ជាតិ
Shanta Mani នៅសៀមរាបជាប់លេខបីក្នុងចំណោមសណ្ឋាគារល្អបំផុតលើលោក
× គេហទំព័រ TripAdvisorដ៏ល្បីល្បាញ បានប្រកាសលទ្ធផលសណ្ឋាគារល្អជាងគេបំផុត ប្រចាំឆ្នាំ ២០១៥ទាំង ២៥ ដែលលទ្ធផលនៃការសាកសួរពីជម្រើសរបស់អ្នកដំណើរ មកពីជុំវិញពិភពលោក។ ក្នុងចំណោមសណ្ឋាគារល្អជាងគេបំផុត ប្រចាំឆ្នាំ ២០១៥ទាំង ២៥ នោះសណ្ឋាគារShinta Mani Club Siem Reap នៅក្នុងទីក្រុងសៀមរាប ប្រទេសកម្ពុជា ទទួលបានចំណាត់ថ្នាក់ទី ។
ជ័យលាភីសណ្ឋាគារល្អជាងគេបំផុត ប្រចាំឆ្នាំ ២០១៥ទាំង ២៥ នោះ គឺចំណាត់ទីមួយ បានទៅលើ បឹងហ្គាឡូប្រណីតGiliLankanfushiក្នុងប្រទេស Maldives ខណៈពេលដែល សណ្ឋាគារ Nayara Hotel, Spa & Gardens ក្នុងប្រទេស កូស្ដារីកា ទទួលបានចំណាត់ថ្នាក់ទី២ នោះ។
សូមបញ្ជាក់ថា លទ្ធផលនៃការផ្ដល់ចំណាត់ថ្នាក់នេះ ត្រូវបានគេហទំព័រ TripAdvisor ធ្វើការសាកសួរទៅលើអ្នកដំណើរមកពីជុំវិញពិភពលោក ដែលបានចូលមើលគេហទំព័ររបស់ខ្លួន។ ពិន្ទុដែលត្រូវផ្ដល់ឲ្យទៅសណ្ឋាគារទាំងនោះ គឺមានដូចជា ការបម្រើសេវាកម្មជាពិសេសៗ និងគួរជាទីគាប់ចិត្តផ្សេងៗ ដែលធ្វើឲ្យភ្ញៀវទេសចរ មានអនុស្សាវរីយមិនអាចបំភ្លេចបាន ក្នុងអំឡុងពេលនៃវិស្សមកាលរបស់ពួកគេ៕
© រក្សាសិទ្ធិដោយ thmeythmey.com