ជាតិ
នយោបាយជាតិ
លោក កឹម សុខា ច្រានចោលព័ត៌មានសំណើរតែងតាំងកូនស្រីលោកជាតំណាងរាស្ត្រ
× ភ្នំពេញ៖ លោក កឹម សុខា អនុប្រធានគណបក្សសង្គ្រោះជាតិបានច្រានចោលព័ត៌មានដែលថា រូបលោកមានបំណងស្នើសុំតែងតាំងកូនស្រីរបស់លោកជំនួសលោក កែវ សម្បត្តិ តំណាងរាស្ត្រមណ្ឌលភ្នំពេញដែលកំពុងមានជំងឺ។ លោក កឹម សុខា ថា ព័ត៌មាននេះ គឺជាព័ត៌មានមិនពិត។
លោក កឹម សុខា អនុប្រធានគណបក្សសង្គ្រោះជាតិបានបដិសេធដំណឹងដែលថា លោកមានបំណងដាក់កូនស្រីរបស់លោកជំនួសតំណាងរាស្ត្រភ្នំពេញលោក កែវ សម្បត្តិ ដែលមានអាយុ៧០ឆ្នាំ និងមានជំងឺ។ លោក កឹម សុខា បញ្ជាក់នៅថ្ងៃសៅរ៍នេះថា៖«អត់មានទេ។ អត់ពិតទេ។ គេបង្ខូចយើង។ កូនខ្ញុំមិនដែលចង់ធ្វើផង»។
ប្រតិកម្មរបស់លោកបានធ្វើឡើង បន្ទាប់ពីកាសែតដើមអំពិលបានដងស្រង់សម្តីប្រភពពីគណបក្សសង្គ្រោះជាតិដែលបញ្ជាក់ថា លោក កឹម សុខា មានបំណងស្នើដាក់កូនស្រី កឹម មនោវិទ្យា ជំនួស លោក កែវ សម្បត្តិ ដែលមានជំងឺជាទម្ងន់។ តាមគោលការណ៍គណបក្ស និងតាមលេខរៀង តំណែងនេះមិនត្រូវធ្លាក់ទៅកញ្ញា កឹម មនោវិទ្យា នោះទេ។
លោក កឹម សុខា ប្រតិកម្មថា ព័ត៌មានទាំងនោះ មិនពិតទេ គឺជាព័ត៌មានមូលបង្កាច់៕
© រក្សាសិទ្ធិដោយ thmeythmey.com