកួតចាញ់នីហ្សេរីយ៉ា ១-០ ក្នុងជំនួបពូល F ខណៈអាហ្សង់ទីនដែលបានយកឈ្នះអ៊ីរ៉ង់ ១-០ ក្នុងលទ្ធផលដូចគ្នានោះ ទទួលបានកៅអីរួចជាស្រេចនៅវគ្គ១៦ក្រុមចុងក្រោយ។ រីឯពូល G វិញ អាល្លឺម៉ង់បញ្ចប់ក្នុងលទ្ធផលត្រឹមស្មើ ២-២ ជាមួយហ្គាណា។
នីហ្សេរីយ៉ារក្សាឱកាសរបស់ខ្លួនទៅកាន់វគ្គបន្ត ខណៈបូស្នី-ហឺហ្សេហ្គោវីណា ត្រូវហាលអាវ
ខ្សែប្រយុទ្ធ Peter Odemwingie បានស៊ុតបាល់បញ្ចូលទីតែមួយគ្រាប់ដើម្បីនាំជ័យជម្នះដល់នីហ្សេរីយ៉ា លើបូស្នី-ហឺហ្ស៊េហ្គោវីណា។ គ្រាប់បាល់បញ្ចូលទីរបស់ខ្សែប្រយុទ្ធនៃក្លិប Stoke City បាននាំជ័យជម្នះលើកដំបូងសម្រាប់នីហ្សេរីយ៉ាក្នុងព្រឹត្តិការណ៍ World Cup បើគិតចាប់តាំងពីឆ្នាំ១៩៩៨ មក។
បូស្នី-ហឺហ្ស៊េហ្គោវីណា ដែលបង្ហាញខ្លួនជាលើកដំបូងនៅ World Cup ត្រូវហាលអាវទាំងខកចិត្ត បើទោះជាពួកគេមានទម្រង់លេងដ៏គួរឲ្យកត់សម្គាល់យ៉ាងណាក៏ដោយ។ នីហ្សេរីយ៉ាអាចមានឱកាសទៅកាន់វគ្គបន្តប្រសិនបើពួកគេអាចរកបានមួយពិន្ទុនាជំនួបជាមួយអាហ្សង់ទីន ឬក៏អ៊ីរ៉ង់ចាញ់បូស្នី-ហឺហ្ស៊េហ្គោវីណា។
Messi ស៊ុតបាល់បញ្ចូលទីក្នុងនាទីបន្ថែមដើម្បីនាំអាហ្សង់ទីនទៅវគ្គ១៦ក្រុមចុងក្រោយ
ខ្សែប្រយុទ្ធ Lionel Messi បានស៊ុតបាល់បញ្ចួលទីក្នុងនាទីបន្ថែមដើម្បីនាំឲ្យអាហ្សង់ទីនឈានទៅកាន់វគ្គ១៦ក្រុមចុងក្រោយ។ វាជាការប្រកួតដ៏ស្វិតស្វាញមួយ ខណៈក្រុមអ៊ីរ៉ង់បានព្យាយាមរារាំងការស៊ុតបាល់បញ្ចូលទីរបស់អាហ្សង់ទីនដើម្បីទទួលបានយ៉ាងហោចណាស់មួយពិន្ទុ។
ខណៈដែល Javier Mascherano ក្លាយជាកីឡាករទី៤ដែលបានបង្ហាញខ្លួនជាលើកទី១០០សម្រាប់អាហ្សង់ទីននោះ គ្រាប់បាល់បញ្ចូលទីនាំជ័យជម្នះដល់អាហ្សង់ទីន គឺជាគ្រាប់បាល់ទី៣០របស់ Messi សម្រាប់ក្រុមជម្រើសជាតិ។
Miroslav Klose រកបានគ្រាប់បញ្ចូលទី១៥គ្រាប់ក្នុង World Cup ស្មើអតីតខ្សែប្រយុទ្ធប្រេស៊ីល Ronaldo
សម្រាប់ការប្រកួតនៅក្នុងពូល G អាល្លឺម៉ង់ទទួលបានត្រឹមតែ១ពិន្ទុប៉ុណ្ណោះពីជំនួបជាមួយហ្គាណា។ ការប្រកួតបានបញ្ចប់ក្នុងលទ្ធផលស្មើ ២-២ ដោយ Mario Gotze រកបានគ្រាប់បាល់បើកឆាកសម្រាប់អាល្លឺម៉ង់ ប៉ុន្តែ Andre Ayew និង Asamoah Gyan បាននាំឲ្យហ្គាណានាំមុខ ២-១ វិញ។ នៅនាទី ទី៧១ ខ្សែប្រយុទ្ធដ៏មានបទពិសោធន៍ Miroslav Klose បានវាយបកតាមស្មើ ដែលនាំឲ្យរូបគេក្លាយជាកីឡាករទីពីរដែលស៊ុតបាល់បញ្ចូលទីចំនួន១៥គ្រាប់ក្នុង World Cup ដោយស្មើនឹងកំណត់ត្រារបស់អតីតខ្សែប្រយុទ្ធប្រេស៊ីល Ronaldo។
បន្ថែមពីលើនេះ Klose បានក្លាយជាកីឡាករដែលមានចំណាស់ជាងគេទីមួយរបស់អាល្លឺម៉ង់ដែលស៊ុតបាល់បញ្ចូលទីក្នុង World Cup និងជាកីឡាករទីបីក្នុងប្រវត្តិសាស្ត្រដែលស៊ុតបាល់បញ្ចូលទីនៅព្រឹត្តការណ៍ World Cup ៤សម័យកាល ដូចវីរបុរស Pelé របស់ប្រេស៊ីល និង អតីតកីឡាករឆ្នើមអាល្លឺម៉ង់ Uwe Seeler។
ស្របពេលជាមួយគ្នានេះផងដែរ ខ្សែប្រយុទ្ធហ្គាណា Asamoah Gyan ទទួលបានកំណត់ត្រាស្មើ Roger Milla តាមរយៈការស៊ុតបញ្ចូលទីសរុបចំនួន៥គ្រាប់នៅ World Cup ដែលជាកំណត់ត្រាដ៏ខ្ពស់សម្រាប់ក្រុមជម្រើសជាតិមកពីតំបន់អាហ្វ្រិក។ រីឯខ្សែការពារអាល្លឺម៉ង់ Per Mertesacker បានបង្ហាញខ្លួន ជាលើកទី១០០ផងដែរសម្រាប់ជម្រើសជាតិ៕
នីហ្សេរីយ៉ារក្សាឱកាសរបស់ខ្លួនទៅកាន់វគ្គបន្ត ខណៈបូស្នី-ហឺហ្សេហ្គោវីណា ត្រូវហាលអាវ
ខ្សែប្រយុទ្ធ Peter Odemwingie បានស៊ុតបាល់បញ្ចូលទីតែមួយគ្រាប់ដើម្បីនាំជ័យជម្នះដល់នីហ្សេរីយ៉ា លើបូស្នី-ហឺហ្ស៊េហ្គោវីណា។ គ្រាប់បាល់បញ្ចូលទីរបស់ខ្សែប្រយុទ្ធនៃក្លិប Stoke City បាននាំជ័យជម្នះលើកដំបូងសម្រាប់នីហ្សេរីយ៉ាក្នុងព្រឹត្តិការណ៍ World Cup បើគិតចាប់តាំងពីឆ្នាំ១៩៩៨ មក។
បូស្នី-ហឺហ្ស៊េហ្គោវីណា ដែលបង្ហាញខ្លួនជាលើកដំបូងនៅ World Cup ត្រូវហាលអាវទាំងខកចិត្ត បើទោះជាពួកគេមានទម្រង់លេងដ៏គួរឲ្យកត់សម្គាល់យ៉ាងណាក៏ដោយ។ នីហ្សេរីយ៉ាអាចមានឱកាសទៅកាន់វគ្គបន្តប្រសិនបើពួកគេអាចរកបានមួយពិន្ទុនាជំនួបជាមួយអាហ្សង់ទីន ឬក៏អ៊ីរ៉ង់ចាញ់បូស្នី-ហឺហ្ស៊េហ្គោវីណា។
Messi ស៊ុតបាល់បញ្ចូលទីក្នុងនាទីបន្ថែមដើម្បីនាំអាហ្សង់ទីនទៅវគ្គ១៦ក្រុមចុងក្រោយ
ខ្សែប្រយុទ្ធ Lionel Messi បានស៊ុតបាល់បញ្ចួលទីក្នុងនាទីបន្ថែមដើម្បីនាំឲ្យអាហ្សង់ទីនឈានទៅកាន់វគ្គ១៦ក្រុមចុងក្រោយ។ វាជាការប្រកួតដ៏ស្វិតស្វាញមួយ ខណៈក្រុមអ៊ីរ៉ង់បានព្យាយាមរារាំងការស៊ុតបាល់បញ្ចូលទីរបស់អាហ្សង់ទីនដើម្បីទទួលបានយ៉ាងហោចណាស់មួយពិន្ទុ។
ខណៈដែល Javier Mascherano ក្លាយជាកីឡាករទី៤ដែលបានបង្ហាញខ្លួនជាលើកទី១០០សម្រាប់អាហ្សង់ទីននោះ គ្រាប់បាល់បញ្ចូលទីនាំជ័យជម្នះដល់អាហ្សង់ទីន គឺជាគ្រាប់បាល់ទី៣០របស់ Messi សម្រាប់ក្រុមជម្រើសជាតិ។
Miroslav Klose រកបានគ្រាប់បញ្ចូលទី១៥គ្រាប់ក្នុង World Cup ស្មើអតីតខ្សែប្រយុទ្ធប្រេស៊ីល Ronaldo
សម្រាប់ការប្រកួតនៅក្នុងពូល G អាល្លឺម៉ង់ទទួលបានត្រឹមតែ១ពិន្ទុប៉ុណ្ណោះពីជំនួបជាមួយហ្គាណា។ ការប្រកួតបានបញ្ចប់ក្នុងលទ្ធផលស្មើ ២-២ ដោយ Mario Gotze រកបានគ្រាប់បាល់បើកឆាកសម្រាប់អាល្លឺម៉ង់ ប៉ុន្តែ Andre Ayew និង Asamoah Gyan បាននាំឲ្យហ្គាណានាំមុខ ២-១ វិញ។ នៅនាទី ទី៧១ ខ្សែប្រយុទ្ធដ៏មានបទពិសោធន៍ Miroslav Klose បានវាយបកតាមស្មើ ដែលនាំឲ្យរូបគេក្លាយជាកីឡាករទីពីរដែលស៊ុតបាល់បញ្ចូលទីចំនួន១៥គ្រាប់ក្នុង World Cup ដោយស្មើនឹងកំណត់ត្រារបស់អតីតខ្សែប្រយុទ្ធប្រេស៊ីល Ronaldo។
បន្ថែមពីលើនេះ Klose បានក្លាយជាកីឡាករដែលមានចំណាស់ជាងគេទីមួយរបស់អាល្លឺម៉ង់ដែលស៊ុតបាល់បញ្ចូលទីក្នុង World Cup និងជាកីឡាករទីបីក្នុងប្រវត្តិសាស្ត្រដែលស៊ុតបាល់បញ្ចូលទីនៅព្រឹត្តការណ៍ World Cup ៤សម័យកាល ដូចវីរបុរស Pelé របស់ប្រេស៊ីល និង អតីតកីឡាករឆ្នើមអាល្លឺម៉ង់ Uwe Seeler។
ស្របពេលជាមួយគ្នានេះផងដែរ ខ្សែប្រយុទ្ធហ្គាណា Asamoah Gyan ទទួលបានកំណត់ត្រាស្មើ Roger Milla តាមរយៈការស៊ុតបញ្ចូលទីសរុបចំនួន៥គ្រាប់នៅ World Cup ដែលជាកំណត់ត្រាដ៏ខ្ពស់សម្រាប់ក្រុមជម្រើសជាតិមកពីតំបន់អាហ្វ្រិក។ រីឯខ្សែការពារអាល្លឺម៉ង់ Per Mertesacker បានបង្ហាញខ្លួន ជាលើកទី១០០ផងដែរសម្រាប់ជម្រើសជាតិ៕
© រក្សាសិទ្ធិដោយ thmeythmey.com
