កីឡាជាតិ
ជាតិ
សហព័ន្ធទ្រីយ៉ាត្លុងទទួលបានធនធានជាគ្រូបង្វឹកថ្មីចំនួន២៥នាក់
×![]()
ក្រោមកម្មវិធីគម្រោងរបស់អង្គការសាមគ្គីអូឡាំពិកអន្តរជាតិ សិក្ខាកាមចំនួន២៥នាក់បានឆ្លង កាត់វគ្គសិក្សាជំនាញស្តីពីគ្រូបង្វឹកកីឡាទ្រីយ៉ាត្លុងជាលើកដំបូងនៅក្នុងប្រទេសកម្ពុជា។ វគ្គសិក្សាដែលបានដំណើរពេញមួយសប្តាហ៍កន្លងមកនេះ ត្រូវបានមន្ត្រីសហព័ន្ធកីឡាទ្រីយ៉ាត្លុងកម្ពុជា ចាត់ទុកថា ជាទុនដ៏ធំរបស់សហព័ន្ធក្នុងការពង្រឹងវិស័យកីឡាទ្រីយ៉ាត្លុងនៅមុនការបង្ហាញខ្លួនក្នុងព្រឹត្តិការណ៍កីឡាស៊ីហ្គេម។
លោក អ៊ឹង ចំរើន ធ្វើសេចក្តីរាយការណ៍
សហព័ន្ធកីឡាទ្រីយ៉ាត្លុងកម្ពុជា បានរៀបចំឲ្យមានវគ្គសិក្សាគ្រូបង្វឹកជាលើកដំបូង បើគិតចាប់តាំងពីបង្កើតឡើងនាឆ្នាំ២០០៩ មក ហើយវគ្គនេះ បណ្តុះបណ្តាលដោយគ្រូបច្ចេកទេសកម្រិតអន្តរជាតិ គឺលោក Franz Studer។ វគ្គសិក្សាដែលជាគម្រោងរបស់អង្គការសាមគ្គីអូឡាំពិកអន្តរជាតិ ហៅកាត់ថា OS នោះ បានដំណើរចាប់ពីថ្ងៃទី២០ ដល់ថ្ងៃទី២៧ ខែកក្កដា នៅទីស្នាក់ការគណៈកម្មាធិការជាតិអូឡាំពិកកម្ពុជា ដោយមានសិក្ខាកាមចូលរួមចំនួន២៥នាក់ ក្នុងនោះមានស្ត្រី៧នាក់។
លោក Franz Studerអាយុ៥៤ឆ្នាំ ដែលជាជនជាតិស្វ៊ីសកាត់អាហ្វ្រិកខាងត្បូង មានបទពិសោធន៍ជាអន្តរជាតិលើការបណ្តុះបណ្តាលគ្រូបង្វឹកកីឡាទ្រីយ៉ាត្លុងអស់រយៈពេលជាច្រើនឆ្នាំមកហើយ។ លោកបានបណ្តុះបណ្តាលធនធានមនុស្សនៅបណ្តាប្រទេសនានានៅលើពិភពលោក ជាពិសេសប្រទេសដែលគេមិនសូវស្គាល់ច្បាស់ពីកីឡាបែបទំនើបនេះ ដែលក្នុងនោះរួមមានដូចជា ម៉ូរីតានី រវ្វាន់ដា នីហ្សេរីយ៉ា លីបង់ អ៊ីរ៉ាក់ អ៊ីរ៉ង់ ជាដើម។
អគ្គលេខាធិការសហព័ន្ធកីឡាទ្រីយ៉ាត្លុងកម្ពុជា លោក ងិន សុបញ្ញា បានវាយតម្លៃថា វគ្គសិក្សាដ៏មានសារសំខាន់នេះ គឺជាចាប់ផ្តើមពង្រីកធនធានមនុស្សនៅក្នុងសហព័ន្ធរបស់លោក។ លោក សុបញ្ញា ដែលជាប្រធានគ្រប់គ្រងវគ្គផងដែរនោះ បានវាយតម្លៃសិក្ខាកាមទាំង២៥នាក់ គឺជាគ្រាប់ពូជយ៉ាងសំខាន់ក្នុងការបណ្តុះបណ្តាលយុវជនជំនាន់ក្រោយ ខណៈកីឡាទ្រីយ៉ាត្លុងកម្ពុជាកំពុងពង្រឹងខ្លួនសម្រាប់ព្រឹត្តិការណ៍កីឡាស៊ីហ្គេមនាពេលខាងមុខ។
នាការសិក្សារយៈពេលពេញមួយសប្តាហ៍ សិក្ខាកាមដែលមកពីក្លិប និងសមាគមកីឡាទ្រីយ៉ាត្លុងទូទាំងប្រទេស ទទួលបានដំណេះដឹងថ្មីទាំងខាងទ្រឹស្តី និងការអនុវត្តផ្ទាល់។ ត្រង់ចំណុចនេះ លោក សុបញ្ញា បានអះអាងថា សហព័ន្ធនឹងប្រើប្រាស់ធនធានមនុស្សទាំងនេះ ដើម្បីពង្រីកថ្នាលរយៈពេលវែង ដើម្បីត្រៀមខ្លួនក្នុងព្រឹត្តិការណ៍កីឡាស៊ីហ្គេមនៅឆ្នាំ២០២៣ ដោយកម្ពុជានឹងទទួលធ្វើជាម្ចាស់ផ្ទះលើកដំបូង។
សូមបញ្ញាក់ថា ទ្រីយ៉ាត្លុងស្ថិតក្នុងចំណោមកីឡា៣៦ប្រភេទដែលម្ចាស់ផ្ទះសិង្ហបុរីដាក់បញ្ចូលសម្រាប់ព្រឹត្តិការណ៍ប្រកួតកីឡាស៊ីហ្គេមលើកទី២៨ នាឆ្នាំ២០១៥ ខាងមុខនេះ។ បច្ចុប្បន្នសហព័ន្ធទ្រីយ៉ាត្លុងកម្ពុជាកំពុងមានការមមាញឹកយ៉ាងខ្លាំងលើការរៀបចំព្រឹត្តិការណ៍ប្រកួតនានានិងការកំណត់ផែនការហ្វឹកហាត់ច្បាស់លាស់ខណៈកម្ពុជាត្រូវបញ្ចូនកីឡាប្រភេទនេះឲ្យទៅប្រកួតដណ្តើមយកមេដាយជាលើកដំបូងនៅក្នុងក្របខណ្ឌប្រកួតថ្នាក់តំបន់។
សហព័ន្ធកីឡាទ្រីយ៉ាត្លុងកម្ពុជាត្រូវបានបង្កើតឡើងនៅឆ្នាំ២០០៩ហើយពីរឆ្នាំក្រោយមកមានការទទួលស្គាល់ជាផ្លូវការពីសហភាពកីឡាទ្រីយ៉ាត្លុងអន្តរជាតិ (ITU) និងសហព័ន្ធកីឡាទ្រីយ៉ាត្លុងអាស៊ី (ASTC)។ប៉ុន្តែរហូតមកដល់បច្ចុប្បន្ន កីឡាបែបទំនើបនិងដ៏ក្មេងខ្ចីរបស់កម្ពុជាមួយនេះមិនទាន់មានសកម្មភាពប្រកួតនៅលើឆាកអន្តរជាតិឡើយ។
សកម្មភាពប្រកួតដែលសហព័ន្ធកីឡាទ្រីយ៉ាត្លុងកម្ពុជាបានរៀបចំកន្លងមករួមមានការប្រកួតកីឡាទ្រីយ៉ាត្លុង ឌូអាត្លុង និងអាគ័រត្លុង។កីឡាទ្រីយ៉ាត្លុងមានសកម្មភាពប្រកួតលើវិញ្ញាសាកីឡាបីប្រភេទរួមគ្នា គឺហែលទឹក ជិះកង់ និងរត់ប្រណាំងចំណែកកីឡាឌូអាត្លុងមានការរត់ប្រណាំង ជិះកង់ និងរត់ប្រណាំងម្តងទៀតខណៈកីឡាអាគ័រត្លុងមានសកម្មភាពហែលទឹក និងរត់ប្រណាំង។
បើតាមលោក គង់ រិទ្ធីជព្វដែលជាប្រធានសហព័ន្ធកីឡាទ្រីយ៉ាត្លុងកំពុងមានសក្តានុពលយ៉ាងខ្លាំងនៅក្នុងបណ្តាប្រទេសជាច្រើន ហើយកីឡាប្រភេទ Out Door មួយនេះក៏កំពុងចូលរួមបំផុសយ៉ាងខ្លាំងដល់វិស័យទេសចរណ៍ផងដែរ៕
លោក អ៊ឹង ចំរើន ធ្វើសេចក្តីរាយការណ៍
សហព័ន្ធកីឡាទ្រីយ៉ាត្លុងកម្ពុជា បានរៀបចំឲ្យមានវគ្គសិក្សាគ្រូបង្វឹកជាលើកដំបូង បើគិតចាប់តាំងពីបង្កើតឡើងនាឆ្នាំ២០០៩ មក ហើយវគ្គនេះ បណ្តុះបណ្តាលដោយគ្រូបច្ចេកទេសកម្រិតអន្តរជាតិ គឺលោក Franz Studer។ វគ្គសិក្សាដែលជាគម្រោងរបស់អង្គការសាមគ្គីអូឡាំពិកអន្តរជាតិ ហៅកាត់ថា OS នោះ បានដំណើរចាប់ពីថ្ងៃទី២០ ដល់ថ្ងៃទី២៧ ខែកក្កដា នៅទីស្នាក់ការគណៈកម្មាធិការជាតិអូឡាំពិកកម្ពុជា ដោយមានសិក្ខាកាមចូលរួមចំនួន២៥នាក់ ក្នុងនោះមានស្ត្រី៧នាក់។
លោក Franz Studerអាយុ៥៤ឆ្នាំ ដែលជាជនជាតិស្វ៊ីសកាត់អាហ្វ្រិកខាងត្បូង មានបទពិសោធន៍ជាអន្តរជាតិលើការបណ្តុះបណ្តាលគ្រូបង្វឹកកីឡាទ្រីយ៉ាត្លុងអស់រយៈពេលជាច្រើនឆ្នាំមកហើយ។ លោកបានបណ្តុះបណ្តាលធនធានមនុស្សនៅបណ្តាប្រទេសនានានៅលើពិភពលោក ជាពិសេសប្រទេសដែលគេមិនសូវស្គាល់ច្បាស់ពីកីឡាបែបទំនើបនេះ ដែលក្នុងនោះរួមមានដូចជា ម៉ូរីតានី រវ្វាន់ដា នីហ្សេរីយ៉ា លីបង់ អ៊ីរ៉ាក់ អ៊ីរ៉ង់ ជាដើម។
អគ្គលេខាធិការសហព័ន្ធកីឡាទ្រីយ៉ាត្លុងកម្ពុជា លោក ងិន សុបញ្ញា បានវាយតម្លៃថា វគ្គសិក្សាដ៏មានសារសំខាន់នេះ គឺជាចាប់ផ្តើមពង្រីកធនធានមនុស្សនៅក្នុងសហព័ន្ធរបស់លោក។ លោក សុបញ្ញា ដែលជាប្រធានគ្រប់គ្រងវគ្គផងដែរនោះ បានវាយតម្លៃសិក្ខាកាមទាំង២៥នាក់ គឺជាគ្រាប់ពូជយ៉ាងសំខាន់ក្នុងការបណ្តុះបណ្តាលយុវជនជំនាន់ក្រោយ ខណៈកីឡាទ្រីយ៉ាត្លុងកម្ពុជាកំពុងពង្រឹងខ្លួនសម្រាប់ព្រឹត្តិការណ៍កីឡាស៊ីហ្គេមនាពេលខាងមុខ។
នាការសិក្សារយៈពេលពេញមួយសប្តាហ៍ សិក្ខាកាមដែលមកពីក្លិប និងសមាគមកីឡាទ្រីយ៉ាត្លុងទូទាំងប្រទេស ទទួលបានដំណេះដឹងថ្មីទាំងខាងទ្រឹស្តី និងការអនុវត្តផ្ទាល់។ ត្រង់ចំណុចនេះ លោក សុបញ្ញា បានអះអាងថា សហព័ន្ធនឹងប្រើប្រាស់ធនធានមនុស្សទាំងនេះ ដើម្បីពង្រីកថ្នាលរយៈពេលវែង ដើម្បីត្រៀមខ្លួនក្នុងព្រឹត្តិការណ៍កីឡាស៊ីហ្គេមនៅឆ្នាំ២០២៣ ដោយកម្ពុជានឹងទទួលធ្វើជាម្ចាស់ផ្ទះលើកដំបូង។
សូមបញ្ញាក់ថា ទ្រីយ៉ាត្លុងស្ថិតក្នុងចំណោមកីឡា៣៦ប្រភេទដែលម្ចាស់ផ្ទះសិង្ហបុរីដាក់បញ្ចូលសម្រាប់ព្រឹត្តិការណ៍ប្រកួតកីឡាស៊ីហ្គេមលើកទី២៨ នាឆ្នាំ២០១៥ ខាងមុខនេះ។ បច្ចុប្បន្នសហព័ន្ធទ្រីយ៉ាត្លុងកម្ពុជាកំពុងមានការមមាញឹកយ៉ាងខ្លាំងលើការរៀបចំព្រឹត្តិការណ៍ប្រកួតនានានិងការកំណត់ផែនការហ្វឹកហាត់ច្បាស់លាស់ខណៈកម្ពុជាត្រូវបញ្ចូនកីឡាប្រភេទនេះឲ្យទៅប្រកួតដណ្តើមយកមេដាយជាលើកដំបូងនៅក្នុងក្របខណ្ឌប្រកួតថ្នាក់តំបន់។
សហព័ន្ធកីឡាទ្រីយ៉ាត្លុងកម្ពុជាត្រូវបានបង្កើតឡើងនៅឆ្នាំ២០០៩ហើយពីរឆ្នាំក្រោយមកមានការទទួលស្គាល់ជាផ្លូវការពីសហភាពកីឡាទ្រីយ៉ាត្លុងអន្តរជាតិ (ITU) និងសហព័ន្ធកីឡាទ្រីយ៉ាត្លុងអាស៊ី (ASTC)។ប៉ុន្តែរហូតមកដល់បច្ចុប្បន្ន កីឡាបែបទំនើបនិងដ៏ក្មេងខ្ចីរបស់កម្ពុជាមួយនេះមិនទាន់មានសកម្មភាពប្រកួតនៅលើឆាកអន្តរជាតិឡើយ។
សកម្មភាពប្រកួតដែលសហព័ន្ធកីឡាទ្រីយ៉ាត្លុងកម្ពុជាបានរៀបចំកន្លងមករួមមានការប្រកួតកីឡាទ្រីយ៉ាត្លុង ឌូអាត្លុង និងអាគ័រត្លុង។កីឡាទ្រីយ៉ាត្លុងមានសកម្មភាពប្រកួតលើវិញ្ញាសាកីឡាបីប្រភេទរួមគ្នា គឺហែលទឹក ជិះកង់ និងរត់ប្រណាំងចំណែកកីឡាឌូអាត្លុងមានការរត់ប្រណាំង ជិះកង់ និងរត់ប្រណាំងម្តងទៀតខណៈកីឡាអាគ័រត្លុងមានសកម្មភាពហែលទឹក និងរត់ប្រណាំង។
បើតាមលោក គង់ រិទ្ធីជព្វដែលជាប្រធានសហព័ន្ធកីឡាទ្រីយ៉ាត្លុងកំពុងមានសក្តានុពលយ៉ាងខ្លាំងនៅក្នុងបណ្តាប្រទេសជាច្រើន ហើយកីឡាប្រភេទ Out Door មួយនេះក៏កំពុងចូលរួមបំផុសយ៉ាងខ្លាំងដល់វិស័យទេសចរណ៍ផងដែរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 21 ម៉ោង
