ជាតិ
នយោបាយជាតិ
លោក Daniel Russel ជំនួយការរដ្ឋមន្ត្រីការបរទេសសហរដ្ឋអាមេរិកប្រចាំតំបន់អាស៊ីខាងកើត និងអាស៊ីប៉ាស៊ីហ្វិក
×![]()
ជំនួយការនៃរដ្ឋមន្ត្រីការបរទេសអាមេរិកលោក ដានីល រ៉ាសែល (Daniel Russel) បានប្រកាសបង្ហាញជំហររបស់រដ្ឋាភិបាលទីក្រុងវ៉ាស៊ីនតោន ក្នុងការបន្តធ្វើការងារជាមួយគ្រប់ភាគីនៅកម្ពុជាក្នុងបុព្វហេតុនៃកំណែទម្រង់ ដើម្បីកំណើនសេដ្ឋកិច្ចរបស់ប្រទេសកំពុងអភិវឌ្ឍមួយនេះ។ មន្ត្រីការទូតរបស់អាមេរិក ថ្លែងយ៉ាងនេះនៅក្នុងសន្និសីទកាសែតមួយនៅល្ងាចថ្ងៃទី២៧មករា ដែលត្រូវបានរៀបចំនៅក្នុងស្ថានទូតអាមេរិក។
គោលដៅនៃទស្សនកិច្ចរបស់ជំនួយការររបស់ប្រមុខការទូតអាមេរិក លោក ដានីល រ៉ាសែល (Daniel Russel) គឺការពង្រឹងសហប្រតិបត្តិការជាមួយកម្ពុជាក្នុងក្របខណ្ឌទ្វេភាគីផង និងក្នុងក្របខណ្ឌអាស៊ានជារួមផង។ របៀបវារៈសេដ្ឋកិច្ចបានជាក្លាយជាប្រធានបទសំខាន់មួយដែរ ដែលមន្ត្រីការទូតអាមេរិកបានលើកឡើងជាមួយមន្ត្រីរដ្ឋាភិបាលកម្ពុជា។ នៅក្នុងសន្និសីទកាសែត លោក Daniel Russel បានអធិប្បាយថា អនាគតដ៏រុងរឿងរបស់កម្ពុជា អាស្រ័យលើកត្តាសំខាន់ៗមួយចំនួនដែលជាហេដ្ឋារចនាសម្ព័ន្ធរឹងមាំនៃស្ថាប័នរដ្ឋរបស់ប្រទេសនេះ។ លោក Russel បាននិយាយផ្តោតសំខាន់ទៅលើកត្តាអភិបាលកិច្ច និងឱកាសអប់រំចំពោះយុវជន។
លោកមន្ត្រីទូតនៃក្រសួងការបរទេសអាមេរិកបានថ្លែងយ៉ាងដូច្នេះថា៖«វិនិយោគិនបរទេសនឹងជ្រើសរើសប្រទេសកម្ពុជា ប្រសិនបើតុលាការ ហេដ្ឋារចនាសម្ព័ន្ធប្រព័ន្ធច្បាប់ត្រូវបានជឿជាក់។ វិនិយោគិនត្រូវការជឿជាក់ថា កិច្ចសន្យាវិនិយោគត្រូវបានអនុវត្ត នីតិរដ្ឋត្រូវបានលើកតម្កើង និងអំពើពុករលួយត្រូវហាមឃាត់»។ លោក Daniel Russel បន្តថា៖«ភាគច្រើននៃពលរដ្ឋកម្ពុជាមានអាយុក្រោម៣០ឆ្នាំ។ តួលេខនេះនឹងក្លាយទៅជាកាលានុវត្តភាពមួយ ដរាបណាពលរដ្ឋវ័យក្មេងអាចមានឱកាសទទួលបានការអប់រំ»។
ទាក់ទងនឹងការពង្រីកសហប្រតិបត្តិការសេដ្ឋកិច្ចដដែល លោកជំនួយការប្រមុខការទូតអាមេរិកបានរម្លឹកឡើងវិញអំពីជំហរអាមេរិកដែលព្យាយាមធ្វើការជាមួយផ្នែកវិស័យឯកជន និងរដ្ឋាភិបាលរបស់កម្ពុជា តាមរយៈលោកឯកអគ្គរដ្ឋទូតអាមេរិក វីល្លាម ថត់ (William E. Todd)។ «វាមានសារៈសំខាន់ដែលវិនិយោគិនខ្មែរ និងបរទេសមានទំនុកចិត្តលើប្រព័ន្ធតុលាការ និងការអនុវត្តច្បាប់ស្មើសិទ្ធិគ្នានៅកម្ពុជា។ ទាំងនេះគឺជាលក្ខខណ្ឌស្នូលនៃកំណើនសេដ្ឋកិច្ច»។ នេះជាអនុសាសន៍របស់លោក Daniel Russel ដោយបានបញ្ជាក់បន្ថែមថា យុទ្ធសាស្ត្ររបស់សហរដ្ឋអាមេរិកនៅក្នុងតំបន់ត្រូវធ្វើឡើងលើមូលដ្ឋាននៃចំណងទាក់ទងទ្វេភាគី និងការគាំទ្ររបស់អាមេរិកទៅលើអាស៊ាន៕
គោលដៅនៃទស្សនកិច្ចរបស់ជំនួយការររបស់ប្រមុខការទូតអាមេរិក លោក ដានីល រ៉ាសែល (Daniel Russel) គឺការពង្រឹងសហប្រតិបត្តិការជាមួយកម្ពុជាក្នុងក្របខណ្ឌទ្វេភាគីផង និងក្នុងក្របខណ្ឌអាស៊ានជារួមផង។ របៀបវារៈសេដ្ឋកិច្ចបានជាក្លាយជាប្រធានបទសំខាន់មួយដែរ ដែលមន្ត្រីការទូតអាមេរិកបានលើកឡើងជាមួយមន្ត្រីរដ្ឋាភិបាលកម្ពុជា។ នៅក្នុងសន្និសីទកាសែត លោក Daniel Russel បានអធិប្បាយថា អនាគតដ៏រុងរឿងរបស់កម្ពុជា អាស្រ័យលើកត្តាសំខាន់ៗមួយចំនួនដែលជាហេដ្ឋារចនាសម្ព័ន្ធរឹងមាំនៃស្ថាប័នរដ្ឋរបស់ប្រទេសនេះ។ លោក Russel បាននិយាយផ្តោតសំខាន់ទៅលើកត្តាអភិបាលកិច្ច និងឱកាសអប់រំចំពោះយុវជន។
លោកមន្ត្រីទូតនៃក្រសួងការបរទេសអាមេរិកបានថ្លែងយ៉ាងដូច្នេះថា៖«វិនិយោគិនបរទេសនឹងជ្រើសរើសប្រទេសកម្ពុជា ប្រសិនបើតុលាការ ហេដ្ឋារចនាសម្ព័ន្ធប្រព័ន្ធច្បាប់ត្រូវបានជឿជាក់។ វិនិយោគិនត្រូវការជឿជាក់ថា កិច្ចសន្យាវិនិយោគត្រូវបានអនុវត្ត នីតិរដ្ឋត្រូវបានលើកតម្កើង និងអំពើពុករលួយត្រូវហាមឃាត់»។ លោក Daniel Russel បន្តថា៖«ភាគច្រើននៃពលរដ្ឋកម្ពុជាមានអាយុក្រោម៣០ឆ្នាំ។ តួលេខនេះនឹងក្លាយទៅជាកាលានុវត្តភាពមួយ ដរាបណាពលរដ្ឋវ័យក្មេងអាចមានឱកាសទទួលបានការអប់រំ»។
ទាក់ទងនឹងការពង្រីកសហប្រតិបត្តិការសេដ្ឋកិច្ចដដែល លោកជំនួយការប្រមុខការទូតអាមេរិកបានរម្លឹកឡើងវិញអំពីជំហរអាមេរិកដែលព្យាយាមធ្វើការជាមួយផ្នែកវិស័យឯកជន និងរដ្ឋាភិបាលរបស់កម្ពុជា តាមរយៈលោកឯកអគ្គរដ្ឋទូតអាមេរិក វីល្លាម ថត់ (William E. Todd)។ «វាមានសារៈសំខាន់ដែលវិនិយោគិនខ្មែរ និងបរទេសមានទំនុកចិត្តលើប្រព័ន្ធតុលាការ និងការអនុវត្តច្បាប់ស្មើសិទ្ធិគ្នានៅកម្ពុជា។ ទាំងនេះគឺជាលក្ខខណ្ឌស្នូលនៃកំណើនសេដ្ឋកិច្ច»។ នេះជាអនុសាសន៍របស់លោក Daniel Russel ដោយបានបញ្ជាក់បន្ថែមថា យុទ្ធសាស្ត្ររបស់សហរដ្ឋអាមេរិកនៅក្នុងតំបន់ត្រូវធ្វើឡើងលើមូលដ្ឋាននៃចំណងទាក់ទងទ្វេភាគី និងការគាំទ្ររបស់អាមេរិកទៅលើអាស៊ាន៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 2 ថ្ងៃ
