ជាតិ
សង្គមជាតិ
ក្រសួងសុខាភិបាលព្រមានចាត់វិធានការ ចំពោះគ្រូពេទ្យមិនគោរពក្រមសីលធម៌វិជ្ជាជីវៈ
×![]()
ដោយ: ថ្មីៗ
រដ្ឋលេខាធិការក្រសួងសុខាភិបាល លោក ធា គ្រុយ ក្រើនរម្លឹកដល់គ្រូពេទ្យទាំងអស់ត្រូវតែពង្រឹងជំនាញសុខាភិបាល ប្រកបដោយក្រមសីលធម៌វិជ្ជាជីវៈ ក្នុងការព្យាបាលអ្នកជំងឺ ដើម្បីលើកកម្ពស់វិស័យសុខាភិបាល ។ ជាមួយគ្នានេះ លោកក៏ព្រមានថា នឹងដាក់វិន័យទៅកាន់គ្រូពេទ្យ ដោយផ្អាកការងារពួកគេមួយរយៈផងដែរ ក្នុងករណីចាំបាច់ បើសិនជាគ្រូពេទ្យទាំងនោះ នៅតែធ្វេសប្រហែស និងនៅតែបន្ដការខ្ជីខ្ជា ខុសក្រមសីលធម៌វិជ្ជាជីវៈរបស់ខ្លួន។
ថ្លែងនៅក្នុងសិក្ខាសាលា ស្ដីពីការផ្សព្វផ្សាយមគ្គទេសព្យាបាលជំងឺទូទៅ និងជំងឺកុមារ នៅព្រឹកថ្ងៃទី០៤ខែកុម្ភៈនេះ នៅសណ្ឋាគារភ្នំពេញ លោក ធា គ្រុយ បានបន្ថែមថា គ្រូពេទ្យត្រូវតែអនុវត្តការងារឲ្យបានច្បាស់លាស់ ដោយពឹងផ្អែកលើជំនាញ សុខាភិបាល ក្នុងស្មារតីគោរព ក្រមសីលធម៌វិជ្ជាជីវៈ ដើម្បីទប់ស្កាត់គ្រោះថ្នាក់ចំពោះអ្នកជំងឺ ។ លោកថា គ្រូពេទ្យត្រូវគោរពពេលវេលាក្នុងការងារឲ្យបានត្រឹមត្រូវ ព្រោះទាំងនេះគឺជាតម្រូវការចាំបាច់ ក្នុងការផ្ដល់សេវាសុខាភិបាលសម្រាប់អ្នកជំងឺ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
