ព័ត៍មានសុខភាព
សុខភាព៖ ប្រព័ន្ធទឹករងៃ ធ្វើការយ៉ាងដូចម្តេច?
× ចាប់យកកាកសំណល់ចេញ
ទឹករងៃ បង្ហូរទៅក្នុងសរសៃតូចៗនៃប្រព័ន្ធទឹករងៃ។ បន្ទាប់មក ជាតិទឹកនោះ ត្រូវបានបញ្ចូលស្របជាមួយគ្នា នៅពេលដែលមនុស្សដកដង្ហើម ឬសាច់ដុំកន្ត្រាក់។ សរសៃតូចៗនៃទឹករងៃ គឺពិតជាស្តើង ហើយពួកវាមានរន្ធតូចៗជាច្រើន ដែលអនុញ្ញាតអោយខ្យល់ ទឹក និងសារជាតិចិញ្ចឹមឆ្លងកាត់ ទៅក្នុងកោសិកាដែលរុំព័ទ្ធជុំវិញ ដើម្បីចិញ្ចឹមពួកវា និងយកកាកសំណល់ចេញ។ នៅពេលដែលជាតិទឹករងៃ បានលេចចេញតាមផ្លូវនេះ វាត្រូវបានគេហៅថា Interstitial Fluid។
ប្រយុទ្ធប្រឆាំង នឹងការឆ្លងមេរោគ
ទឹករងៃ ចូលទៅក្នុងកូនកណ្តុរ ដែលកោសិកាស៊ីមេរោគ វាយប្រយុទ្ធនឹងវត្ថុខាងក្រៅ ដូចជាបាក់តេរីជាដើម ដើម្បីកម្ចាត់វាចេញ ពីចរន្តឈាម។ ក្រោយពីសារធាតុទាំងនេះ ត្រូវបានច្រោះចេញ ទឹករងៃចេញពីកូនកណ្តុរ និងវិលត្រឡប់ ចូលទៅក្នុងសរសៃឈាមវ៉ែន ដែលវាចូលមកក្នុងចរន្តឈាមម្តងទៀត។
នៅពេលដែលមនុស្សម្នាក់មានការឆ្លងមេរោគ មេរោគបានប្រមូលទៅក្នុងកូនកណ្តុរ។ ប្រសិនបើបំពង់ក ត្រូវបានឆ្លងមេរោគ កូនកណ្តុរនៅនឹងកអាចហើម។ នេះជាមូលហេតុ ដែលគ្រូពេទ្យពិនិត្យមើលកូនកណ្តុរនៅនឹងក នៅពេលដែលបំពង់កត្រូវបានឆ្លងមេរោគ៕
© រក្សាសិទ្ធិដោយ thmeythmey.com