ជាតិ
សង្គមជាតិ
×![]()
ដោយ: ខន ចំប៉ា
សហភាពសហព័ន្ធយុវជនកម្ពុជាគ្រោងរៀបចំពិធីរៃអង្គាសថវិកាសប្បុរសធម៌រយៈពេល៣ក្នុងសប្តាហ៍ក្រោយនេះ ដើម្បីប្រមូលមូលនិធិទាំងនោះជួយកុមារកំព្រាកុមារផ្ទុកមេរោគអេដស៍ ពិការ និងគថ្លង់។ សកម្មភាពរៃអង្គាសជំនួយសប្បុរសធម៌ នឹងត្រូវធ្វើឡើងក្រោមប្រធានបទ«មូលនិធិក្តីស្រឡាញ់» ពីថ្ងៃទី១១ ដល់ថ្ងៃទី១៣ខែកុម្ភៈ មុននឹងប្រមូលជំនួយទាំងនោះទៅចែកជូនកុមារទុរគត នៅថ្ងៃទី១៤កុម្ភៈ ដែលត្រូវបានស្គាល់ថា ជាទិវានៃក្តីស្រឡាញ់។
យោងតាមសេចក្តីជូនដំណឹងរបស់សហភាពសហព័ន្ធយុវជនកម្ពុជា ជំនួយសប្បុរសធម៌ដែលត្រូវបានប្រមូលបានក្នុងរយៈពេល៣ថ្ងៃនោះ នឹងត្រូវចែកជូនកុមារកំព្រាកុមារផ្ទុកមេរោគអេដស៍ ពិការ និងគថ្លង់ចំនួន៣៥០នាក់ ដែលកំពុងស្នាក់នៅមណ្ឌលកុមារកំព្រាកៀនឃ្លាំង មណ្ឌលកុមារកំព្រាជ្រោយចង្វារ និងមណ្ឌលកុមារកំព្រាកូលាប៤ ក្នុងរាជធានីភ្នំពេញ។
សេចក្តីជូនដំណឹងរបស់សហភាពសហព័ន្ធយុវជនកម្ពុជា ដែលត្រូវចាត់ទុកថា ជាការអំពាវនាវផងនោះ បានសរសេរថា «សកម្មភាពរៃអង្គាសនេះនឹងត្រូវធ្វើឡើងនៅតាមសាកលវិទ្យាល័យវិទ្យាល័យគ្រឹះស្ថានឧត្តមសិក្សានិងគ្រឹះស្ថានបណ្តុះបណ្តាលវិជ្ជាជីវៈមួយចំនួននៅរាជធានីភ្នំពេញ»។
យោងតាមសេចក្តីជូនដំណឹងដដែល គំនិតផ្តួចផ្តើមរៃអង្គាសមូលនិធិនេះ មានគោលបំណងជួយទ្រទ្រង់ មណ្ឌលកុមារកំព្រាទាំងបីលើដែលកំពុងជួបប្រទះការខ្វះខាត និងដើម្បីលើកទឹកចិត្តកុមារកំព្រាទាំងនោះព្រមទាំងផ្សព្វផ្សាយឲ្យយុវជនឲ្យចាត់ទុកថ្ងៃនៃក្តីស្រឡាញ់ជាថ្ងៃចងចាំពីក្តីស្រឡាញ់ ទឹកចិត្តសប្បុរសធម៌ចំពោះកុមារនិងដឹងគុណចំពោះអ្នកមានគុណ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
