ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
អ្នកកំប្លែងជនជាតិបារាំងឈ្មោះ យ៉ាន នឹងក្លាយជាអ្នកកាសែតរបស់ ថ្មីៗ
16, Jan 2015 ,
3:10 pm
រូបភាព
នាយ យ៉ាន
×
ដោយ:
លីម តុលា
ភ្នំពេញ៖ អ្នកកំប្លែងជនជាតិបារាំងដែលចេះនិយាយភាសាខ្មែរស្ទាត់នឹងក្លាយជាអ្នកកាសែតរបស់សារព័ត៌មានអេឡិចត្រូនិកថ្មីៗនៅពេលដ៏ខ្លីខាងមុខនេះ។ ពីអ្នកកំប្លែងជាច្រើនឆ្នាំប្រចាំទូរទស្សន៍ CTN តែពេលនេះ នាយ យ៉ាន (Yann) ចង់ក្លាយខ្លួនជាអ្នកកាសែតវិញម្តង។ នៅក្នុងសារព័ត៌មានថ្មីៗ លោក យ៉ាន មានតួនាទីជាអ្នកកាន់កម្មវិធីបទសម្ភាន៍ជាមួយប្រជាពលរដ្ឋខ្មែរសាមញ្ញនៅតាមដងផ្លូវ។
ទស្សនិកជនទូរទស្សន៍ CTN ពិតជាធ្លាប់ស្គាល់ នាយ យ៉ាន ដែលធ្លាប់លេងកំប្លែងជាមួយក្រុមនាយ ពែក មី និងនាយ គ្រឿន ជាក់ជាពុំខាន។ នាយ យ៉ាន (Yann) មានអាយុ៣៧ឆ្នាំ បានចូលមករស់នៅក្នុងប្រទេសកម្ពុជាតាំងពីឆ្នាំ២០០៣មក។ លោកចេះនិយាយភាសាខ្មែរយ៉ាងច្បាស់ ហើយលោកធ្លាប់បានបញ្ចេញទេពកោសល្យកំប្លែងអោយជនជាតិខ្មែរទស្សនា និងផ្ទុះសំណើចពេញទូទាំងប្រទេស។
នៅពេលនេះ លោកបានសម្រេចចិត្តក្លាយខ្លួនជាអ្នកកាសែតប្រចាំសារព័ត៌មានអេឡិចត្រូនិកថ្មីៗក្នុងពេលដ៏ខ្លីខាងមុខនេះ។ នៅក្នុងសារព័ត៌មានថ្មីៗ លោក យ៉ាន មានតួនាទីជាអ្នកកាន់កម្មវិធីបទសម្ភាន៍ជាមួយប្រជាពលរដ្ឋសាមញ្ញទូទៅនៅតាមដងផ្លូវ។ លោកជាអ្នកធ្វើបទសម្ភាសន៍ដោយខ្លួនឯងជាភាសាខ្មែរជាមួយប្រជាពលរដ្ឋនៅតាមដងផ្លូវ។ កម្មវិធីនេះមានឈ្មោះថា«យ៉ាន និងជីវិតពិតខ្មែរ»តាមដងផ្លូវ។
បទសម្ភាសន៍របស់លោកនាយ យ៉ាន អាចមានជាសំឡេងដូចវិទ្យុ និងជាវីដេអូ ដូចទូរទស្សន៍។ ជំហានដំបូង កម្មវិធីនាយ យ៉ាន នឹងផ្សាយម្តងក្នុងមួយសប្តាហ៍លើសារព័ត៌មានថ្មីៗ ។ តែនាពេលអនាគត កម្មវិធីរបស់លោក យ៉ាន នឹងត្រូវចាក់ផ្សាយពីរដងក្នុងមួយសប្តាហ៍។ បទសម្ភាសន៍របស់លោក យ៉ាន មានលក្ខណៈអាជីពជាអ្នកសារព័ត៌មាន តែពេលខ្លះបទសម្ភាសន៍ក៏អាចលាយឡំនឹងសំណើចខ្លះ។ នេះគឺជាកម្មវិធីថ្មីមួយទៀតដែលអនុញ្ញាតអោយអ្នកអាន អ្នកសា្តប់ និងអ្នកទស្សនាសារព័ត៌មានថ្មីៗ ទទួលបានព័តមានកាន់តែសម្បូរបែប និងគ្រប់ប្រភេទ។
នាយ យ៉ាន បានបញ្ជាក់ប្រាប់សារព័ត៌មានថ្មីៗថា លោកសប្បាយចិត្តនឹងចូលរួមធ្វើកម្មវិធីជាមួយសារព័ត៌មានថ្មីៗ ហើយលោកកាន់តែចូលចិត្តថែមទៀត នៅពេលដែលថ្មីៗផ្តល់ឱកាសអោយលោកទទួលបន្ទុកកម្មវិធីបទសម្ភាសន៍ជាមួយពលរដ្ឋខ្មែរនៅតាមដងផ្លូវនានានៃប្រទេសកម្ពុជា។ «ខ្ញុំសប្បាយចិត្តមែនទែន។ ខ្ញុំចូលចិត្តធ្វើការជាមួយប្រជាពលរដ្ឋខ្មែរតូចតាច»។ នេះ គឺជាការបញ្ជាក់បន្ថែមរបស់ នាយ យ៉ាន។
នាយ យ៉ាន ជាជនជាតិ ឡាតាំង សញ្ជាតិបារាំងមែន ប៉ុន្តែលោកចូលចិត្តជីវិតរស់នៅបែបខ្មែរថ្នាក់ក្រោម។ បច្ចុប្បន្នលោករស់នៅតំបន់ផ្លូវវ៉េងស្រេងខាងលិច ឈាងខាងត្បូងនៃរាជធានីភ្នំពេញដោយលោកជួលបន្ទប់រស់នៅមិនឆ្ងាយប៉ុន្មានពីបន្ទប់ជួលរបស់កម្មករកាត់ដេរ។ លោកចង់រស់នៅក្បែរកម្មករកាត់ដេរ ពីព្រោះលោកចង់ដឹងពីជីវិតពិតរបស់ពួកគេ។
ដោយសារតែលោក យ៉ាន ស្គាល់ពីជីវិតពិតរបស់ប្រជាពលរដ្ឋខ្មែរថ្នាក់ក្រោមយ៉ាងដូច្នេះ គេសង្ឃឹមថា លោកនឹងអាចពាំនាំព័ត៌មានទាំងឡាយពីប្រជាជនក្រីក្រទៅកាន់មហាជនដទៃទៀតដែលមិនធ្លាប់បានដឹងពីជីវភាពរបស់ជនក្រីក្រខ្មែរពិត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
3 ថ្ងៃ
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
5 ថ្ងៃ
បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧
5 ថ្ងៃ
ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ
6 ថ្ងៃ
រវាង «លស់» «លួស» និង «លោះ» មានអត្ថន័យខុសគ្នាដូចម្តេច?
4 ថ្ងៃ
អត្ថបទពេញនិយមបន្ថែម