កីឡាជាតិ
ជាតិ
សៀវម៉ី៖ អត្តពលិកទីមួយដែលឈ្នះមេដាយមាសទាំងស៊ីហ្គេម និង Asian Games សៀវម៉ីថតកាលពីឆ្នាំ២០១៣ ។ រូបថត ហ្វេសប៊ុក
× មហាជនជាច្រើនសុទ្ធតែបានដឹងថាកីឡាការិនី ស៊ន សៀវម៉ី ផ្នែកកីឡាតេក្វាន់ដូ ទម្ងន់ក្រោម ៧៣ គីឡូក្រាម បាននាំមេដាយមាសមកពីកីឡា Asian Games 2014 ដែលរៀបចំនៅប្រទេសកូរ៉េខាងត្បូង កាលពីប៉ុន្មានថ្ងៃមុននេះ។ ប៉ុន្ដែមានអ្នកខ្លះមិនទាន់ស្គាល់រូបនាងច្បាស់នៅឡើយនោះទេ។
កីឡាការិនី ស៊ន សៀវម៉ី កើតនៅថ្ងៃទី១៤ កញ្ញា ១៩៩៥ ក្នុងរាជធានីភ្នំពេញ។ ឪពុកឈ្មោះស៊ន ម៉េហ៊ាង (ស្លាប់) ម្តាយឈ្មោះសួន ចាន់ធី អាយុ៥៩ឆ្នាំ។ នាងមានបងប្អូនបង្កើតចំនួន៦នាក់ ស្រី៣នាក់ ប្រុស៣នាក់ ហើយនាងគឺជាកូនស្រីពៅក្នុងគ្រួសារ។ ស៊ន អេលីត និង ស៊ន ដាវីន ជើងខ្លាំងក្នុងជម្រើសជាតិកម្ពុជា គឺជាបង្កើតរបស់នាង។
ដោយសារមានបងៗ ជាអ្នកកីឡាទើបនាំទឹកចិត្តជាពិសេសបងប្រុសឈ្មោះ ស៊ន អេលីត និងបងស្រីឈ្មោះ ស៊ន ដាវីន កញ្ញា សៀវម៉ី ឈានជើងចូលកីឡាតេក្វាន់ដូដែរ ក្រោមការជួយជំរុញពីលោកគ្រូបង្វឹកជនជាតិកូរ៉េខាងត្បូង ឆយ យ៉ុងសុក អស់រយៈពេល ៤ ឆ្នាំហើយគិតត្រឹមពេលនេះ។
ទោះមានបងៗ ជាអ្នកកីឡាតេក្វាន់ដូ ក៏ពិតមែន ប៉ុន្ដែសៀវម៉ី ទើបតែចូលហ្វឹកហាត់តេក្វាន់ដូ នៅឆ្នាំ ២០១០ ប៉ុណ្ណោះ។ នាងធ្លាប់ដណ្ដើមបានមេដាយនៅអន្តរជាតិចំនួន ៦ គ្រឿងសំខាន់ៗ រួមមាន មេដាយ ប្រាក់ (Asean Championship ឆ្នាំ ២០១១), មេដាយសំរឹទ្ធ (ស៊ីហ្គេមឆ្នាំ ២០១១), មេដាយសំរឹទ្ធ (Asian Tekwando Championship 2012), មេដាយសំរឹទ្ធ (Asean University 2011), មេដាយមាស (ស៊ីហ្គេមឆ្នាំ២០១៣), មេដាយមាស (Asian Games 2014) ៕
សម្រាប់ព័ត៌មានទាក់ទងនឹងគ្រួសាររបស់ សៀវម៉ី សូមចូលអាន៖ ម្តាយសៀវម៉ី រំភើបស្ទើរសម្រាន្តមិនលក់
© រក្សាសិទ្ធិដោយ thmeythmey.com