ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
កីឡាអន្តរជាតិ
អន្តរជាតិ
អាល្លឺម៉ង់ត្រូវប៉ះអាល់ហ្សេរី បែលហ្ស៊ិកនឹងជួបអាមេរិក ខណៈព័រទុយហ្គាល់ហាលអាវ
27, Jun 2014 ,
8:10 am
រូបភាព
×
ដោយ:
ថ្មីៗ
នាការប្រកួតជម្រុះតាមពូលចុងក្រោយកាលពីយប់មិញ ព័រទុយហ្គាល់បានហាលទាំងខកចិត្ត បើទោះជាពួកគេបានយកឈ្នះហ្គាណា ២-១ ហើយអាល្លឺម៉ង់យកឈ្នះអាមេរិក ១-០ ក៏ដោយ។ សម្រាប់ពូល G អាល្លឺម៉ង់ និងអាមេរិកឈានទៅកាន់វគ្គ១៦ក្រុមចុងក្រោយ រីឯព័រទុយហ្គាល់ និងហ្គាណាត្រូវត្រឡប់ទៅផ្ទះវិញ។ ដោយឡែក ជំនួបក្នុងពូល H បែលហ្ស៊ិកយកឈ្នះកូរ៉េខាងត្បូង ១-០ ដើម្បីឈរលេខមួយក្នុងពូល ស្របពេលដែលអាល់ហ្សេរីធ្វើឲ្យរុស្ស៊ីខកចិត្តជាមួយនឹងលទ្ធផលស្មើ ១-១ ។ នៅជុំបន្ទាប់ អាល្លឺម៉ង់ត្រូវប៉ះអាល់ហ្សេរី បែលហ្ស៊ិកនឹងជួបអាមេរិក។
ពូល G៖ អាល្លឺម៉ង់លេខមួយ អាមេរិកលេខពីរ
Thomas Muller បានស៊ុតបាល់បញ្ចូលទីដើម្បីនាំជ័យជម្នះ ១-០ ដល់អាល្លឺម៉ង់លើអាមេរិកនាការប្រកួតចុងក្រោយនៅក្នុងពូល G។ វាក៏ជាគ្រាប់បាល់ទី៩ផងដែររបស់ខ្សែប្រយុទ្ធក្លិប Bayern Munich រូបនេះ។
គ្រូបង្វឹកក្រុមអាមេរិកលោក Jurgen Klinsmann (ឆ្វេង) និងលោក Joachim Loew គ្រូបង្វឹកអាល្លឺម៉ង់។ ពួកលោកធ្លាប់ធ្វើការជាមួយគ្នានៅក្នុងក្រុមជម្រើសជាតិអាល្លឺម៉ង់
ស្របពេលជាមួយគ្នានេះ ខ្សែប្រយុទ្ធ Cristiano Ronaldo បានខ្ចះខ្ជាយឱកាសជាច្រើនជាបន្តបន្ទាប់ ខណៈដែលក្រុមបាល់ទាត់ជម្រើសជាតិព័រទុយហ្គាល់បានធ្លាក់ចេញពីយុទ្ធនាការ World Cup បើទោះបីផ្តួលក្រុមហ្គាណា ២-១ ក្នុងទីក្រុង Brasilia ក៏ដោយ។ ជ័យជម្នះនេះបានធ្វើឲ្យពួកគេបញ្ចប់ត្រឹមចំណាត់ថ្នាក់លេខ៣ដោយមាន៤ពិន្ទុ ស្មើជាមួយនឹងក្រុមជម្រើសជាតិអាមេរិក ប៉ុន្តែ មានគ្រាប់បាល់ស៊ុតបញ្ចូលទីតិចជាង។
ពូល H៖ បែលហ្ស៊ិកលេខមួយ អាល់ហ្សេរីលេខពីរ
អាល់ហ្សេរីបានឈានទៅប្រកួតវគ្គ១៦ក្រុមចុងក្រោយនៃព្រឹត្តិការណ៍ World Cup ជាលើកទី១ក្នុងប្រវត្តិសាស្ត្ររបស់ពួកគេ ខណៈដែលការតែតបាល់បញ្ចូលទីនៅតង់ទី២គ្រប់គ្រាន់ក្នុងការជួយឲ្យពួកគេបញ្ចប់ក្នុងលទ្ធផលស្មើ ១-១ ពេលជួបជាមួយនឹងក្រុមជម្រើសជាតិរុស្ស៊ី ក្នុងទីក្រុង Curitiba កាលពីថ្ងៃព្រហស្បតិ៍។
កីឡាករ Alexander Kokorin បានជួយឲ្យរុស្ស៊ីនាំមុខមុន ក្រោយពីលេងបានរយៈពេល៦នាទី តាមរយៈការតែតបាល់ចូលជ្រុងម្ខាងបំប៉ោងសំណាញ់ទីដ៏ល្អ។ ប៉ុន្តែ ទោះបីជាយ៉ាងណា សុបិនអាក្រក់របស់អ្នកចាំរបស់រុស្ស៊ី Igor Akinfeev ក្នុងយុទ្ធនាការនេះបានបន្ត នៅពេលរូបគេបានព្យាយាមសង្គ្រោះបាល់ពីការស៊ុតបាល់ពិន័យ Free-kick ពីសំណាក់កីឡាករ Yacine Brahimi និងមិនបានធ្វើការគ្រប់គ្រងបាល់ទាំងស្រុងឡើយ ដែលអនុញ្ញាតឲ្យ Slimani តែតបាល់បញ្ចូលទីយ៉ាងល្អដើម្បីរកគ្រាប់បាល់ជាលើកទី២ក្នុងយុទ្ធនាការនេះរបស់ខ្លួនតែម្តង។
លទ្ធផលស្មើនេះបានធ្វើឲ្យអាល់ហ្សេរីឡើងទៅឈរក្នុងចំណាត់ថ្នាក់លេខ២នៃពូល H ដោយមាន៤ពិន្ទុ បន្ទាប់ពីក្រុមបាល់ទាត់ជម្រើសជាតិបែលហ្ស៊ិក ដែលបានផ្តួលក្រុមជម្រើសជាតិកូរ៉េខាងត្បូង ១-០ នាថ្ងៃដដែលនេះ ដើម្បីឡើងទៅឈរនៅលើកំពូលតារាងដោយមាន៩ពិន្ទុ។ ខ្សែការពារ Jan Vertonghen គឺជាអ្នកស៊ុតបាល់បញ្ចូលទីនាំជ័យជម្នះដល់បែលហ្ស៊ិក។
ក្រុមជម្រើសជាតិអាល្លឺម៉ង់ នឹងត្រូវជួបជាមួយនឹងអាល់ហ្សេរី ខណៈដែលបែលហ្ស៊ិកនឹងត្រូវប៉ះជាមួយនឹងក្រុមជម្រើសជាតិសហរដ្ឋអាមេរិកក្នុងវគ្គ១៦ក្រុមចុងក្រោយ៕
ប្រែសម្រួលដោយ ផេង សំណាង
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?
7 ថ្ងៃ
កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា
1 សប្តាហ៍
«នាំអាត» និង«នាំអាទិ៍»មួយណាត្រឹមត្រូវ?
4 ថ្ងៃ
ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ
1 សប្តាហ៍
អ្នកស្រី ឯម សិរីវុទ្ធី ចេញដំណើរពីស្វាយរៀងម៉ោង៣ទៀបភ្លឺ ជូនកូនមកប្រឡងគ្រូនៅភ្នំពេញ
6 ថ្ងៃ
អត្ថបទពេញនិយមបន្ថែម