ជាតិ
នយោបាយជាតិ
លោក ជា មុន្នី នឹងរៀបចំពិធីបង្សុកូលគម្រប់ខួប១១ឆ្នាំ នៃការស្លាប់លោកជា វិជ្ជា
×![]()
ដោយ: ធឿន បញ្ញាឬទិ្ធ
ប្រធានសហជីពសេរីកម្មករកម្ពុជា លោក ជា មុន្នី មានប្រសាសន៏ថា លោកនិងក្រុមគ្រួសារនឹងរៀបចំពិធីបង្សុកូលគម្រប់ខួប១១ឆ្នាំ នៃការស្លាប់របស់លោក ជា វិជ្ជា នៅថ្ងៃទី២២ មករាខាងមុខ។លោក ជា មុន្នី បន្តថា គម្រោងអ្នកចូលរួមក្នុងពិធីបង្សុកូលមានចំនួនជា១០០នាក់ ប៉ុន្ដែគម្រោងនេះមិនទាន់អាចកំណត់បានទេ ដោយសារតែអាចមានអង្គការសង្គមស៊ីវិល គណបក្សនយោបាយ និងកម្មកររោងចក្រចូលរួមបន្ថែមទៀត។
លោកប្រធានសហជីពរូបនេះបានប្រកាសថា រូបលោកនៅតែទាមទាឲ្យតុលាការបន្ដស្វែងរកឃាតករសម្លាប់លោក ជា វិជ្ជា ដើម្បីរកយុត្តិធម៌ជូនបងប្រុសលោកដដែល។ ប្រធានសហជីពរូបនេះបន្ថែមថា៖«ខ្ញុំមិនទម្លាក់ចោលការទាមទានោះទេ។ ខ្ញុំនៅតែទាមទារឲ្យតុលាការស្វែងអ្នកសម្លាប់បងខ្ញុំ ដើម្បីរកយុត្តិធម៌ជូនគាត់។ ខ្ញុំនឹងព្យាយាមទាមទាដដែល»។
សូមរម្លឹកថា លោក ជា វិជ្ជា ត្រូវបានខ្មាំងកាំភ្លើងបាញ់សម្លាប់នៅក្នុងតូបលក់កាសែតមួយកន្លែង ស្ថិតនៅម្ដុំក្បែរវត្តលង្ការ កាលពីថ្ងៃទី២២ មករា ឆ្នាំ២០០៤ កន្លងទៅ ខណៈដែលរូបលោកកំពុងអង្គុយអានកាសែតនៅទីនោះ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 13 ម៉ោង
