ណាហ្គាខប បានប្រកាសតែងតាំង លោក មាស ចាន់ណា គ្រូបង្វឹកផ្លូវការ

កីឡាជាតិ

ជាតិ

ណាហ្គាខប បានប្រកាសតែងតាំង លោក មាស ចាន់ណា គ្រូបង្វឹកផ្លូវការ

25, Dec 2014 , 3:27 pm

រូបភាព

លោក មាស ចាន់ណា រួមជាមួយកីឡាករចំណូលថ្មីរបស់ខ្លួន

ដោយ: ថ្មីៗ

តាមរយៈគណនីហ្វេសប៊ុករបស់ខ្លួន ក្លិបណាហ្គាខប នៅថ្ងៃទី២៥ ខែធ្នូ ឆ្នាំ២០១៤ នេះ បានប្រកាសតែងតាំងលោក មាស ចាន់ណា ជាគ្រូបង្វឹកពេញសិទ្ធិដើម្បីបន្តតំណែងពីលោក ប្រាក់ សុវណ្ណារ៉ា សម្រាប់រដូវកាលឆ្នាំ២០១៥ ខាងមុខ។

លោក មាស ចាន់ណា អាយុ៣៤ឆ្នាំ បានចូលរួមនៅក្នុងក្លិបណាហ្គាខបចាប់តាំងពីឆ្នាំ២០០៥ មក ហើយចាប់យកការងារជាគ្រូជំនួយនៅក្លិបដដែលនេះចាប់តាំងពីឆ្នាំ២០១១មក។ តាមពិត លោកចាន់ណា ដែលជាគ្រូជំនួយក្រុមកីឡាបាល់ទាត់ជម្រើសជាតិកម្ពុជាផងដែរនោះ បានប្រើប្រាស់តួនាទីជាគ្រូបង្វឹកជាច្រើនខែមកហើយ ខណៈដែលលោក ប្រាក់ សុវណ្ណារ៉ា មានការមមាញឹកក្នុងការរៀនវគ្គគ្រូបង្វឹក AFC Coach Asia នៅក្នុងប្រទេសម៉ាឡេស៊ី។

ស្របពេលជាមួយគ្នានេះផងដែរ ណាហ្គាខបបានបង្ហាញក្រុមគ្រូបង្វឹកដែលត្រូវធ្វើការជាមួយលោក មាស ចាន់ណា ដែលក្នុងនោះរួមមាន លោក ចាយ សង្ហា (ជំនួយការ) លោក សំរឹត សំណាង (អ្នកគ្រប់គ្រប់សម្លៀកបំពាក់) លោក ស្រេង ហុង (ជំនួយការ) និងលោក អ៊ុក មិច (គ្រូចាំទី)។

កីឡាករចំណូលថ្មីមួយចំនួនដែលត្រូវបង្ហាញខ្លួនសម្រាប់ណាហ្គាខបរួមមាន សោម សុគន្ធតារា (វិទ្យាល័យស្វាយរៀង) សុខ សេងដារ៉ា (អាស៊ីអឺរ៉ុប) សេត រ៉ូស៊ីប (វិទ្យាល័យព្រះយុគន្ធរ) ថន តារាពេជ្រ (អាស៊ីអឺរ៉ុប) និងញឹម សុវណ្ណារ៉ា (គិរីវង់សុខសែនជ័យ)៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

2 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

4 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

4 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

5 ថ្ងៃ

«នាំអាត» និង«នាំអាទិ៍»មួយណាត្រឹមត្រូវ?

1 សប្តាហ៍

អត្ថបទពេញនិយមបន្ថែម