ជាតិ
នយោបាយជាតិ
×![]()
៩ឆ្នាំក្រោយមក ពោលគឺបន្ទាប់ពីត្រូវបានបណ្តេញចេញពីគណបក្សហ្វ៊ុនស៊ិនប៉ិច កាលពីថ្ងៃទី១៨ ខែតុលា ឆ្នាំ២០០៦ ព្រះអង្គម្ចាស់ នរោត្តម រណឫទ្ធិ បានក្លាយជាប្រធានគណបក្សរាជានិយមនេះជាផ្លូវការឡើងវិញហើយ តាមរយៈសមាជនៅកោះពេជ្រ នាព្រឹកថ្ងៃចន្ទ ទី១៩ ខែមករា ឆ្នាំ២០១៥ ។
«ទៅហើយ មកវិញ ទៅហើយ មកវិញ...» បានក្លាយជាចម្រៀងឌឺដងនយោបាយដាក់ព្រះអង្គម្ចាស់ នរោត្តម រណឫទ្ធិ ដែលបានសម្រេចព្រះទ័យដឹកនាំគណបក្សហ្វ៊ុនស៊ិនប៉ិចឡើងវិញនា ដើមឆ្នាំ២០១៥នេះ។ ព្រះអង្គម្ចាស់ រណឫទ្ធិ ដែលទើបប្រារព្ធពិធីចម្រើនព្រះជន្ម៧១វស្សា កាលពីថ្ងៃសុក្រ ទី២ ខែមករា កន្លងមក បានក្លាយជាតួអង្គនយោបាយមួយដែលគេស្ទើរតែភ្លេចឈ្មោះ ប៉ុន្តែវត្តមានរបស់ព្រះអង្គនៅតែធ្វើឲ្យទិដ្ឋភាពនយោបាយមានការ ប្រែប្រួល។
ព្រះអង្គម្ចាស់ នរោត្តម អរុណរស្មី និងលោក ញឹក ប៊ុនឆៃ ដែលជាអគ្គលេខាធិការបក្ស បានផ្ញើលិខិតយាងព្រះអង្គម្ចាស់ រណឫទ្ធិ ទៅដឹកនាំហ្វ៊ុនស៊ិនប៉ិចវិញ ដោយតាមស្មារតីបង្រួបបង្រួមជាតិ អ្នករាជានិយម និងអ្នកសីហនុនិយម ហើយការជ្រើសតាំងផ្លូវការនឹងធ្វើឡើងតាមរយៈសមាជបក្សនាពេលខាងមុខ។ នៅថ្ងៃទី១ ខែមករា ដដែល ព្រះអង្គម្ចាស់ រណឫទ្ធិ បានឆ្លើយតបជាវិជ្ជមានទៅនឹងបុគ្គលដែលខ្លួនតែងចោទថា ជាមេបក្សប្រហារ ដែលនាំឲ្យព្រះអង្គខ្ទាតចេញពីហ្វ៊ុនស៊ិនប៉ិចចាប់តាំងពីឆ្នាំ២០០៦មក។
មិនមែនជាលើកទីមួយដែលព្រះអង្គម្ចាស់ នរោត្តម រណឫទ្ធិ ឆ្លើយទេ ប៉ុន្តែក្រោយមកឆ្លើយអូខេ។ ក្រោយការបោះឆ្នោតឆ្នាំ១៩៩៣ ព្រះអង្គបានចែករំលែកកៅអីនាយករដ្ឋមន្ត្រីជាមួយលោក ហ៊ុន សែន នៃគណបក្សប្រជាជនកម្ពុជា ខណៈពេលនោះ ហ្វ៊ុនស៊ិនប៉ិចឈ្នះ៥៨កៅអី គណបក្សប្រជាជនកម្ពុជាឈ្នះ៥១កៅអី។
នៅថ្ងៃទី៦ ខែកក្កដា ឆ្នាំ១៩៩៧ ទ្រង់រណឫទ្ធិ ត្រូវបានដកហូតពីតំណែងជានាយករដ្ឋមន្ត្រីទីមួយ ក្រោយព្រឹត្តិការណ៍ជម្លោះប្រដាប់អាវុធរវាងគណបក្សប្រជាជនកម្ពុជា និងគណបក្សហ្វ៊ុនស៊ិនប៉ិច ហើយតំណែងរបស់ព្រះអង្គត្រូវបានជំនួសដោយលោក អ៊ឹង ហួត។ ប៉ុន្តែមួយឆ្នាំក្រោយមក ព្រះអង្គបានវិលទៅដឹកនាំហ្វ៊ុនស៊ិនប៉ិចដើម្បីប្រជែងក្នុងការ បោះឆ្នោត ហើយទីបំផុតព្រះអង្គបានសុខចិត្តទទួលតំណែងជាប្រធានរដ្ឋសភា ក្រោយការចងសម្ព័ន្ធភាពជាមួយគណបក្សប្រជាជនកម្ពុជារបស់លោក ហ៊ុន សែន ដែលជាគូសត្រូវរបស់ខ្លួន។
ប្រជាប្រិយភាពរបស់គណបក្សហ្វ៊ុនស៊ិនប៉ិចបានធ្លាក់ចុះជាលំដាប់ ដោយនៅឆ្នាំ២០០៣ បក្សរាជានិយមមួយនេះ ធ្លាក់ទៅចំណាត់ថ្នាក់ទីបីដោយទទួលបានត្រឹម២៦កៅអី បន្ទាប់ពីបក្សប្រជាជនកម្ពុជា (៧៣កៅអី) និងគណបក្សសម រង្ស៊ី (២៤កៅអី)។ ទោះបីជាយ៉ាងណា ស្មារតីនៃសម្ព័ន្ធភាពជាមួយបក្សកាន់អំណាច បាននាំឲ្យព្រះអង្គរក្សាតំណែងជាប្រធានរដ្ឋសភា រហូតដល់ឆ្នាំ២០០៦ មុននឹងវិបត្តិផ្ទៃក្នុងបក្ស។
ព្រះអង្គក៏ធ្លាប់ចាប់ដៃគូជាមួយលោក សម រង្ស៊ី តទល់ជាមួយលោកនាយករដ្ឋមន្ត្រី ហ៊ុន សែន ជាច្រើនលើកផងដែរ ប៉ុន្តែវាគ្រាន់តែជាសម្ព័ន្ធភាពទឹកកកប៉ុណ្ណោះ។ ក្រោយអស់តំណែងពីគណបក្សហ្វ៊ុនស៊ិនប៉ិច ព្រះអង្គម្ចាស់ នរោត្តម រណឫទ្ធិ បានប្រកាសជាច្រើនលើកថា ព្រះអង្គឈប់ធ្វើនយោបាយ។
កាលពីខែមិនា ឆ្នាំ២០០៧ ព្រះអង្គត្រូវតុលាការកាត់ទោសកំបាំងមុខដាក់ពន្ធនាគារ១៨ខែពីលក់ អចលនទ្រព្យគណបក្សហ្វ៊ុនស៊ិនប៉ិច ប៉ុន្តែក្រោយមកត្រូវបានព្រះមហាក្សត្រចេញព្រះរាជក្រឹត្យលើកលែងទោស ហើយនៅថ្ងៃទី២១ ខែធ្នូ ឆ្នាំ២០០៨ ព្រះអង្គត្រូវបានតែងតាំងជាប្រធានឧត្តមក្រុមប្រឹក្សាព្រះមហាក្សត្រ ដែលមានឋានៈស្មើនាយករដ្ឋមន្ត្រី។
«ទៅហើយ មកវិញ ទៅហើយ មកវិញ» ពិតជាមិនខុសនោះឡើយ។ ព្រះអង្គម្ចាស់ រណឫទ្ធិ ដែលធ្លាប់មានបន្ទូលថា ខ្លួនជាអ្នកញៀននយោបាយ បានប្រឡូកក្នុងការឈរឈ្មោះបោះឆ្នោតជាមួយគណបក្សថ្មី ដែលមានឈ្មោះថា គណបក្សជាតិនិយម ក្រោយមកប្តូរទៅជា«គណបក្ស នរោត្តម រណឫទ្ធិ» ហើយទទួលបានត្រឹមតែ២អាសនៈប៉ុណ្ណោះ។
វិបត្តិផ្ទៃក្នុងបានយាយីសារជាថ្មីសម្រាប់ជីវិតនយោបាយរបស់ទ្រង់ រណឫទ្ធិ ដែលបង្ខំឲ្យព្រះអង្គដកខ្លួនពីនយោបាយម្តងទៀតនៅឆ្នាំ២០១២ ។ ប៉ុន្តែពីរឆ្នាំក្រោយមក ពោលគឺនៅថ្ងៃទី១៦ ខែមិនា ឆ្នាំ២០១៤ ព្រះអង្គបានវិលត្រឡប់មកវិញតាមរយៈការបង្កើតបក្សថ្មីមួយទៀតដែលមាន ឈ្មោះថា គណបក្សសង្គមរាស្ត្រ រាជាធិបតេយ្យ។ ៨ឆ្នាំក្រោយពីការចាកចេញពីហ្វ៊ុនស៊ិនប៉ិច ព្រះអង្គត្រូវបានអតីតអ្នកដែលដឹកនាំការទម្លាក់ព្រះអង្គ ជាពិសេសលោក ញឹក ប៊ុនឆៃ យាងទៅដឹកនាំបក្សរាជានិយមនេះវិញ។
សាធារណជនដែលមិនមែនជាអ្នកគាំទ្រព្រះអង្គ បានលើកឡើងថា ការយាងទៅដឹកនាំហ្វ៊ុនស៊ិនប៉ិចឡើងវិញនេះ គឺធ្វើឡើងតាមការរៀបចំរបស់គណបក្សប្រជាជនកម្ពុជា ជាពិសេសលោកនាយករដ្ឋមន្ត្រី ហ៊ុន សែន ក្នុងគោលបំណងបំបែកកម្លាំងរបស់គណបក្សសង្គ្រោះជាតិរបស់លោក សម រង្ស៊ី និងលោក កឹម សុខា។ ក្នុងបទសម្ភាសមួយជាមួយវិទ្យុអាស៊ីសេរី ព្រះអង្គ រណឫទ្ធិ បានច្រាលចោលការចោទប្រកាន់នានា ដោយព្រះអង្គលើកឡើងថា សម័យនេះហើយ បើអ្វីៗស្ថិតក្រោមការរៀបចំរបស់អ្នកដទៃ វានឹងលែងមានភាពជាមនុស្សហើយ។
តាមរយៈសមាជនេះ ព្រឹកថ្ងៃចន្ទនេះផងដែរ ព្រះអង្គម្ចាស់ នរោត្តម អារុណរស្មី បានក្លាយជាអនុប្រធានទី១ និងលោក ញឹក ប៊ុនឆៃ ក្លាយជាអនុប្រធានទីពីរ៕
«ទៅហើយ មកវិញ ទៅហើយ មកវិញ...» បានក្លាយជាចម្រៀងឌឺដងនយោបាយដាក់ព្រះអង្គម្ចាស់ នរោត្តម រណឫទ្ធិ ដែលបានសម្រេចព្រះទ័យដឹកនាំគណបក្សហ្វ៊ុនស៊ិនប៉ិចឡើងវិញនា ដើមឆ្នាំ២០១៥នេះ។ ព្រះអង្គម្ចាស់ រណឫទ្ធិ ដែលទើបប្រារព្ធពិធីចម្រើនព្រះជន្ម៧១វស្សា កាលពីថ្ងៃសុក្រ ទី២ ខែមករា កន្លងមក បានក្លាយជាតួអង្គនយោបាយមួយដែលគេស្ទើរតែភ្លេចឈ្មោះ ប៉ុន្តែវត្តមានរបស់ព្រះអង្គនៅតែធ្វើឲ្យទិដ្ឋភាពនយោបាយមានការ ប្រែប្រួល។
ព្រះអង្គម្ចាស់ នរោត្តម អរុណរស្មី និងលោក ញឹក ប៊ុនឆៃ ដែលជាអគ្គលេខាធិការបក្ស បានផ្ញើលិខិតយាងព្រះអង្គម្ចាស់ រណឫទ្ធិ ទៅដឹកនាំហ្វ៊ុនស៊ិនប៉ិចវិញ ដោយតាមស្មារតីបង្រួបបង្រួមជាតិ អ្នករាជានិយម និងអ្នកសីហនុនិយម ហើយការជ្រើសតាំងផ្លូវការនឹងធ្វើឡើងតាមរយៈសមាជបក្សនាពេលខាងមុខ។ នៅថ្ងៃទី១ ខែមករា ដដែល ព្រះអង្គម្ចាស់ រណឫទ្ធិ បានឆ្លើយតបជាវិជ្ជមានទៅនឹងបុគ្គលដែលខ្លួនតែងចោទថា ជាមេបក្សប្រហារ ដែលនាំឲ្យព្រះអង្គខ្ទាតចេញពីហ្វ៊ុនស៊ិនប៉ិចចាប់តាំងពីឆ្នាំ២០០៦មក។
មិនមែនជាលើកទីមួយដែលព្រះអង្គម្ចាស់ នរោត្តម រណឫទ្ធិ ឆ្លើយទេ ប៉ុន្តែក្រោយមកឆ្លើយអូខេ។ ក្រោយការបោះឆ្នោតឆ្នាំ១៩៩៣ ព្រះអង្គបានចែករំលែកកៅអីនាយករដ្ឋមន្ត្រីជាមួយលោក ហ៊ុន សែន នៃគណបក្សប្រជាជនកម្ពុជា ខណៈពេលនោះ ហ្វ៊ុនស៊ិនប៉ិចឈ្នះ៥៨កៅអី គណបក្សប្រជាជនកម្ពុជាឈ្នះ៥១កៅអី។
នៅថ្ងៃទី៦ ខែកក្កដា ឆ្នាំ១៩៩៧ ទ្រង់រណឫទ្ធិ ត្រូវបានដកហូតពីតំណែងជានាយករដ្ឋមន្ត្រីទីមួយ ក្រោយព្រឹត្តិការណ៍ជម្លោះប្រដាប់អាវុធរវាងគណបក្សប្រជាជនកម្ពុជា និងគណបក្សហ្វ៊ុនស៊ិនប៉ិច ហើយតំណែងរបស់ព្រះអង្គត្រូវបានជំនួសដោយលោក អ៊ឹង ហួត។ ប៉ុន្តែមួយឆ្នាំក្រោយមក ព្រះអង្គបានវិលទៅដឹកនាំហ្វ៊ុនស៊ិនប៉ិចដើម្បីប្រជែងក្នុងការ បោះឆ្នោត ហើយទីបំផុតព្រះអង្គបានសុខចិត្តទទួលតំណែងជាប្រធានរដ្ឋសភា ក្រោយការចងសម្ព័ន្ធភាពជាមួយគណបក្សប្រជាជនកម្ពុជារបស់លោក ហ៊ុន សែន ដែលជាគូសត្រូវរបស់ខ្លួន។
ប្រជាប្រិយភាពរបស់គណបក្សហ្វ៊ុនស៊ិនប៉ិចបានធ្លាក់ចុះជាលំដាប់ ដោយនៅឆ្នាំ២០០៣ បក្សរាជានិយមមួយនេះ ធ្លាក់ទៅចំណាត់ថ្នាក់ទីបីដោយទទួលបានត្រឹម២៦កៅអី បន្ទាប់ពីបក្សប្រជាជនកម្ពុជា (៧៣កៅអី) និងគណបក្សសម រង្ស៊ី (២៤កៅអី)។ ទោះបីជាយ៉ាងណា ស្មារតីនៃសម្ព័ន្ធភាពជាមួយបក្សកាន់អំណាច បាននាំឲ្យព្រះអង្គរក្សាតំណែងជាប្រធានរដ្ឋសភា រហូតដល់ឆ្នាំ២០០៦ មុននឹងវិបត្តិផ្ទៃក្នុងបក្ស។
ព្រះអង្គក៏ធ្លាប់ចាប់ដៃគូជាមួយលោក សម រង្ស៊ី តទល់ជាមួយលោកនាយករដ្ឋមន្ត្រី ហ៊ុន សែន ជាច្រើនលើកផងដែរ ប៉ុន្តែវាគ្រាន់តែជាសម្ព័ន្ធភាពទឹកកកប៉ុណ្ណោះ។ ក្រោយអស់តំណែងពីគណបក្សហ្វ៊ុនស៊ិនប៉ិច ព្រះអង្គម្ចាស់ នរោត្តម រណឫទ្ធិ បានប្រកាសជាច្រើនលើកថា ព្រះអង្គឈប់ធ្វើនយោបាយ។
កាលពីខែមិនា ឆ្នាំ២០០៧ ព្រះអង្គត្រូវតុលាការកាត់ទោសកំបាំងមុខដាក់ពន្ធនាគារ១៨ខែពីលក់ អចលនទ្រព្យគណបក្សហ្វ៊ុនស៊ិនប៉ិច ប៉ុន្តែក្រោយមកត្រូវបានព្រះមហាក្សត្រចេញព្រះរាជក្រឹត្យលើកលែងទោស ហើយនៅថ្ងៃទី២១ ខែធ្នូ ឆ្នាំ២០០៨ ព្រះអង្គត្រូវបានតែងតាំងជាប្រធានឧត្តមក្រុមប្រឹក្សាព្រះមហាក្សត្រ ដែលមានឋានៈស្មើនាយករដ្ឋមន្ត្រី។
«ទៅហើយ មកវិញ ទៅហើយ មកវិញ» ពិតជាមិនខុសនោះឡើយ។ ព្រះអង្គម្ចាស់ រណឫទ្ធិ ដែលធ្លាប់មានបន្ទូលថា ខ្លួនជាអ្នកញៀននយោបាយ បានប្រឡូកក្នុងការឈរឈ្មោះបោះឆ្នោតជាមួយគណបក្សថ្មី ដែលមានឈ្មោះថា គណបក្សជាតិនិយម ក្រោយមកប្តូរទៅជា«គណបក្ស នរោត្តម រណឫទ្ធិ» ហើយទទួលបានត្រឹមតែ២អាសនៈប៉ុណ្ណោះ។
វិបត្តិផ្ទៃក្នុងបានយាយីសារជាថ្មីសម្រាប់ជីវិតនយោបាយរបស់ទ្រង់ រណឫទ្ធិ ដែលបង្ខំឲ្យព្រះអង្គដកខ្លួនពីនយោបាយម្តងទៀតនៅឆ្នាំ២០១២ ។ ប៉ុន្តែពីរឆ្នាំក្រោយមក ពោលគឺនៅថ្ងៃទី១៦ ខែមិនា ឆ្នាំ២០១៤ ព្រះអង្គបានវិលត្រឡប់មកវិញតាមរយៈការបង្កើតបក្សថ្មីមួយទៀតដែលមាន ឈ្មោះថា គណបក្សសង្គមរាស្ត្រ រាជាធិបតេយ្យ។ ៨ឆ្នាំក្រោយពីការចាកចេញពីហ្វ៊ុនស៊ិនប៉ិច ព្រះអង្គត្រូវបានអតីតអ្នកដែលដឹកនាំការទម្លាក់ព្រះអង្គ ជាពិសេសលោក ញឹក ប៊ុនឆៃ យាងទៅដឹកនាំបក្សរាជានិយមនេះវិញ។
សាធារណជនដែលមិនមែនជាអ្នកគាំទ្រព្រះអង្គ បានលើកឡើងថា ការយាងទៅដឹកនាំហ្វ៊ុនស៊ិនប៉ិចឡើងវិញនេះ គឺធ្វើឡើងតាមការរៀបចំរបស់គណបក្សប្រជាជនកម្ពុជា ជាពិសេសលោកនាយករដ្ឋមន្ត្រី ហ៊ុន សែន ក្នុងគោលបំណងបំបែកកម្លាំងរបស់គណបក្សសង្គ្រោះជាតិរបស់លោក សម រង្ស៊ី និងលោក កឹម សុខា។ ក្នុងបទសម្ភាសមួយជាមួយវិទ្យុអាស៊ីសេរី ព្រះអង្គ រណឫទ្ធិ បានច្រាលចោលការចោទប្រកាន់នានា ដោយព្រះអង្គលើកឡើងថា សម័យនេះហើយ បើអ្វីៗស្ថិតក្រោមការរៀបចំរបស់អ្នកដទៃ វានឹងលែងមានភាពជាមនុស្សហើយ។
តាមរយៈសមាជនេះ ព្រឹកថ្ងៃចន្ទនេះផងដែរ ព្រះអង្គម្ចាស់ នរោត្តម អារុណរស្មី បានក្លាយជាអនុប្រធានទី១ និងលោក ញឹក ប៊ុនឆៃ ក្លាយជាអនុប្រធានទីពីរ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ម៉ោង
