អន្តរជាតិ
នយោបាយអន្តរជាតិ
រុស្ស៊ីនឹងខាតបង់ ៤៥ ពាន់លានដុល្លារបើឆ្នាំនេះប្រេងមានតម្លៃ ៥០ ដុល្លារក្នុងមួយធុង
×![]()
ប្រទេសរុស្ស៊ីនឹងខាតបង់នូវប្រាក់ចំណូលពីការលក់ប្រេងប្រមាណជា ៤៥ ពាន់លានដុល្លារនៅឆ្នាំ ២០១៥ នេះប្រសិនបើតម្លៃប្រេងជាមធ្យមស្ថិតនៅ ៥០ដុល្លារក្នុងមួយធុងនោះ។ នេះបើយោងតាមទីភ្នាក់ងារព័ត៌មាន Reutersដែលបានដកស្រង់សំដីរបស់រដ្ឋមន្ត្រីក្រសួងហិរញ្ញវត្ថុ របស់រុស្ស៊ីលោក Anton Siluanov។
នៅក្នុងសេចក្តីអធិប្បាយមួយ លោក Anton Siluanovបានគូសបញ្ជាក់ពីការព្រួយបារម្ភរបស់រដ្ឋាភិបាលរុស្ស៊ី ពីការធ្លាក់ចុះនៃសេដ្ឋកិច្ចរបស់ប្រទេសខ្លួន ដោយលោកបានថ្លែងថា រាល់ការចំណាយថវិការដ្ឋទាំងអស់គួរតែត្រូវបានកាត់បន្ថយ១០ភាគរយលើកលែងតែនៅលើវិស័យការពារជាតិ ដែលជាវិស័យអាទិភាពមួយរបស់លោកប្រធានាធិបតីវ្ល៉ាឌីមៀរពូទីន នោះ។
ជាមួយនឹងការធ្លាក់ចុះតម្លៃរូបិយប័ណ្ណ ការធ្លាក់ចុះតម្លៃប្រេងនិងការដាក់ទណ្ឌកម្មសេដ្ឋកិច្ចរបស់លោកខាងលិចលើវិបត្តិអ៊ុយក្រែន ទៀតនោះ ប្រទេសរុស្ស៊ីបានកាត់បន្ថយចំណាយសរុបសម្រាប់ឆ្នាំ ២០១៥ដោយត្រូវតែបង្កើនតែ៥ភាគរយប៉ុណ្ណោះ ធៀបនឹង ១១,៧ភាគរយនៃថវិកាដែលគ្រោងនឹងចំណាយកាលពីពេលមុននោះ។
លោកSiluanovបាននិយាយថាប្រទេសរុស្ស៊ីត្រូវការបង្កើនទុនបម្រុងរបស់ខ្លួនដើម្បីទប់ទល់នឹងលំបាកនានា ដូចជាការធ្លាក់ចុះយ៉ាងគំហុកនៃតម្លៃប្រេង និងលុយរូប ដែលបានធ្លាក់ចុះប្រហែល ៤០ភាគរយធៀបនឹងប្រាក់ដុល្លារនៅឆ្នាំ ២០១៤និងបានបន្តធ្លាក់ចុះជាបន្តទៀនៅឆ្នាំ ២០១៥ នេះ។
សេដ្ឋកិច្ចរបស់ប្រទេសរុស្ស៊ី ត្រូវពឹងផ្អែកលើការនាំចេញប្រភពថាមពល ដែលមានប្រេង និងឧស្ម័ន ហើយចំណូលដែលបានមកពីវិស័យថាមពលនេះ គឺស្មើនឹងពាក់កណ្ដាលនៃចំណូលថវិកាសហព័ន្ធសរុប៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 17 ម៉ោង
