កីឡាជាតិ
ជាតិ
ពានរង្វាន់បាល់ទះធំសម្រាប់វិទ្យាល័យទូទាំងរាជធានីចាប់ផ្ដើមរសៀលនេះហើយ
× ព្រឹត្តិការណ៍ប្រកួតបាល់ទះពានរង្វាន់ Western Cup 2014 ដែលប្រមូលផ្ដុំដោយក្រុមខ្លាំងមកពីតាមវិទ្យាល័យនានាក្នុងរាជធានីភ្នំពេញ ត្រៀមនឹងចាប់ផ្ដើមប្រកួតបើកឆាកនៅម៉ោង ២ រសៀលថ្ងៃទី ៥ មករា នេះហើយក្នុងបរិវេណវិមានពហុកីឡដ្ឋានជាតិ។
ពានរង្វាន់នេះមានក្រុមចូលរួមសរុបចំនួន ៣២ ក្រុម ចែកជា ៤ ពូល ហើយក្រុមខ្លាំងចំនួន ២ នៅតាមពូលនីមួយៗ មានសិទ្ធិឡើងទៅប្រកួតជុំបន្ទាប់ ខណៈប្រាក់រង្វាន់សម្រាប់ជើងឯកនឹងទទួលបានចំនួន ១០ លានរៀល តែក្រុមជើងឯករងនឹងទទួលបាន ៦ លានរៀល ហើយក្រុមលេខ ៤ នឹងទទួលបានទឹកប្រាក់ចំនួន ៤ លានរៀល និង ក្រុមលេខ ៤ ទទួលចំណែកបាន ៣ លានរៀល។
វិទ្យាល័យចំនួន ៨ នឹងធ្វើជាម្ចាស់ផ្ទះនៅក្នុងវគ្គប្រកួតជម្រុះតាមពូលនេះ ដោយមាន៖
ពូល A (វិទ្យាល័យស៊ីសុវត្តិ និង ព្រែកឯង)
១) វិទ្យាល័យ ព្រែកឯង
២) វិទ្យាល័យ ចាក់អង្រែ
៣) វិទ្យាល័យ ច្បារអំពៅ
៤) វិទ្យាល័យ ជា ស៊ីម បឹងកេតកង
ពូល B (វិទ្យាល័យព្រែកលៀប និង ហ៊ុនសែនប៊ុនរ៉ានីវត្តភ្នំ)
១) វិទ្យាល័យព្រែកលៀប
២) វិទ្យាល័យ ហ៊ុន សែន កោះដាច់
៣) វិទ្យាល័យ ជា ស៊ីម ជ្រោយចង្វា
៤) វិទ្យាល័យ ហ៊ុន សែន ប៊ុនរ៉ានីវត្តភ្នំ
៥) វិទ្យាល័យ ជា ស៊ីម ចំរើនរដ្ឋ
ពូល C (វិទ្យាល័យ ជាស៊ីមសាមគ្គី និងពងទឹក)
១) វិទ្យាល័យទួលទំពូង
២) វិទ្យាល័យ ជា ស៊ីម សាមគ្គី
៣) វិទ្យាល័យពងទឹក
៤) វិទ្យាល័យវត្តកោះ
ពូល D (វិទ្យាល័យ ជម្ពូវ័ន្ត និង ភ្នំពេញថ្មី)
១) វិទ្យាល័យ ហ៊ុន សែន ជម្ពូវ័ន្ត
២) វិទ្យាល័យ ហ៊ុន សែន បុរី១០០ខ្នង
៣) វិទ្យាល័យ សម្ដេច ហ៊ុន សែន ភ្នំពេញថ្មី
៤) វិទ្យាល័យឥន្ទ្រទេវី
៥) វិទ្យាល័យទួលអំពិល
៦) វិទ្យាល័យឈូកវ៉ា
គូមកពីពូល B មានក្រុមវិទ្យាល័យ ជា ស៊ីម ចំរើនរដ្ឋ ត្រូវប្រកួតជាមួយក្រុម វិទ្យាល័យ ហ៊ុន សែន កោះដាច់ ក្នុងប្រកួតបើកឆាកនារសៀលម៉ោង ២ នេះ៕
© រក្សាសិទ្ធិដោយ thmeythmey.com