ជាតិ
នយោបាយជាតិ
លោក កឹម សុខា បរិហារពីភាពអាក្រក់នៃការដឹកនាំប្រទេស៣០ ឆ្នាំរបស់លោក ហ៊ុន សែន
×![]()
ដោយ: ធឿន បញ្ញាឬទិ្ធ
អនុប្រធានគណបក្សសង្គ្រោះជាតិ លោក កឹម សុខា បានបរិហារការអភិវឌ្ឍ ៣០ឆ្នាំរបស់រដ្ឋាភិបាលដែលដឹកនាំដោយ លោក ហ៊ុន សែន កន្លងមកនេះថា រដ្ឋាភិបាលនេះ បានធ្វើឲ្យមានផលប៉ះពាល់ដល់ប្រជាពលរដ្ឋ និងមិនគិតពីផលប្រយោជន៏ជាតិឡើយ។ ជាមួយគ្នានេះលោក កឹម សុខា ក៏បានហៅការអភិវឌ្ឍរបស់រដ្ឋាភិបាលលោក ហ៊ុន សែន ថា ជាការអភិវឌ្ឍសម្លាប់ប្រជាពលរដ្ឋខ្លួនឯង។ ការលើកឡើងរបស់លោក កឹម សុខា ធ្វើឡើង ខណៈដែលកាលពីថ្ងៃពុធទី ១៤ ខែមករា ម្សិលមិញ ជាថ្ងៃខួប ៣០ ឆ្នាំ នៃការឡើងកាន់អំណាចរបស់លោក ហ៊ុន សែន ។
នៅក្នុងពិធីជួបជុំជាមួយអ្នកគាំទ្ររបស់ខ្លួន នៅថ្ងៃទី១៥មករានេះ ក្រុងខេមរភូមិន្ទ ខេត្តកោះកុង លោក កឹម សុខា បានបរិហាររដ្ឋាភិបាលលោក ហ៊ុន សែន ថា រដ្ឋាភិបាលនេះ អភិវឌ្ឍន៍ប្រទេសតាមតែសម្តីឈ្មួញតែប៉ុណ្ណោះ ។ «សូមប្អូនធ្វើការកត់ចំណាំសម្គាល់ជាមួយខ្ញុំ អភិវឌ្ឍន៍របស់ពួកនេះ គឺឈ្មួញជាអ្នកចង្អុលប្រាប់។ គេចង់បានដីត្រង់ណា? ព្រៃឈើកន្លែងណា?គេប្រាប់ឈ្មួញវិញថា ឲ្យប៉ុន្មាន? បើត្រូវថ្លៃ គេឲ្យឈ្មួញធ្វើ ដោយអត់គិតប៉ះពាល់ផលប្រយោជន៍ជាតិ និងផលប្រយោជន៍ប្រជាពលរដ្ឋនោះទេ » ។ នេះជាការបញ្ជាក់របស់លោកអនុប្រធានគណបក្សប្រឆាំង ដែលតែងតែប៉ះទង្គិចពាក្យសម្តីជាមួយលោកនាយករដ្ឋមន្ត្រី ហ៊ុន សែន ផងដែរ ។
លោកអនុប្រធានបក្សប្រឆាំងរូបនេះ បានបរិហារយ៉ាងនេះថា៖«ការអភិវឌ្ឍបែបនេះ ជាការអភិវឌ្ឍសម្លាប់ជាតិ មិនមែនជួយជាតិទេ។ អភិវឌ្ឍបែបនេះជាការសម្លាប់ប្រជាពលរដ្ឋ។ កំហុសឆ្គងនៃការដឹកនាំប្រទេស៣០ឆ្នាំនេះ ធ្ងន់ធ្ងរណាស់ ទាក់ទងនឹងការបំផ្លិចបំផ្លាញសម្បត្តិធម្មជាតិ»។
កាលពីថ្ងៃទី ១៤ ខែមករា ឆ្នាំ ២០១៥ ជាខួប ៣០ ឆ្នាំ នៃការកាន់តំណែងរបស់លោកនាយករដ្ឋមន្ត្រី ហ៊ុន សែន ។ ក្នុងថ្ងៃខួបកាន់អំណាចរបស់ខ្លួន បុរសខ្លាំងកម្ពុជារូបនេះ បាននិយាយពីគុណសម្បត្តិរបស់ខ្លួនចំពោះប្រទេសជាតិ ខណៈមជ្ឈដ្ឋានជាតិ និងអន្តរជាតិមួយចំនួន និយាយតែពីសកម្មភាពអវិជ្ជមានរបស់លោក ក្នុងអំឡុងពេលដឹកនាំប្រទេសចំនួន ៣០ ឆ្នាំមកនេះ ។ ពីក្នុងពិធីសម្ពោធតភ្ជាប់ការចាក់បេតុងស្ពានអ្នកលឿង នៅថ្ងៃពុធនេះ លោក ហ៊ុន សែន បានអះអាងថា រូបលោកគឺជាអ្នកស្រោចស្រង់កម្ពុជា ចេញពីរណ្តៅសង្គ្រាម និងជាអ្នកនាំសន្តិភាពជូនកម្ពុជា ។ លោកថា បើគ្មានរូបលោកទេ កម្ពុជានឹងនៅតែមានសង្គ្រាមរហូតដល់បច្ចុប្បន្ន ៕
នៅក្នុងពិធីជួបជុំជាមួយអ្នកគាំទ្ររបស់ខ្លួន នៅថ្ងៃទី១៥មករានេះ ក្រុងខេមរភូមិន្ទ ខេត្តកោះកុង លោក កឹម សុខា បានបរិហាររដ្ឋាភិបាលលោក ហ៊ុន សែន ថា រដ្ឋាភិបាលនេះ អភិវឌ្ឍន៍ប្រទេសតាមតែសម្តីឈ្មួញតែប៉ុណ្ណោះ ។ «សូមប្អូនធ្វើការកត់ចំណាំសម្គាល់ជាមួយខ្ញុំ អភិវឌ្ឍន៍របស់ពួកនេះ គឺឈ្មួញជាអ្នកចង្អុលប្រាប់។ គេចង់បានដីត្រង់ណា? ព្រៃឈើកន្លែងណា?គេប្រាប់ឈ្មួញវិញថា ឲ្យប៉ុន្មាន? បើត្រូវថ្លៃ គេឲ្យឈ្មួញធ្វើ ដោយអត់គិតប៉ះពាល់ផលប្រយោជន៍ជាតិ និងផលប្រយោជន៍ប្រជាពលរដ្ឋនោះទេ » ។ នេះជាការបញ្ជាក់របស់លោកអនុប្រធានគណបក្សប្រឆាំង ដែលតែងតែប៉ះទង្គិចពាក្យសម្តីជាមួយលោកនាយករដ្ឋមន្ត្រី ហ៊ុន សែន ផងដែរ ។
លោកអនុប្រធានបក្សប្រឆាំងរូបនេះ បានបរិហារយ៉ាងនេះថា៖«ការអភិវឌ្ឍបែបនេះ ជាការអភិវឌ្ឍសម្លាប់ជាតិ មិនមែនជួយជាតិទេ។ អភិវឌ្ឍបែបនេះជាការសម្លាប់ប្រជាពលរដ្ឋ។ កំហុសឆ្គងនៃការដឹកនាំប្រទេស៣០ឆ្នាំនេះ ធ្ងន់ធ្ងរណាស់ ទាក់ទងនឹងការបំផ្លិចបំផ្លាញសម្បត្តិធម្មជាតិ»។
កាលពីថ្ងៃទី ១៤ ខែមករា ឆ្នាំ ២០១៥ ជាខួប ៣០ ឆ្នាំ នៃការកាន់តំណែងរបស់លោកនាយករដ្ឋមន្ត្រី ហ៊ុន សែន ។ ក្នុងថ្ងៃខួបកាន់អំណាចរបស់ខ្លួន បុរសខ្លាំងកម្ពុជារូបនេះ បាននិយាយពីគុណសម្បត្តិរបស់ខ្លួនចំពោះប្រទេសជាតិ ខណៈមជ្ឈដ្ឋានជាតិ និងអន្តរជាតិមួយចំនួន និយាយតែពីសកម្មភាពអវិជ្ជមានរបស់លោក ក្នុងអំឡុងពេលដឹកនាំប្រទេសចំនួន ៣០ ឆ្នាំមកនេះ ។ ពីក្នុងពិធីសម្ពោធតភ្ជាប់ការចាក់បេតុងស្ពានអ្នកលឿង នៅថ្ងៃពុធនេះ លោក ហ៊ុន សែន បានអះអាងថា រូបលោកគឺជាអ្នកស្រោចស្រង់កម្ពុជា ចេញពីរណ្តៅសង្គ្រាម និងជាអ្នកនាំសន្តិភាពជូនកម្ពុជា ។ លោកថា បើគ្មានរូបលោកទេ កម្ពុជានឹងនៅតែមានសង្គ្រាមរហូតដល់បច្ចុប្បន្ន ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
