ជាតិ
×![]()
សៀមរាប៖ ក្នុងកិច្ចប្រជុំរួមមួយនៅថ្ងៃនេះ រដ្ឋាភិបាលកម្ពុជា និងថៃ បានព្រមគ្នាបើកច្រកព្រំដែនស្ទឹងបត់ ខេត្តមន្ទាយមានជ័យ និងសម្រេចដំឡើងច្រកព្រំដែនចំនួន៤ទៀត ឲ្យក្លាយជាច្រកព្រំដែនអន្តរជាតិ ដើម្បីបំពេញតម្រូវទេសចរណ៍ និងសេដ្ឋកិច្ច រវាងប្រទេសទាំងពីរ។
មានសំឡេង
កិច្ចប្រជុំរវាងកម្ពុជា ថៃ បានសម្រេចលទ្ធផលចំនួន៨ចំណុច។ ក្នុងនោះ ទាក់ទងនឹងបញ្ហាព្រំដែន ប្រទេសទាំងពីរ បានយល់ស្របគ្នា ថានឹងបើកច្រកព្រំដែនថ្មីមួយបន្ថែមទៀត គឺច្រកស្ទឹងបត់ ដែលនៅមិនឆ្ងាយប៉ុន្មានពីច្រកប៉ោយប៉ែត ខេត្តបន្ទាយមានជ័យ។ តាមការបញ្ជាក់ពីអ្នកនាំពាក្យក្រសួងការបរទេស និងកិច្ចសហប្រតិបត្តិការអន្តរជាតិ គម្រោងនេះនឹងដំណើរការចាប់ពីឆ្នាំ២០១៦ ដែលគ្រោងនឹងបញ្ចប់នៅក្នុងឆ្នាំ២០១៨ ។ សម្រាប់ច្រកស្ទឹងបត់នេះដែរ នឹងបើកឲ្យតែចរាចរណ៍ទំនិញ ពីប្រទេសកម្ពុជា និងថៃតែប៉ុណ្ណោះ ដោយទុកឲ្យច្រកប៉ោយប៉ែត សម្រាប់ឲ្យភ្ញៀវទេសចរ ងាយស្រួលឆ្លងកាត់។
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
