ព័ត៍មានសុខភាព
សុខភាព៖ ក្លិនមាត់មិនល្អ អាចទាក់ទងបញ្ហាសុខភាពរបស់អ្នក
× ការមានក្លិនមាត់មិនល្អជាប់រហូត ឬរសជាតិអាក្រក់ក្នុងមាត់ អាចនឹងត្រូវបានព្រមានថា មានសញ្ញានៃជំងឺអញ្ចាញធ្មេញ។ ជំងឺអញ្ចាញធ្មេញ ត្រូវបានបង្កើតឡើងដោយ ការសាងសង់នៃបន្ទះជាតិកាល់ស្យូម ឬកំទិចកំទីផ្សេងៗនៅលើធ្មេញ។ បាក់តេរី ក៏អាចបណ្តាលឱ្យបង្កើតជាតិពុលនៅក្នុងមាត់ ដែលអាចធ្វើឱ្យរលាកអញ្ចាញធ្មេញរបស់អ្នកផងដែរ។ ប្រសិនបើ ជំងឺរលាកអញ្ចាញធ្មេញ នៅតែបន្តមិនបានព្យាបាលទេ វាអាចធ្វើឱ្យខូចអញ្ចាញធ្មេញ និងឆ្អឹងថ្កាមរបស់អ្នក។ មូលហេតុធ្មេញដទៃទៀត នៃការធ្វីឱ្យការមានក្លិនមាត់មិនល្អ រួមមាន ការសម្អាតធ្មេញមិនបានស្អាត ការឆ្លងមេរោគផ្សិតក្នុងមាត់ និងការឈឺធ្មេញ។
មាត់ស្ងួត ក៏អាចជាលក្ខខណ្ឌវេជ្ជសាស្ត្រមួយផងដែរ (xerostomia) ដែលបណ្តាលឱ្យមានក្លិនមាត់មិនល្អដែរ។ ទឹកមាត់ គឺជាកត្តាចាំបាច់ ដើម្បីធ្វើឱ្យមាត់មានសំណើម បន្ទន់អាហារ និងការសម្អាតមាត់ ដោយការកម្ចាត់ជាតិអាស៊ីត ដែលផលិតដោយបន្ទះកាល់ស្យូម និងលាងចេញសម្អាតឱ្យឆ្ងាយ នូវកោសិកាដែលងាប់ ឱ្យទៅនៅកកកុញលើអណ្តាត អញ្ចាញធ្មេញ និងថ្ពាល់ខាងក្នុង។ ប្រសិនបើមិនបានយកចេញ នូវកោសិកាទាំងនេះទេ ជំនួសមកវិញ វានឹងបណ្តាលឱ្យមានក្លិនមាត់មិនល្អ។ មាត់ស្ងួត ក៏អាចនឹងត្រូវបានបង្កឡើងដោយ ផលប៉ះពាល់នៃការប្រើថ្នាំជាច្រើន ដែលវាបានជះបញ្ហាលើក្រពេញទឹកមាត់ ឬការបន្តការដកដង្ហើមតាមមាត់។
ជំងឺដទៃទៀតជាច្រើន ក៏អាចបង្កឱ្យមានក្លិនមាត់អាក្រក់ដែរ។ នៅទីនេះ ជាជំងឺមួយចំនួន ដែលអ្នកត្រូវយល់ដឹង ដូចជាជំងឺរលាកផ្លូវដង្ហើម (ជំងឺរលាកសួត ឬ ជំងឺរលាកទងសួត) ជំងឺរលាកប្រហោងក្នុងឆ្អឹងរ៉ាំរ៉ៃ ការហៀរសំបោរ ជំងឺទឹកនោមផ្អែម ការចាល់ជាតិអាស៊ីតក្នុងក្រពះរ៉ាំរ៉ៃ និងបញ្ហាថ្លើម ឬតម្រងនោម៕
ផ្តល់សិទ្ធិដោយ www.health.com.kh © រក្សាសិទ្ធិដោយ thmeythmey.com