រាជរដ្ឋាភិបាលបានដកហូតដីសម្បទានសេដ្ឋកិច្ចពីក្រុមហ៊ុនចំនួន៧១

ជាតិ

សង្គមជាតិ

រាជរដ្ឋាភិបាលបានដកហូតដីសម្បទានសេដ្ឋកិច្ចពីក្រុមហ៊ុនចំនួន៧១

21, Jan 2015 , 8:15 pm

រូបភាព

លោក អ៊ាង សុផល្លែត រដ្ឋលេខាធិការក្រសួងកសិកម្ម

ដោយ: ខន ចំប៉ា

រដ្ឋាភិបាលកម្ពុជាបាននិរាករណ៍គម្រោងវិនិយោគដីសម្បទានសេដ្ឋកិច្ចពីក្រុមហ៊ុនចំនួន៧១និងធ្វើការកែសម្រួលផ្ទៃដីរបស់ក្រុមហ៊ុនចំនួន៤ដែលមានផ្ទៃដីប្រមាណ៦៥៧ពាន់ហិចតាចាប់ពីអណត្តិទី៤រហូតមកដល់អណត្តិទី៥នេះ។នេះបើតាមការថ្លែងអះអាងរបស់លោកអ៊ាងសុផល្លែតរដ្ឋលេខាធិការក្រសួងកសិកម្មរុក្ខាប្រមាញ់និងនេសាទនៅក្នុងសន្និសីទកាសែត នៅក្រសួងកសិកម្មរុក្ខាប្រមាញ់និងនេសាទនៅថ្ងៃនេះ។

បើតាមលោកអ៊ាងសុផល្លែតក្នុងចំណោមក្រុមហ៊ុនទាំង៧១នោះមាន៦៥ក្រុមហ៊ុនក្នុងផ្ទៃដីប្រមាណ៥១៣ពាន់ហិចតាត្រូវបាននិរាករណ៍បានធ្វើឡើងនៅក្នុងអណត្តិទី៤ការកែសម្រួលផ្ទៃដីក្រុមហ៊ុនចំនួន៤និងនិរាករណ៍ក្រុមហ៊ុនចំនួន៨ដែលមានផ្ទៃដីប្រមាណ១៤៣,៣៨០ហិចតាត្រូវបាននិរាករណ៍នៅក្នុងអណត្តិទី៥នេះ។

ដោយឡែកតាមរយៈរបាយការណ៍រប់សគណៈកម្មការអន្តរក្រសួងដើម្បីត្រួតពិនិត្យវាស់វែងនិងវាយតម្លៃសម្បទានដីសេដ្ឋកិច្ចចុះថ្ងៃទី៨ខែមករាឆ្នាំ២០១៥រាជរដ្ឋាភិបាលក្រសួងបានសម្រេចនិរាករណ៍គម្រោងវិនិយោគសម្បទានដីសេដ្ឋកិច្ចរបស់ក្រុមហ៊ុនចំនួន៣និងកែសម្រួលផ្ទៃដីគម្រោងវិនិយោគសម្បទានដីសេដ្ឋកិច្ចរបស់ក្រុមហ៊ុនចំនួន៤ក្នុងចំណោម១២ក្រុមហ៊ុនដែលមានផ្ទៃដីប្រមាណ១៧,៨៧៣៩ហិចតាដែលមានសម្បទានដីសេដ្ឋកិច្ចនៅក្នុងខេត្តស្ទឹងត្រែង។

ការសម្រេចនិរាករណ៍និងកែសម្រួលផ្ទៃដីទាំង៧ក្រុមហ៊ុននេះគឺដោយសារតែក្រុមហ៊ុនមិនបានគោរពតាមកិច្ចសន្យារបស់ខ្លួនក្រុមហ៊ុនមិនបានអនុវត្តន៍តាមច្បាប់ភូមិបាលនិងច្បាប់ស្តីពីព្រៃឈើជាដើម៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

2 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

3 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

4 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

5 ថ្ងៃ

«នាំអាត» និង«នាំអាទិ៍»មួយណាត្រឹមត្រូវ?

1 សប្តាហ៍

អត្ថបទពេញនិយមបន្ថែម