ជាតិ
នយោបាយជាតិ
លោក ជាម យៀប៖ លោកសុន ឆ័យ បំផ្លើសព័ត៌មានជុំវិញចំណូលនៅតំបន់អង្គរ
×![]()
ដោយ: ធឿន បញ្ញាឬទិ្ធ
ប្រធានគណៈកម្មាការទី២នៃរដ្ឋសភា លោក ជាម យៀប មានប្រសាសន៏ថា រាល់របាយកាណ៍ដែលលោក សុន ឆ័យ បានលើកឡើងទាក់ទងនឹងចំណូលតំបន់អង្គរកន្លងមក គឺជាការបំផ្លើស គ្មានហេតុផលត្រឹមត្រូវ។ ហើយលោកច្រានចោលរាល់ការបកស្រាយរបស់លោក សុន ឆ័យ ដោយលោកមិនទទួលខុសត្រូវចំពោះការលើកឡើងទាំងនោះឡើយ។ ការអះអាងរបស់លោក ជាម យៀប គឺធ្វើឡើងនៅក្នុងវេទិការព័ត៌មាន ស្ដីពីលទ្ធផលសរុបនៃបេសកកម្មស្វែងយល់ពីកិច្ចសហប្រតិបត្តិការនៅតំបន់អង្គរ នៅព្រឹកថ្ងៃពុធនេះ នៅវិមានសន្តិភាព។
បន្ទាប់ពីចុះបេសកកម្មស្វែងយល់ពីកិច្ចសហប្រតិបត្តិការនៅតំបន់អង្គរ អស់រយៈពេល៤ថ្ងៃកន្លងមក លោក ជាម យៀប ប្រធានគណៈកម្មាការទី២នៃរដ្ឋសភា យល់ឃើញថា របាយការណ៏ដែលអាជ្ញាធរអប្សារា និងអជ្ញាធរខេត្តបានបង្ហាញ មានការបកស្រាយត្រឹមត្រូវសមហេតុផល។ ជាមួយគ្នានេះលោកក៏បានបដិសេធថា រាល់របាយកាណ៍ដែលលោក សុន ឆ័យ បានលើកឡើងទាក់ទងនឹងចំណូលតំបន់អង្គរកន្លងមក គឺជាការបំផ្លើស គ្មានហេតុផលត្រឹមត្រូវ ។ ហើយលោកច្រានចោលរាល់ការបកស្រាយរបស់លោក សុន ឆ័យ ដោយលោកមិនទទួលខុសត្រូវចំពោះការលើកឡើងទាំងនោះឡើយ។
លោកជាម យៀបបន្ថែមថា៖«ខ្ញុំយល់ថារាល់ការលើករបស់លោក សុន ឆ័យគឺមិនត្រឹមត្រូវ ព្រោះគាត់មិនបានស្ដាប់ការពន្យល់របស់អាជ្ញាធរអប្សារាឲ្យបានច្បាស់ជាមុនទេ។ តែបែជាលោកសុន ឆ័យ លួចមកទូរស័ព្ទប្រាប់អ្នកកាសែតស្ងាត់ៗ ទាំងមិនទាន់ស្ដាប់ការបកស្រាយគេឲ្យច្បាស់។ ចំពោះការបកស្រាយរបស់គាត់ខ្ញុំសុំមិនទទួលខុសត្រូវឡើយ។ ចំពោះខ្ញុំយល់ថា អាជ្ញាធរអប្សារាគឺបង្ហាញច្បាស់ណាស់ គេមានឯកសារ មានការបញ្ចាំងឯកសារ(ស្លាយ) និងការបកស្រាយតាមសំណួរផ្ទាល់មាត់ជាដើម ខ្ញុំមិនរុញទូកបណ្ដោយទឹកនោះទេ»។
កាលពីថ្ងៃទី២២ធ្នូកន្លងមកលោក សុន ឆ័យអនុប្រធានគណៈកម្មាការទី២នៃរដ្ឋសភា ធ្លាប់មានប្រសាសន៏ប្រាប់សារព័ត៌មានថ្មីៗថាការគ្រប់គ្រងនិងចំណូលនៅតំបន់អង្គរមានភាពមិនប្រក្រតីនិងមានការលាក់បាំងឯកសារពិតជាច្រើន។ លោកបានបញ្ជាក់ទៀតថានៅក្នុងការបង្ហាញរបស់អាជ្ញាធរអប្សរា គឺមានភាពមិនច្បាស់លាស់និងមិនត្រឹមត្រូវដូចជាអ្វីដែលក្រុមការងារលោកបានសិក្សាកន្លងមកនោះទេ។ ហើយលោកនឹងបន្ដការស៊ើបអង្កេតដាក់ការសង្ស័យបន្ថែមទៀតចំពោះបញ្ហានេះ។ លោក សុន ឆ័យ អះអាងទៀតថា លោកបានរកឃើញភាពមិនប្រក្រតីមួយចំនួនទាក់ទិននឹងការគ្រប់គ្រងប្រាសាទអង្គរវត្តនិងការជួលដីនៅតំបន់នោះក្នុងតម្លៃថោក។លោកក៏បានលើកឡើងដែរថាយ៉ាងតិចថវិកាជាតិជាង៤០០លានដុល្លារនឹងត្រូវបាត់បង់ក្នុងរយៈពេល៧០ឆ្នាំដែលលោកអះអាងថាដោយសារអាជ្ញាធរជាតិអប្សរាជួលដីឲ្យក្រុមហ៊ុនវៀតណាមសុខាអូតែលរបស់លោក សុខ គង់ដោយមានភាពអាថ៌កំបាំង និងមិនមានតម្លាភាព ។
ដោយឡែកអាជ្ញាធរអប្សរាបានចេញសេចក្ដីបំភ្លឺនៅថ្ងៃទី២៤ ខែធ្នូ ដោយបានទទួលស្គាល់ការមិនបញ្ចេញឯកសារមួយចំនួនតាមការស្នើរសុំរបស់លោក សុន ឆ័យ ពិតប្រាកដមែន។ ការណ៍នេះក៏ដោយសារតែអាជ្ញាធរអប្សរា បានសុំលោក សុន ឆ័យ រៀបចំធ្វើនីតិវិធីដើម្បីស្នើរសុំពីក្រសួងគ្រប់គ្រងជាមុនសិនមុននឹងខ្លួនប្រគល់ឯកសារពាក់ព័ន្ធនានាតាមការចង់បានរបស់លោក។បើតាមការអះអាងរបស់អាជ្ញាធរអប្សរា ការជីករកឯកសារនិងការបំផ្លើសព័ត៌មានជុំវិញចំណូលពីអង្គរវត្ត គឺដោយសារលោក សុន ឆ័យបានចាញ់ក្តីរឿងដីចំនួនជាង៧ហិកតារបស់លោក។ សេចក្តីបំភ្លឺបានសរសេរថា៖« ...ការថ្លែងប្រាប់ប្រព័ន្ធផ្សព្វផ្សាយ គឺជាការភូតកុហកក្នុងចេតនាម្យ៉ាង ដើម្បីកេងចំនេញខាងនយោបាយ បម្រើគណបក្សរបស់ខ្លួនហើយម្យ៉ាងទៀត ឯកឧត្តម សុន ឆ័យ ហាក់បីដូចជាមានគុំនុំចង់សងសឹកជាមួយអាជ្ញាធរអប្សរា ដោយសារ គាត់ធ្លាប់ចាញ់ក្តី...)។
បន្ទាប់ពីចុះបេសកកម្មស្វែងយល់ពីកិច្ចសហប្រតិបត្តិការនៅតំបន់អង្គរ អស់រយៈពេល៤ថ្ងៃកន្លងមក លោក ជាម យៀប ប្រធានគណៈកម្មាការទី២នៃរដ្ឋសភា យល់ឃើញថា របាយការណ៏ដែលអាជ្ញាធរអប្សារា និងអជ្ញាធរខេត្តបានបង្ហាញ មានការបកស្រាយត្រឹមត្រូវសមហេតុផល។ ជាមួយគ្នានេះលោកក៏បានបដិសេធថា រាល់របាយកាណ៍ដែលលោក សុន ឆ័យ បានលើកឡើងទាក់ទងនឹងចំណូលតំបន់អង្គរកន្លងមក គឺជាការបំផ្លើស គ្មានហេតុផលត្រឹមត្រូវ ។ ហើយលោកច្រានចោលរាល់ការបកស្រាយរបស់លោក សុន ឆ័យ ដោយលោកមិនទទួលខុសត្រូវចំពោះការលើកឡើងទាំងនោះឡើយ។
លោកជាម យៀបបន្ថែមថា៖«ខ្ញុំយល់ថារាល់ការលើករបស់លោក សុន ឆ័យគឺមិនត្រឹមត្រូវ ព្រោះគាត់មិនបានស្ដាប់ការពន្យល់របស់អាជ្ញាធរអប្សារាឲ្យបានច្បាស់ជាមុនទេ។ តែបែជាលោកសុន ឆ័យ លួចមកទូរស័ព្ទប្រាប់អ្នកកាសែតស្ងាត់ៗ ទាំងមិនទាន់ស្ដាប់ការបកស្រាយគេឲ្យច្បាស់។ ចំពោះការបកស្រាយរបស់គាត់ខ្ញុំសុំមិនទទួលខុសត្រូវឡើយ។ ចំពោះខ្ញុំយល់ថា អាជ្ញាធរអប្សារាគឺបង្ហាញច្បាស់ណាស់ គេមានឯកសារ មានការបញ្ចាំងឯកសារ(ស្លាយ) និងការបកស្រាយតាមសំណួរផ្ទាល់មាត់ជាដើម ខ្ញុំមិនរុញទូកបណ្ដោយទឹកនោះទេ»។
កាលពីថ្ងៃទី២២ធ្នូកន្លងមកលោក សុន ឆ័យអនុប្រធានគណៈកម្មាការទី២នៃរដ្ឋសភា ធ្លាប់មានប្រសាសន៏ប្រាប់សារព័ត៌មានថ្មីៗថាការគ្រប់គ្រងនិងចំណូលនៅតំបន់អង្គរមានភាពមិនប្រក្រតីនិងមានការលាក់បាំងឯកសារពិតជាច្រើន។ លោកបានបញ្ជាក់ទៀតថានៅក្នុងការបង្ហាញរបស់អាជ្ញាធរអប្សរា គឺមានភាពមិនច្បាស់លាស់និងមិនត្រឹមត្រូវដូចជាអ្វីដែលក្រុមការងារលោកបានសិក្សាកន្លងមកនោះទេ។ ហើយលោកនឹងបន្ដការស៊ើបអង្កេតដាក់ការសង្ស័យបន្ថែមទៀតចំពោះបញ្ហានេះ។ លោក សុន ឆ័យ អះអាងទៀតថា លោកបានរកឃើញភាពមិនប្រក្រតីមួយចំនួនទាក់ទិននឹងការគ្រប់គ្រងប្រាសាទអង្គរវត្តនិងការជួលដីនៅតំបន់នោះក្នុងតម្លៃថោក។លោកក៏បានលើកឡើងដែរថាយ៉ាងតិចថវិកាជាតិជាង៤០០លានដុល្លារនឹងត្រូវបាត់បង់ក្នុងរយៈពេល៧០ឆ្នាំដែលលោកអះអាងថាដោយសារអាជ្ញាធរជាតិអប្សរាជួលដីឲ្យក្រុមហ៊ុនវៀតណាមសុខាអូតែលរបស់លោក សុខ គង់ដោយមានភាពអាថ៌កំបាំង និងមិនមានតម្លាភាព ។
ដោយឡែកអាជ្ញាធរអប្សរាបានចេញសេចក្ដីបំភ្លឺនៅថ្ងៃទី២៤ ខែធ្នូ ដោយបានទទួលស្គាល់ការមិនបញ្ចេញឯកសារមួយចំនួនតាមការស្នើរសុំរបស់លោក សុន ឆ័យ ពិតប្រាកដមែន។ ការណ៍នេះក៏ដោយសារតែអាជ្ញាធរអប្សរា បានសុំលោក សុន ឆ័យ រៀបចំធ្វើនីតិវិធីដើម្បីស្នើរសុំពីក្រសួងគ្រប់គ្រងជាមុនសិនមុននឹងខ្លួនប្រគល់ឯកសារពាក់ព័ន្ធនានាតាមការចង់បានរបស់លោក។បើតាមការអះអាងរបស់អាជ្ញាធរអប្សរា ការជីករកឯកសារនិងការបំផ្លើសព័ត៌មានជុំវិញចំណូលពីអង្គរវត្ត គឺដោយសារលោក សុន ឆ័យបានចាញ់ក្តីរឿងដីចំនួនជាង៧ហិកតារបស់លោក។ សេចក្តីបំភ្លឺបានសរសេរថា៖« ...ការថ្លែងប្រាប់ប្រព័ន្ធផ្សព្វផ្សាយ គឺជាការភូតកុហកក្នុងចេតនាម្យ៉ាង ដើម្បីកេងចំនេញខាងនយោបាយ បម្រើគណបក្សរបស់ខ្លួនហើយម្យ៉ាងទៀត ឯកឧត្តម សុន ឆ័យ ហាក់បីដូចជាមានគុំនុំចង់សងសឹកជាមួយអាជ្ញាធរអប្សរា ដោយសារ គាត់ធ្លាប់ចាញ់ក្តី...)។
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 8 ម៉ោង
