ជាតិ
×![]()
ដោយ: ខន ចំប៉ា
អាកាសធាតុនៅក្នុងប្រទេសកម្ពុជា នឹងចុះត្រជាក់រយៈពេល៣ថ្ងៃជាប់គ្នា ចាប់ពីថ្ងៃទី១៤ខែ មករានេះដល់ថ្ងៃទី១៦ខែមករា។ នេះបើយោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម ដែលបានចេញផ្សាយនៅថ្ងៃទី១៣មករា។
បើតាមសេចក្តីជូនដំណឹង ស្ថានភាពអាកាសធាតុមានសីតុណ្ហភាពដែលត្រជាក់បំផុត(អប្បរមា)គឺត្រឹម១៤អង្សារសេ នឹងក្តៅបំផុត(អតិបរមា)គឺ៣៤អង្សារសេ។
ប្រភពដដែល បង្ហាញថា អាកាសធាតុនៅក្នុងខេត្តឧត្តរមានជ័យ ព្រះវិហារ ស្ទឹងត្រែង រតនៈគិរី មណ្ឌលគិរី និងខេត្តប៉ៃលិន មានសីតុណ្ហភាពអប្បរមាពី១៤ដល់១៦អង្សារសេ និងអតិបរមាពី២៦ដល់២៩អង្សារសេ។
ខេត្តបន្ទាយមានជ័យ សៀមរាប បាត់ដំបង ក្រចេះ កំពង់ធំ កំពង់ចាម និងខេត្តត្បូងឃ្មុំ មានសីតុណ្ហភាពអប្បរមាពី១៨ដល់២០អង្សារសេ និងអតិបរមាពី២៨ដល់៣០អង្សារសេ។
ដោយឡែក រាជធានីភ្នំពេញ ខេត្តកណ្តាល កំពង់ឆ្នាំង ពោធិ៍សាត់ កំពង់ស្ពឺ ព្រៃវែង ស្វាយរៀង និងខេត្តតាកែវ មានសីតុណ្ហភាពអប្បរមាពី១៩ដល់២២អង្សារសេ និងអតិបរមាពី២៩ដល់៣១អង្សារសេ។ ចំណែកឯតំបន់មាត់សមុទ្រ រួមមាន ខេត្តព្រះសីហនុ កំពត កែប និងខេត្តកោះកុង មានសីតុណ្ហភាពអប្បរមាពី២២ដល់២៤អង្សារសេ និងអតិបរមាពី៣២ដល់៣៤អង្សារសេ៕
© រក្សាសិទ្ធិដោយ thmeythmey.com
