ជាតិ
សុខភាព
គួរសំអាតធ្មេញ របស់កុមារយ៉ាងដូចម្តេច?
× នៅពេលដែលធ្មេញ របស់កុមារចាប់ផ្តើមដុះមកដំបូង អ្នកគួរតែចាប់ផ្តើម ជ្រើសរើសច្រាស់ដុសធ្មេញមួយ សម្រាប់ពួកគេ ។ អ្នកគួរជ្រើសរើសច្រាស់ដុសធ្មេញ ជាមួយនឹង ៖
• ជក់ទន់
• ក្បាលតូច
• ដងកាន់មានទំហំធំ។
ចំពោះកុមារដែលទើបចាប់ផ្តើមដុះដំបូង អ្នកគ្រាន់តែផ្សើមច្រាស់ដុសធ្មេញជាមួយនឹងទឹកប៉ុណ្ណោះ។ ប៉ុន្តែ ចំពោះកុមា ដែលនៅជុំវិញអាយុ ១ ឆ្នាំ អ្នកអាចចាប់ផ្តើម ដោយប្រើថ្នាំដុសធ្មេញបន្តិច ហើយគ្មានជាតិអំបិល ។ រង់ចាំរហូតដល់កូនរបស់អ្នក មានអាយុយ៉ាងហោចណាស់ ២ ឆ្នាំចាស់ ចាំអ្នកអនុញ្ញាតឱ្យពួកគេប្រើ ថ្នាំដុសធ្មេញ ដែលមានជាតិអំបិល។ ដុសដោយថ្នមៗ នៅជុំវិញធ្មេញ របស់កូនរបស់អ្នក ពីខាងមុខរហូតដល់ក្រោយ ។
អ្នកគួរតែដុសធ្មេញឱ្យកូនរបស់អ្នក រហូតដល់ពេលដែលពួកគេ មានអាយុ គ្រប់គ្រាន់ ដើម្បីកាន់ដុសដោយខ្លួនឯង ហើយបន្តទៅរហូតដល់ពួកគេ អាចលាងសម្អាតមាត់ដោយខ្លួនឯង។ ដែលជាធម្មតា គឺនៅពេលដែលពួកគេមានអាយុបាន ៦ ឆ្នាំ។
ត្រូវរង់ចាំឃ្លាំមើលធ្មេញរបស់កុមារ ក្រែងមានស្នាមពណ៌ត្នោត ឬពណ៌ស ឬ រណ្តៅនៅលើធ្មេញ ឬក៏សញ្ញានៃភាពអន់ថយរបស់ធ្មេញ។ ប្រសិនបើ អ្នក ឬគ្រូពេទ្យកុមារ បានកត់សម្គាល់ថា មានបញ្ហាណាមួយលើធ្មេញកូនរបស់អ្នក អ្នកត្រូវប្រញាប់ នាំកូនរបស់អ្នកទៅពេទ្យធ្មេញកុមារជាបន្ទាន់។
ហើយបើទោះបីជា មិនមានបញ្ហាណាមួយក៏ដោយ អ្នកគួរតែនាំកូនរបស់អ្នកទៅជួបជាមួយពេទ្យធ្មេញកុមារ នៅពេលពួកគេអាយុបាន ១ ឆ្នាំ។ ពេទ្យធ្មេញ អាចផ្ដល់ឱ្យអ្នកនូវ ដំបូន្មានអំពី ៖
• ការថែរក្សាធ្មេញរបស់កុមារ
• ការសម្អាតធ្មេញរបស់កុមារ
• ពេលណាអ្នកគួរប្រើ ថ្នាំដុសធ្មេញដែលមានជាតិអំបិល?
• តើគួរកាន់ដងច្រាស់ដុសធ្មេញ ដោយរបៀបណា? - sreyneang
© រក្សាសិទ្ធិដោយ thmeythmey.com