អន្តរជាតិ
នយោបាយអន្តរជាតិ
×![]()
ប៉ូលីសហុងកុងបានបាចម្រេចទៅលើក្រុមបាតុករជាងមួយរយនាក់ដែលធ្វើបានការប្រមូលផ្តុំនៅក្នុងខេត្តទនម៉ុន (Tuen Mun) ប្រឆាំងទៅនឹងការហូរចូលអ្នកក្រុមអ្នកទស្សនានិងពាណិជ្ជករមកពីចិនដីគោកដែលក្រុមបាតុករបានចាត់ទុកបានឈ្លានពានក្នុងមុខរបរជំនួញរបស់ពួកគេ។
កាលពីពេលថ្មីៗនេះប៉ូលីសហុងកុងបានចេញយុទ្ធសាស្ត្រថ្មីរបស់ខ្លួនដើម្បីបង្ក្រាបក្រុមបាតុករជាងមួយរយនាក់ដែលបានប្រមូលផ្តុំគ្នាប្រឆាំងទៅនឹងកំណើនការហូរចូលនៃក្រុមពាណិជ្ជករចិនដីគោក នៅក្នុងខេត្តទនម៉ុន (Tuen Mun) ដែលជាទឹកដីថ្មីដែលនៅជាព្រំប្រទល់នឹងចិនដីគោក។
យ៉ាងហោចណាស់មានក្រុមបាតុករប្រមាណជាងមួយរយនាក់បានប្រមូលផ្តុំគ្នាដើម្បីប្រឆាំងទៅនឹងការហូរចូលនៃ ក្រុមពាណិជ្ជករចិនដីគោក ដែលបានចូលមកតំបន់នេះដែលមានយ៉ាងហោចណាស់ ជាងមួយម៉ឺននាក់ក្នុងរយៈពេលបីម៉ោងនៅក្នុងខេត្ត ទន ម៉ុន ដើម្បីជាវនូវទំនិញដែលមានតម្លៃថោក និងគុណភាពល្អ ហើយបានធ្វើអោយមានការកកស្ទះ និងធ្វើអោយក្រុមអាជីវករក្នុងស្រុកខាតបង់ដោយសារមិនអាចប្រកួតប្រជែងជាមួយគេបាន។
ទោះបីយ៉ាងណាក៏ដោយ ហ្វូងនៃក្រុមបាតុករត្រូវបានបំបែក ដោយសារប៉ូលីសដែលបានប្រើម្រេច ហើយបាញ់ទៅលើក្រុមបាតុករទាំងនោះ។
គួរបញ្ជាក់ផងដែរ ទនម៉ុន គឺជាខេត្តមួយដែលអាជ្ញាធរនៅទីនោះមានស្វ័យភាពគ្រប់គ្រងពាក់កណ្តាលលើបញ្ហានៅក្នុងតំបន់នោះ។ មួយវិញទៀត អាជ្ញាធរ ក៏ធ្លាប់បានរឹតបន្តឹងចំនួននៃអ្នកចូលមកទស្សនានៅក្នុងតំបន់នេះតែដោយសារមេដឹកនាំនៅក្នុងទីក្រុងហុងកុងបានបើកទូលាយនូវការធ្វើដំណើរទៅកាន់តំបន់នេះឡើងវិញ ទើបធ្វើអោយមានការប្រឈមមុខរវាងប្រជាជននៅក្នុងតំបន់ និងប្រជាជនមកពីចិនដីគោក៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
