ជាតិ
លោក បោយ រើយ៖ ១៨ឆ្នាំក្នុងពិភពកាសែតប្រឆាំង មានរឿងល្អផង និងអាក្រក់ផង
× លោក បោយ រើយ បច្ចុប្បន្នវ័យ៥០ឆ្នាំ បានឆ្លងកាត់ការផ្សងព្រេងអស់រយៈពេល១៨ឆ្នាំនៅក្នុងពិភពកាសែតដែលគាំទ្រលោក សម រង្ស៊ី។ កាលពីឆ្នាំ២០១២ លោកបានសម្រេចចិត្តលាចាកពីអាជីពជាអ្នកសារព័ត៌មាន ដើម្បីប្រកបរបររកស៊ីចិញ្ចឹមជីវិត ដោយសារតែលោកមិនអាចបន្តដំណើរទៅមុខជាមួយកាសែតប្រឆាំងដែលមានការឧបត្ថម្ភបែបភ្លៀងរលឹម រួមជាមួយនឹងការរីកដុះដាលប្រព័ន្ធអ៊ីនធ័រណិត ជាពិសេសបណ្តាញសង្គមហ្វេសប៊ុក។
លោក បោយ រើយ បានបម្រើការនៅស្ថាប័នសារព័ត៌មានដែលគាំទ្រគណបក្សប្រឆាំងរបស់លោក សម រង្ស៊ី ប្រមាណ១០ស្ថាប័ន ចន្លោះពីឆ្នាំ១៩៩៤ ដល់ឆ្នាំ២០១២ ។ រំលឹកពីដំណើរផ្សេងព្រេងអស់រយៈពេល១៨ឆ្នាំនៅក្នុងពិភពសារព័ត៌មានដែលមាននិន្នាការប្រឆាំង បុរសវ័យ៥០ឆ្នាំរូបនេះ មានរឿងរ៉ាវដែលត្រូវកោតសរសើរខ្លួនឯងផង និងបន្ទោសខ្លួនឯងផង។
© រក្សាសិទ្ធិដោយ thmeythmey.com