ជាតិ
សង្គមជាតិ
×![]()
ដោយ: លីម តុលា
ភ្នំពេញ៖ លោក គង់ វិបុល ប្រតិភូរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានពន្ធដារ ក្រសួងសេដ្ឋកិច្ច និងហិរញ្ញវត្ថុ កាលពីថ្ងៃទី៦ ខែមករា ឆ្នាំ២០១៥ បានចេញសេចក្តីជូនដំណឹងមួយស្តីពីការអនុវត្តបទប្បញ្ញត្តិស្តីពី ពន្ធលើប្រាក់បៀវត្សដែលបានកែប្រែសម្រាប់ឆ្នាំ២០១៥ ។ ការប្រកាសដកពន្ធលើប្រាក់បៀវត្សរ៍ គឺជាគោលនយោបាយត្រឹមត្រូវរបស់រដ្ឋាភិបាល។ ប៉ុន្តែពលរដ្ឋដែលត្រូវបានរដ្ឋបង្ខំអោយបង់ពន្ធវិញ បានចោទជាសំណួរថា តើពួកគេទទួលបានផលអ្វីមកវិញ ពីការបង់ពន្ធនោះ។ ពលរដ្ឋជាច្រើនបានសម្តែងការមិនពេញចិត្តចំពោះចំណាត់ការយកពន្ធលើប្រាក់ខែនេះ។ 
យោងតាមមាត្រា៤៧ថ្មី នៃច្បាប់ស្តីពីសារពើពន្ធ និយោជិតនិវាសនជន (Real Person Resident) ពោលគឺសំដៅលើបុគ្គលមានចំណូលទាំងក្នុង និងក្រៅប្រទេស ត្រូវបង់ប្រាក់ពន្ធប្រចាំខែ និងត្រូវកាត់ទុកដោយនិយោជកតាមអាត្រាកំណើនតាមថ្នាក់។
ប្រាក់ពន្ធលើប្រាក់បៀវត្សរ៍ដែលនិយោជិតនិវាសនជន ត្រូវបង់ប្រចាំខែ និងត្រូវកាត់ ទុកដោយនិយោជកតាមអត្រាកំណើន ដូចតទៅ ចាប់ពី ០ រៀល ឬ០ដុល្លារ ដល់ ៨សែន ឬ២០០ដុល្លារ (មិនជាប់ពន្ធ) ពី ៨សែនរៀល ឬ២០០ដុល្លារ ដល់ ១លាន២សែន៥ពាន់ឬ៣០១ដុល្លារ (ជាប់ពន្ធ ៥ភាគរយ) ចាប់ពី ១លាន២សែន៥ពាន់ ឬ៣០១ដុល្លារ ដល់ ៨លាន៥សែន ឬ២១២៥ដុល្លារ (១០ភាគរយ) ចាប់ពី ៨លាន៥សែនឬ២១២៥ដុល្លារ ដល់ ១២លាន៥សែន ឬ៣១២៥ដុល្លារ (១៥ភាគរយ) និងលើសពី ១២លាន៥សែន ឬ៣១២៥ដុល្លារ (២០ភាគរយ)។
ឆ្លើយតបទៅនឹងនយោបាយយកពន្ធខាងលើនេះ ប្រធានក្រុមហ៊ុនឯកជនមួយនៅទីក្រុងភ្នំពេញដែលសុំមិនអោយបញ្ចេញឈ្មោះ ប្រតិកម្មថា ក្រុមហ៊ុនរបស់លោកបង់ពន្ធប្រាក់ខែជាប្រចាំជូនរដ្ឋ។ ប៉ុន្តែ ពួកគេមិនដឹងថា តើត្រូវទទួលបានអ្វីមកវិញ នៅពេលដែលបុគ្គលិកបង់ពន្ធទាំងនោះមានបញ្ហា។ នៅក្នុងប្រទេសអភិវឌ្ឍន៍ជឿនលឿន ដូចជា ប្រទេសអាមេរិក បារាំង។ល។ ពលរដ្ឋបង់ពន្ធលើប្រាក់ខែមែន ប៉ុន្តែត្រឡប់មកវិញ ពួកគេទទួលបានប្រាក់ចូលនិវត្តន៍ ឬទទួលបានប្រាក់កាសខ្លះនៅពេលពួកគេអត់មានការងារធ្វើជាដើម។ «ចុះនៅកម្ពុជាវិញ យើងទទួលបានអ្វីខ្លះ?»។ នេះគឺជាសំណួររបស់ម្ចាស់ក្រុមហ៊ុនខាងលើ។ លោក ប៉ែន សំណាង ធ្វើការអោយក្រុមហ៊ុនឯកជនមួយនៅទីក្រុងភ្នំពេញសម្តែងអារម្មណ៍មិនចង់បង់ពន្ធលើប្រាក់ខែទាល់តែសោះ ពីព្រោះ រូបគេមិនដឹងថា នឹងទទួលបានអ្វីមកវិញ។ លោកសួរសំណួរថា បើលោកបង់ តើលោកបានអ្វីមកវិញ?។
អ្នកស្រី ជា ដាណែត នាយកវិទ្យុស្ត្រី FM 102 បានត្អូញត្អែរនៅក្នុងគណនីយហ្វេសប៊ុករបស់អ្នកស្រីថា៖«ឆ្នាំថ្មីនេះ ខ្ញុំត្រូវបង់ពន្ធលើប្រាក់ខែដល់ទៅ២០ភាគរយ។ វាច្រើនហួសហេតុពេកហើយ... ព្រោះខ្ញុំមិនមានបានទទួលអ្វីពីរដ្ឋាភិបាលវិញទេនៅពេលរ៉ឺត្រែត...បើជាមន្ត្រីរាជការ ពួកគេនឹងបានលុយរ៉ឺត្រែត នៅពេលចាស់ឈប់ធ្វើការ»។
សូមបញ្ជាក់ថា យុទ្ធនាការយកពន្ធលើប្រាក់ខែនេះទំនងជាប៉ះពាល់ធ្ងន់ធ្ងរតែទៅលើពលរដ្ឋដែលមានការងារធ្វើល្អៗនៅទីប្រជុំជន ជាពិសេស នៅទីក្រុងភ្នំពេញ សៀមរាប ក្រុងព្រះសីហនុ កំពង់ចាម។ល។ បុគ្គលិកក្រុមហ៊ុន បុគ្គលិកអង្គការជាតិ និងអន្តរជាតិ អាចត្រូវបង់ពន្ធលើប្រាក់បៀវត្សរ៍ច្រើន។
តែចំពោះពលរដ្ឋដែលទទួលបានប្រាក់ខែច្រើនរយ ឬពាន់ដុល្លារដែលធ្វើការនៅតំបន់ដាច់ស្រយាលដោយក្រុមហ៊ុនគ្មានចុះបញ្ជីស្នាម ពួកគេពិតជាអាចគេចផុត ពីការបង់ពន្ធ៕
យោងតាមមាត្រា៤៧ថ្មី នៃច្បាប់ស្តីពីសារពើពន្ធ និយោជិតនិវាសនជន (Real Person Resident) ពោលគឺសំដៅលើបុគ្គលមានចំណូលទាំងក្នុង និងក្រៅប្រទេស ត្រូវបង់ប្រាក់ពន្ធប្រចាំខែ និងត្រូវកាត់ទុកដោយនិយោជកតាមអាត្រាកំណើនតាមថ្នាក់។
ប្រាក់ពន្ធលើប្រាក់បៀវត្សរ៍ដែលនិយោជិតនិវាសនជន ត្រូវបង់ប្រចាំខែ និងត្រូវកាត់ ទុកដោយនិយោជកតាមអត្រាកំណើន ដូចតទៅ ចាប់ពី ០ រៀល ឬ០ដុល្លារ ដល់ ៨សែន ឬ២០០ដុល្លារ (មិនជាប់ពន្ធ) ពី ៨សែនរៀល ឬ២០០ដុល្លារ ដល់ ១លាន២សែន៥ពាន់ឬ៣០១ដុល្លារ (ជាប់ពន្ធ ៥ភាគរយ) ចាប់ពី ១លាន២សែន៥ពាន់ ឬ៣០១ដុល្លារ ដល់ ៨លាន៥សែន ឬ២១២៥ដុល្លារ (១០ភាគរយ) ចាប់ពី ៨លាន៥សែនឬ២១២៥ដុល្លារ ដល់ ១២លាន៥សែន ឬ៣១២៥ដុល្លារ (១៥ភាគរយ) និងលើសពី ១២លាន៥សែន ឬ៣១២៥ដុល្លារ (២០ភាគរយ)។
ឆ្លើយតបទៅនឹងនយោបាយយកពន្ធខាងលើនេះ ប្រធានក្រុមហ៊ុនឯកជនមួយនៅទីក្រុងភ្នំពេញដែលសុំមិនអោយបញ្ចេញឈ្មោះ ប្រតិកម្មថា ក្រុមហ៊ុនរបស់លោកបង់ពន្ធប្រាក់ខែជាប្រចាំជូនរដ្ឋ។ ប៉ុន្តែ ពួកគេមិនដឹងថា តើត្រូវទទួលបានអ្វីមកវិញ នៅពេលដែលបុគ្គលិកបង់ពន្ធទាំងនោះមានបញ្ហា។ នៅក្នុងប្រទេសអភិវឌ្ឍន៍ជឿនលឿន ដូចជា ប្រទេសអាមេរិក បារាំង។ល។ ពលរដ្ឋបង់ពន្ធលើប្រាក់ខែមែន ប៉ុន្តែត្រឡប់មកវិញ ពួកគេទទួលបានប្រាក់ចូលនិវត្តន៍ ឬទទួលបានប្រាក់កាសខ្លះនៅពេលពួកគេអត់មានការងារធ្វើជាដើម។ «ចុះនៅកម្ពុជាវិញ យើងទទួលបានអ្វីខ្លះ?»។ នេះគឺជាសំណួររបស់ម្ចាស់ក្រុមហ៊ុនខាងលើ។ លោក ប៉ែន សំណាង ធ្វើការអោយក្រុមហ៊ុនឯកជនមួយនៅទីក្រុងភ្នំពេញសម្តែងអារម្មណ៍មិនចង់បង់ពន្ធលើប្រាក់ខែទាល់តែសោះ ពីព្រោះ រូបគេមិនដឹងថា នឹងទទួលបានអ្វីមកវិញ។ លោកសួរសំណួរថា បើលោកបង់ តើលោកបានអ្វីមកវិញ?។
អ្នកស្រី ជា ដាណែត នាយកវិទ្យុស្ត្រី FM 102 បានត្អូញត្អែរនៅក្នុងគណនីយហ្វេសប៊ុករបស់អ្នកស្រីថា៖«ឆ្នាំថ្មីនេះ ខ្ញុំត្រូវបង់ពន្ធលើប្រាក់ខែដល់ទៅ២០ភាគរយ។ វាច្រើនហួសហេតុពេកហើយ... ព្រោះខ្ញុំមិនមានបានទទួលអ្វីពីរដ្ឋាភិបាលវិញទេនៅពេលរ៉ឺត្រែត...បើជាមន្ត្រីរាជការ ពួកគេនឹងបានលុយរ៉ឺត្រែត នៅពេលចាស់ឈប់ធ្វើការ»។
សូមបញ្ជាក់ថា យុទ្ធនាការយកពន្ធលើប្រាក់ខែនេះទំនងជាប៉ះពាល់ធ្ងន់ធ្ងរតែទៅលើពលរដ្ឋដែលមានការងារធ្វើល្អៗនៅទីប្រជុំជន ជាពិសេស នៅទីក្រុងភ្នំពេញ សៀមរាប ក្រុងព្រះសីហនុ កំពង់ចាម។ល។ បុគ្គលិកក្រុមហ៊ុន បុគ្គលិកអង្គការជាតិ និងអន្តរជាតិ អាចត្រូវបង់ពន្ធលើប្រាក់បៀវត្សរ៍ច្រើន។
តែចំពោះពលរដ្ឋដែលទទួលបានប្រាក់ខែច្រើនរយ ឬពាន់ដុល្លារដែលធ្វើការនៅតំបន់ដាច់ស្រយាលដោយក្រុមហ៊ុនគ្មានចុះបញ្ជីស្នាម ពួកគេពិតជាអាចគេចផុត ពីការបង់ពន្ធ៕
© រក្សាសិទ្ធិដោយ thmeythmey.com
