ជាតិ
សង្គមជាតិ
អត្តសញ្ញាណប័ណ្ណជាង៣លាន៥សែនសន្លឹក នឹងផ្តល់ជូនប្រជាពលរដ្ឋត្រឹមចុងឆ្នាំ២០១៦
×![]()
ដោយ: ខន ចំប៉ា
នាយកដ្ឋានអត្តសញ្ញាណប័ណ្ណសញ្ជាតិខ្មែរ នឹងផ្តល់អត្តសញ្ញាណប័ណ្ណ៣,៥៥៨,៦៣៣សន្លឹក ទៅដល់ប្រជាពលរដ្ឋនៅទូទាំងប្រទេស គិតចាប់ពីដើមឆ្នាំ២០១៥ រហូតដល់ចុងឆ្នាំ២០១៦ ។ នេះបើតាម ឃៀង សុគន្ធា ប្រធាននាយកដ្ឋានអត្តសញ្ញាណប័ណ្ណសញ្ជាតិខ្មែរ។
បើតាមប្រធាននាយកដ្ឋានអត្តសញ្ញាណប័ណ្ណសញ្ជាតិខ្មែរដដែល ៖«ការផ្តល់អត្តសញ្ញាណប័ណ្ណសញ្ជាតិខ្មែរគំរូថ្មីនេះ មាន២ដំណាក់កាល។ ដំណាក់កាលទី១ ត្រូវផ្តល់អត្តសញ្ញាណប័ណ្ណចំនួន២លាន២សែនសន្លឹកដល់ប្រជាពលរដ្ឋ និងដំណាក់ទី២ ត្រូវផ្តល់អត្តសញ្ញាណប័ណ្ណចំនួន៥លានសន្លឹក ដល់ប្រជាពលរដ្ឋ»។
លោក បន្តថា៖«នៅក្នុងដំណាក់កាលទី១ ដែលចាប់ផ្តើមពីខែមិថុនាឆ្នាំ២០១២ រហូតដល់ថ្ងៃទី១៨ខែមិនាឆ្នាំ២០១៤ នាយកដ្ឋានអត្តសញ្ញាណប័ណ្ណសញ្ជាតិខ្មែរ បានផ្តល់អត្តសញ្ញាណប័ណ្ណសញ្ជាតិខ្មែរចំនួន២លាន២សែនសន្លឹកដល់ប្រជាពលរដ្ឋសម្រេចបានតាមផែនការ ចំណែកឯនៅដំណាក់ទី២ បើគិតចាប់ពីថ្ងៃទី១៩ខែមិនា ដល់ថ្ងៃទី៣១ខែធ្នូឆ្នាំ២០១៤ នាយកដ្ឋានផ្តល់អត្តសញ្ញាណប័ណ្ណសញ្ជាតិខ្មែរបានចំនួន ១,៤៤១,៣៦៧សន្លឹក ដល់ប្រជាពលរដ្ឋ ដូច្នេះនៅសល់ចំនួន៣,៥៥៨,៦៣៣សន្លឹកទៀត នឹងត្រូវផ្តល់ជូនប្រជាពលរដ្ឋ រហូតដល់បំណាច់ឆ្នាំ២០១៦ ស្របទៅតាមផែនការរបស់អគ្គនាយកដ្ឋានអត្តសញ្ញាណកម្ម។
តាមគម្រោង អត្តសញ្ញាណប័ណ្ណសញ្ជាតិខ្មែរ ចំនួន៧លាន២សែនសន្លឹក នឹងត្រូវផ្តល់ជូនប្រជាពលរដ្ឋចាប់ពីឆ្នាំមិថុនាឆ្នាំ២០១២ រហូតដល់ចុងឆ្នាំ២០១៦ ។
ជាមួយគ្នានោះ លោក ឃៀង សុគន្ធ ក៏បានអំពាវនាវដល់ប្រជាពលរដ្ឋ ដែលគ្រប់អាយុ និងអ្នកកាន់អត្តសញ្ញាណប័ណ្ណហួសសុពលភាព ទៅធ្វើអត្តសញ្ញាណប័ណ្ណសញ្ជាតិខ្មែរឲ្យបានទាំងអស់គ្នា។ ចំណែក មន្ត្រីពាក់ព័ន្ធនៅតាមរាជធានី ខេត្ត ត្រូវបង្កើនការយកចិត្តទុកដាក់បន្ថែមទៀតក្នុង ការផ្តល់អត្តសញ្ញាណប័ណ្ណសញ្ជាតិខ្មែរគំរូថ្មីជូនប្រជាពលរដ្ឋ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
