អន្តរជាតិ
នយោបាយអន្តរជាតិ
លោក គីំម ជុងអ៊ុន ចង់បើកភោជនីយដ្ឋានលក់សាច់ឆ្កែមួយនៅស្កុតឡែន?
×
មេដឹកនាំផ្ដាច់ការរបស់ប្រទេសកូរ៉េខាងជើង គីម ជុងអ៊ុន អាចនឹងបើកភោជនីយដ្ឋានមួយកន្លែង នៅក្នុងប្រទេសស្កុតឡែន ដែលហាងនោះនឹងមានបម្រើម្ហូបអាហារដ៏ពេញនិយម របស់ប្រជាជាតិមួយនេះ គឺសាច់ឆ្កែនៅលើបញ្ជីរាយមុខម្ហូបផងដែរ។ នេះបើយោងតាមCNBC ។
លោក Michael Maddenនិពន្ធនាយកប្លុក the North Korea Leadership Watch blogបានប្រាប់កាសែត Edinburgh Evening Newsថាការធ្វើប្រជាមតិដើម្បីផ្ដាច់ទឹកដីឯករាជ្យរបស់ស្កុតឡែន ពីចក្រភពអង់គ្លេស បាន មេដឹកនាំកូរ៉េខាងជើង លោក គីម ជុងអ៊ុន ចាប់អារម្មណ៍ប្រទេសស្កុតឡែន។ អ្នកឃ្លាំមើលរូបនេះក៏បានបញ្ជាក់ថា បន្ថែមពីលើការចាប់អារម្មណ៍ បូករួមជាមួយនឹងជនជាតិកូរ៉េខាងជើង ចូលចិត្តផឹកស្រាវីស្គី ទៀតនោះ ទើបធ្វើឲ្យមេដឹកនាំវ័យក្មេងរូបនេះ ចង់បើកសាខាភោជនីយដ្ឋានព្យុងយ៉ាងរបស់លោកនៅក្នុងប្រទេសស្កុតលែន។
ស្ថានទូតកូរ៉េខាងជើងនៅទីក្រុងឡុងដ៍ បានបដិសេធមិនធ្វើអត្ថាធិប្បាយ។ចំណែកេរដ្ឋាភិបាលស្កុតឡេនបាននិយាយថា ខ្លួនកំពុងស្វែងរកព័ត៌មានដែលចេញផ្សាយនោះ ហើយបានបញ្ជាក់ថាគឺមិនទាន់មានទីតាំងភោជនីយដ្ឋានរបស់កូរ៉េខាងជើងជាក់ស្តែង នៅក្នុងប្រទេសខ្លួនទេ។
ព័ត៌មានពីការបើកហាងនៅក្រៅប្រទេសនេះ ត្រូវបានគេចេញផ្សាយនៅក្រោយពេល ដែលការធ្វើប្រជាមតិរបស់ស្កុតឡែនត្រូវបរាជ័យ បន្ទាប់មកប្រទេសកូរ៉េខាងជើងបានគាំទ្រ និងអំពាវនាវឱ្យស្កុតឡែនទទួលបានឯករាជ្យ។ មូលហេតុមួយនេះអាចនៅពីក្រោយការកំណត់ទីតាំងសាខាភោជនីយដ្ឋានព្យុងយ៉ាងថ្មី នៅក្នុងប្រទេសស្កុតឡែន។
ភោជនីយដ្ឋានព្យុងយ៉ាងត្រូវបានគេស្គាល់ថា ជាកន្លែងពិសារអាហាររបស់អ្នកខ្ជះខ្ជាយប្រាក់និងមានតម្លៃថ្លៃទៀតផង ហើយភោជនីយដ្ឋាននេះគឺសំដៅទៅរកអតិថិជនជាអ្នកមានទ្រព្យសម្បត្តិស្តុកស្ដម្ភ។
ភោជនីយដ្ឋានព្យុងយ៉ាងបានបើកសាខាលើកដំបូងនៅជិតព្រំដែនជាមួយប្រទេសចិននៅក្នុងឆ្នាំ ១៩៩០ ។បន្ទាប់មកផែនការនៃពង្រីកភោជនីយដ្ឋានរបស់លោកគីមជុងអ៊ុនបានធ្វើឲ្យលោកសម្រេចិត្តបើកសាខាបើកសាខាមួយទៀតនៅក្នុងទីក្រុង Amsterdam ក្នុងឆ្នាំ ២០១២ប៉ុន្តែហាងនេះត្រូវបិទទ្វារ ក្រោយមកត្រូវបើកឡើងវិញដោយដូរឈ្មោះពីPyongyang មកជា Haedanghwaវិញ។
លោក JimHoareដែលជាអ្នកជំនាញជនជាតិកូរ៉េខាងត្បូងនៅសាលាសិក្សាពីបូព៌ានិងអាហ្វ្រិកSOAS នៅក្នុងទីក្រុងឡុងដ៍បានមកធ្វើទស្សនកិច្ចភោជនីយដ្ឋានPyongyangនៅតំបន់អាស៊ី។លោកបាននិយាយថាគោលបំណងចម្បងរបស់មេដឹកនាំកូរ៉េខាងជើង ក្នុងការបង្កើតភោជនីយដ្ឋាននេះ គឺដើម្បីរៃអង្គាសប្រាក់យកទៅពង្រឹងរបបខ្លួន នៅក្រៅប្រទេស៕
© រក្សាសិទ្ធិដោយ thmeythmey.com