ជាតិ
សង្គមជាតិ
សហគមន៍មានបញ្ហាដីធ្លីចំនួន៤បង្កើតសមាគមន៍ថ្មីតែបដិសេធការបែកបាក់ផ្ទៃក្នុង
× កាលពីពេលថ្មីៗនេះសហគមន៍មានបញ្ហាដីធ្លីចំនួន៤បានចងក្រងគ្នាបង្កើតសមាគមន៍ថ្មីមួយដែលមានឈ្មោះថា«សមាគមន៍ស្ត្រីបឹងកក់»។សមាគមន៍ថ្មីនេះគឺមានការចូលរួមពីសហគមន៍ចំនួន៤ចូលរួមគឺសហគមន៍៣មករាបុរីកីឡាសហគមន៍បឹងកក់សហគមន៍SOS ព្រលានយន្តហោះនិងបណ្តាញស្ត្រីអតីតអ្នកបឹងកក់។នេះបើតាមការបញ្ជាក់ពីអ្នកស្រី យ៉ោមបុប្ផាតំណាងសកម្មជនដីធ្លីតំបន់បឹងកក់។
អ្នកស្រីយ៉ោមបុប្ផាបានប្រាប់សារព័ត៌មានថ្មីៗនៅថ្ងៃនេះថា៖«សមាគមន៍ស្ត្រីបឹងកក់បង្កើតឡើងក្នុងគោលបំណងតែមួយជាមួយសមាគមន៍ដែលមានបញ្ហាដីធ្លីផ្សេងទៀតយើងបង្កើតសហគមន៍ថ្មីមួយទៀតនេះពីព្រោះតែយើងចង់ប្រើយុទ្ធសាស្ត្រផ្សេងគ្នាដើម្បីធ្វើការតវ៉ាឲ្យមានការដោះលែងសកម្មជនបឹងកក់ដែលកំពុងជាប់ឃុំឲ្យមានសេរីភាព»។
ជាមួយគ្នានោះអ្នកស្រីយ៉ោមបុប្ផាក៏បានថ្លែងបដិសេធព័ត៌មានបែកបាក់ផ្ទៃក្នុងផងដែរ។តំណាងសកម្មជនដីធ្លីតំបន់បឹងកក់រូបនេះសង្កត់ធ្ងន់ថា៖«បើពួកយើងបែកបាក់គ្នា ដរាបណាយើងធ្វើសកម្មភាពក្នុងគោលបំណងក្នុងទិសដៅផ្សេងគ្នាហើយសកម្មភាពនោះធ្វើឲ្យប៉ះពាល់ដល់កេរ្តិ៍ឈ្មោះរបស់សហគមន៍ប៉ុន្តែនៅក្នុងកាលៈទេសៈនេះពួកយើងមានគោលដៅនិងបំណងតែមួយគឺទាមទារឲ្យមានការដោះលែងសកម្មជនបឹងកក់ដែលកំពុងជាប់ឃុំឲ្យមានសេរីភាពដូចគ្នាគ្រាន់តែប្រើយុទ្ធសាស្ត្រផ្សេងគ្នាតែប៉ុណ្ណោះ»។
សមាគមន៍ស្ត្រីបឹងកក់ថ្មីនេះដឹកនាំដោយអ្នកស្រីយ៉ោមបុប្ផាតំណាងសកម្មជនដីធ្លីតំបន់បឹងកក់អ្នកស្រីសៀណារ៉េតតំណាងបណ្តាយស្ត្រីអតីតអ្នកបឹងកក់អ្នកស្រីជុំង៉ាន់តំណាងសហគមន៍៣មករាបុរីកីឡានិងអ្នកច្រាយនីមតំណាងសហគមន៍SOSប្រលានយន្តហោះ។
សូមរម្លឹកដែរថាទន្លឹមនឹងសកម្មភាពតវ៉ាទាមទារឲ្យមានការដោះលែងសកម្មជនបឹងកក់ដែលកំពុងជាប់ឃុំឲ្យមានសេរីភាពសមាគមន៍ថ្មីដែលដឹកនាំដោយស្ត្រីទាំង៤រូបខាងលើបានជួបជុំគ្នាធ្វើការតវ៉ាទាមទារ សម្តែងមតិនិងចែកបូរពណ៌លឿងដល់អ្នកដំណើរនិងសាធារណៈជនរយៈពេល១ខែនៅទីលានប្រជាធិបតេយ្យខណៈដែលអ្នកមានបញ្ហាដីធ្លីផ្សេងទៀតដែលដឹកនាំដោយអ្នកស្រីបូវសោភានិងលោកចាន់ពុទ្ធិស័ក្ខអ្នកស្រីសស៊ននិងអ្នកស្រីគីមហ៊នជាដើមបានដាក់ញត្តិទៅកាន់ស្ថានទូតនានានៅភ្នំពេញនិងមានគម្រោងសរសេរញត្តិមួយទៅកាន់លោកសុរិយ៉ាស៊ូប៊ែឌីដើម្បីឲ្យទៅចូលរួមតាមដានសវនានៅសាលាឧទ្ធរណ៍របស់ស្ត្រីបឹងកក់នៅថ្ងៃទី២២ ខែមករាខាងមុខ៕
© រក្សាសិទ្ធិដោយ thmeythmey.com