ជាតិ
បទសម្ភាសន៍
សេដ្ឋកិច្ច
×![]()
ទន្ទឹមនឹងការអំពាវនាវដល់ពលរដ្ឋឲ្យប្រុងប្រយ័ត្នចំពោះស្ថាប័នផ្តល់ប្រាក់ខ្ចីខ្លះដែលអាចជាស្ថាប័នមិនស្របច្បាប់ លោកនាយករដ្ឋមន្ត្រី ហ៊ុន សែន ក៏បានអំពាវនាវដល់មីក្រូហិរញ្ញវត្ថុទូទៅបញ្ចុះតម្លៃការប្រាក់ និងវាយតម្លៃឲ្យបានច្បាស់លាស់អំពីគោលដៅនៃប្រើប្រាស់ប្រាក់កម្ចី ដើម្បីទប់ស្កាត់ពួកគេមិនអាចធ្លាក់ក្នុងភាពក្រីក្រកាន់តែខ្លាំង។ លោក ប៊ុន មុនី ប្រធានសមាគមមីក្រូហិរញ្ញវត្ថុកម្ពុជា និងជាប្រធានអគ្គនាយកគ្រឹះស្ថានមីក្រូហិរញ្ញវត្ថុស្ថាបនាលីមីតធីត បានផ្តល់បទសម្ភាសន៍ដល់លោក លាង ដឺលុច និពន្ធនាយកសារព័ត៌មានថ្មីៗ ដើម្បីពន្យល់អំពីស្ថានភាពមីក្រូហិរញ្ញវត្ថុនៅកម្ពុជា។
លោក លាង ដឺលុច៖ លោកនាយករដ្ឋមន្ត្រី ហ៊ុន សែន បានសំដែងការព្រួយបារម្ភខ្លាចថាស្ថាប័នមីក្រូហិរញ្ញវត្ថុក្លាយជាទីកន្លែងបញ្ចាំទ្រព្យសម្បត្តិរបស់ពលរដ្ឋដែលខ្ចីលុយពីស្ថាប័នទាំងនោះ។ ការណ៍នេះ បើតាមលោក ហ៊ុន សែន គឺអាចនាំឲ្យពលរដ្ឋកាន់តែក្រីក្រទៅវិញ។ លោក ប៊ុន មុនី តើលោកយល់យ៉ាងណាដែរចំពោះការព្រួយបារម្ភរបស់នាយករដ្ឋមន្ត្រី?
លោក ប៊ុន មុនី៖ ភារកិច្ច និងគោលដៅរបស់ស្ថាប័នមីក្រូហិរញ្ញវត្ថុរបស់យើង គឺជួយរំដោះពលរដ្ឋឲ្យចេញពីភាពក្រីក្រ។ អាចនិយាយបានម្យ៉ាងទៀតថា លុះត្រាតែពលរដ្ឋក្រីក្រ ទទួលបានជោគជ័យ ទើបស្ថាប័នមីក្រូហិរញ្ញវត្ថុយើង ជោគជ័យដែរ។ ខ្ញុំអាចយល់បានពីការព្រួយបារម្ភរបស់សម្តេចនាយករដ្ឋមន្ត្រី ដោយសារកន្លងមក មានអ្នករកស៊ីដែលជ្រកក្រោមស្លាក អង្គការក្រៅរដ្ឋាភិបាល ឬស្ថាប័នឯកជនមួយចំនួនតូចដែលយើងហៅថា ជាស្ថាប័នមីក្រូហិរញ្ញវត្ថុមិនរៀបរយ។ តាមពិតស្ថាប័នមីក្រូហិរញ្ញវត្ថុដែលរៀបរយចំនួន៣៩ស្ថាប័នដែលស្ថិតនៅក្រោមការត្រួតពិនិត្យរបស់ធនាគារជាតិ បានបំពេញការងារល្អណាស់ ហើយទទួលបានជោគជ័យខ្លាំងជាមួយអតិថិជនរហូតដល់ជនបទ។ បានន័យថា អតិថិជនរបស់យើងបានប្រើប្រាស់ប្រាក់កម្ចីដោយជោគជ័យ ហើយសងត្រឡប់មកវិញបានត្រឹមត្រូវ និងទាន់ពេលវេលា។
លោក លាង ដឺលុច៖ ដូច្នេះបើតាមប្រសាសន៍របស់លោក គឺស្ថាប័នមិនរៀបរយឯណោះទេ ដែលអាចបង្កបញ្ហាដល់ពលរដ្ឋអ្នកខ្ចីលុយ។ ក្រុមនោះមានច្រើនប៉ុណ្ណា?
លោក ប៊ុន មុនី៖ ក្រុមការងាររបស់យើងបានស៊ើបអង្កេតលើបញ្ហានេះ ហើយរកឃើញថា ក្រុមស្ថាប័នមិនរៀបរយនេះ មានជាង៣០០ស្ថាប័ន ហើយពួកគេផ្តល់លុយកម្ចីទៅតាមធនធានរបស់ពួកគេ។
លោក លាង ដឺលុច៖ ចុះស្ថាប័នមីក្រូហិរញ្ញវត្ថុដែលរៀបរយ បានធ្វើអ្វីខ្លះដើម្បីទទួលបានជោគជ័យ ទាំងស្ថាប័ន និងអតិថិជនរបស់ពួកគេ ?
លោក ប៊ុន មុនី៖ យើងមានគោលការណ៍សំខាន់ចំនួន៧ ដែលត្រូវអនុវត្តជាមួយអតិថិនជន និងដើម្បីជាប្រយោជន៍ដល់អតិថិជន។ វាជាគោលការណ៍បែបអន្តរជាតិ ដែលយើងត្រូវអនុវត្ត ដើម្បីយើងអាចសហការជាមួយស្ថាប័នហិរញ្ញវត្ថុអន្តរជាតិបានដែរ។ ខ្ញុំអាចរៀបរាប់ត្រួសៗបាន៖ ទី១ គឺការបង្កើតផលិតផលទៅតាមតម្រូវការរបស់អតិថិជន ទី២ ផ្តល់ទុនដោយមិនរើសអើងជាតិសាសន៍ និងនិន្នាការនយោបាយ ទី៣ស្ថាប័នមីក្រូហិរញ្ញវត្ថុត្រូវតែមានតម្លាភាពចំពោះអតិថិជន ទី៤ គឺការគោរសិទ្ធិអតិថិជន ទី៥ គឺការធានាភាពជាឯកជនរបស់អតិថិជន ទី៦ ការទទួលខុសត្រូវរបស់ស្ថាប័ន និងទី៧ គឺយន្តការប្តឹងតវ៉ារបស់សម្រាប់អតិថិជន។
លោក លាង ដឺលុច៖ ប្រហែលជានិយាយអំពីស្ថាប័នមីក្រូហិរញ្ញវត្ថុរៀបរយនេះហើយ លោកនាយករដ្ឋមន្ត្រីបានអំពាវនាវដល់មីក្រូហិរញ្ញវត្ថុ ប្រសិនជាអាច គឺបញ្ចុះតម្លៃការប្រាក់ឲ្យកាន់តែទាបសម្រាប់ការខ្ចីប្រាក់របស់ពលរដ្ឋ។ តើលោកយល់យ៉ាងណាដែរ ?
លោក ប៊ុន មុនី៖ សព្វថ្ងៃយើងពេញចិត្តជាមួយគោលនយោបាយទីផ្សារសេរី ដែលជាគោលនយោបាយរបស់រដ្ឋាភិបាល។ បានន័យថា គ្មានការជ្រៀតជ្រែកពីរដ្ឋាភិបាលទេ។ គឺទីផ្សារជាអ្នកកំណត់តម្លៃការប្រាក់។ ខ្ញុំចង់បញ្ជាក់ប្រាប់លោកថា កម្ពុជាស្ថិតនៅក្នុងចំណោមប្រទេស៣ដែលមានការប្រាក់មីក្រូហិរញ្ញវត្ថុទាប ក្នុងចំណោមប្រទេស១០នៅក្នុងតំបន់។ សព្វថ្ងៃនៃការប្រាក់របស់មីក្រូហិរញ្ញវត្ថុកំពុងស្ថិតនៅចន្លោះពី២០ភាគរយ ទៅ២៨ភាគរយក្នុងមួយឆ្នាំ ដែលស្មើនឹង១,៨ភាគរយ ទៅដល់ ២,៥ភាគរយក្នុងមួយខែ។ ស្ថាប័នមីក្រូហិរញ្ញវត្ថុស្ថាបនាលីមីតធីតរបស់យើងខ្ញុំក៏បានទម្លាក់តម្លៃការប្រាក់ពី៣១ភាគរយក្នុងមួយឆ្នាំកាលពី៧ឆ្នាំមុន មកនៅត្រឹម២២ភាគរយក្នុងមួយឆ្នាំនៅឆ្នាំ២០១៤នេះ។ ខ្ញុំចង់និយាយថា ដោយសារស្ថានភាពទាំងអស់នេះហើយ បានជាមីក្រូហិរញ្ញវត្ថុនៅកម្ពុជាទទួលបានជោគជ័យរហូតដល់សព្វថ្ងៃ។ យើងនៅទទួលបានតម្រូវការកំចីច្រើនទៀត។ ស្ថាប័នមីក្រូខ្លះឥតមានលុយគ្រប់ដើម្បីឆ្លើយតបនឹងតម្រូវការរបស់អតិថិជនផង។
លោក លាង ដឺលុច៖ តើសព្វថ្ងៃមានអតិថិជនប៉ុន្មាននាក់ដែលកំពុងខ្ចីលុយពីស្ថាប័នមីក្រូហិរញ្ញវត្ថុ ? ហើយទំហំប្រាក់កម្ចីមានទាំងអស់ប៉ុន្មានដែរ?
លោក ប៊ុន មុនី៖ ខ្ញុំនិយាយតែត្រឹមក្របខណ្ឌស្ថាប័នមីក្រូហិរញ្ញវត្ថុចំនួន៣៩ដែលរៀបរយនេះទេ។ អតិថិជនសរុបមានប្រមាណ២លាននាក់។ ទំហំទឹកប្រាក់កំចីមានប្រហែល២០២៨ លានដុល្លារ។ ខ្ញុំចង់បញ្ជាក់ថា ស្ថាប័នមីក្រូហិរញ្ញវត្ថុទាំងអស់សុទ្ធតែមានគោលការណ៍ផ្តល់កម្ចីច្បាស់លាស់ណាស់។ អ្នកខ្ចីត្រូវតែមានគោលដៅប្រើប្រាស់ថវិកាច្បាស់លាស់។ បើមិនដូច្នោះទេ ស្ថាប័នមីក្រូអាចបរាជ័យ ហើយខូចឈ្មោះ និងរដ្ឋាភិបាលដកអាជ្ញាបណ្ណទៀត។ ដូច្នេះសមត្ថកិច្ចគួរតែពិនិត្យអ្នកដែលមិនរៀបរយទៅវិញទេ៕
លោក លាង ដឺលុច៖ លោកនាយករដ្ឋមន្ត្រី ហ៊ុន សែន បានសំដែងការព្រួយបារម្ភខ្លាចថាស្ថាប័នមីក្រូហិរញ្ញវត្ថុក្លាយជាទីកន្លែងបញ្ចាំទ្រព្យសម្បត្តិរបស់ពលរដ្ឋដែលខ្ចីលុយពីស្ថាប័នទាំងនោះ។ ការណ៍នេះ បើតាមលោក ហ៊ុន សែន គឺអាចនាំឲ្យពលរដ្ឋកាន់តែក្រីក្រទៅវិញ។ លោក ប៊ុន មុនី តើលោកយល់យ៉ាងណាដែរចំពោះការព្រួយបារម្ភរបស់នាយករដ្ឋមន្ត្រី?
លោក ប៊ុន មុនី៖ ភារកិច្ច និងគោលដៅរបស់ស្ថាប័នមីក្រូហិរញ្ញវត្ថុរបស់យើង គឺជួយរំដោះពលរដ្ឋឲ្យចេញពីភាពក្រីក្រ។ អាចនិយាយបានម្យ៉ាងទៀតថា លុះត្រាតែពលរដ្ឋក្រីក្រ ទទួលបានជោគជ័យ ទើបស្ថាប័នមីក្រូហិរញ្ញវត្ថុយើង ជោគជ័យដែរ។ ខ្ញុំអាចយល់បានពីការព្រួយបារម្ភរបស់សម្តេចនាយករដ្ឋមន្ត្រី ដោយសារកន្លងមក មានអ្នករកស៊ីដែលជ្រកក្រោមស្លាក អង្គការក្រៅរដ្ឋាភិបាល ឬស្ថាប័នឯកជនមួយចំនួនតូចដែលយើងហៅថា ជាស្ថាប័នមីក្រូហិរញ្ញវត្ថុមិនរៀបរយ។ តាមពិតស្ថាប័នមីក្រូហិរញ្ញវត្ថុដែលរៀបរយចំនួន៣៩ស្ថាប័នដែលស្ថិតនៅក្រោមការត្រួតពិនិត្យរបស់ធនាគារជាតិ បានបំពេញការងារល្អណាស់ ហើយទទួលបានជោគជ័យខ្លាំងជាមួយអតិថិជនរហូតដល់ជនបទ។ បានន័យថា អតិថិជនរបស់យើងបានប្រើប្រាស់ប្រាក់កម្ចីដោយជោគជ័យ ហើយសងត្រឡប់មកវិញបានត្រឹមត្រូវ និងទាន់ពេលវេលា។
លោក លាង ដឺលុច៖ ដូច្នេះបើតាមប្រសាសន៍របស់លោក គឺស្ថាប័នមិនរៀបរយឯណោះទេ ដែលអាចបង្កបញ្ហាដល់ពលរដ្ឋអ្នកខ្ចីលុយ។ ក្រុមនោះមានច្រើនប៉ុណ្ណា?
លោក ប៊ុន មុនី៖ ក្រុមការងាររបស់យើងបានស៊ើបអង្កេតលើបញ្ហានេះ ហើយរកឃើញថា ក្រុមស្ថាប័នមិនរៀបរយនេះ មានជាង៣០០ស្ថាប័ន ហើយពួកគេផ្តល់លុយកម្ចីទៅតាមធនធានរបស់ពួកគេ។
លោក លាង ដឺលុច៖ ចុះស្ថាប័នមីក្រូហិរញ្ញវត្ថុដែលរៀបរយ បានធ្វើអ្វីខ្លះដើម្បីទទួលបានជោគជ័យ ទាំងស្ថាប័ន និងអតិថិជនរបស់ពួកគេ ?
លោក ប៊ុន មុនី៖ យើងមានគោលការណ៍សំខាន់ចំនួន៧ ដែលត្រូវអនុវត្តជាមួយអតិថិនជន និងដើម្បីជាប្រយោជន៍ដល់អតិថិជន។ វាជាគោលការណ៍បែបអន្តរជាតិ ដែលយើងត្រូវអនុវត្ត ដើម្បីយើងអាចសហការជាមួយស្ថាប័នហិរញ្ញវត្ថុអន្តរជាតិបានដែរ។ ខ្ញុំអាចរៀបរាប់ត្រួសៗបាន៖ ទី១ គឺការបង្កើតផលិតផលទៅតាមតម្រូវការរបស់អតិថិជន ទី២ ផ្តល់ទុនដោយមិនរើសអើងជាតិសាសន៍ និងនិន្នាការនយោបាយ ទី៣ស្ថាប័នមីក្រូហិរញ្ញវត្ថុត្រូវតែមានតម្លាភាពចំពោះអតិថិជន ទី៤ គឺការគោរសិទ្ធិអតិថិជន ទី៥ គឺការធានាភាពជាឯកជនរបស់អតិថិជន ទី៦ ការទទួលខុសត្រូវរបស់ស្ថាប័ន និងទី៧ គឺយន្តការប្តឹងតវ៉ារបស់សម្រាប់អតិថិជន។
លោក លាង ដឺលុច៖ ប្រហែលជានិយាយអំពីស្ថាប័នមីក្រូហិរញ្ញវត្ថុរៀបរយនេះហើយ លោកនាយករដ្ឋមន្ត្រីបានអំពាវនាវដល់មីក្រូហិរញ្ញវត្ថុ ប្រសិនជាអាច គឺបញ្ចុះតម្លៃការប្រាក់ឲ្យកាន់តែទាបសម្រាប់ការខ្ចីប្រាក់របស់ពលរដ្ឋ។ តើលោកយល់យ៉ាងណាដែរ ?
លោក ប៊ុន មុនី៖ សព្វថ្ងៃយើងពេញចិត្តជាមួយគោលនយោបាយទីផ្សារសេរី ដែលជាគោលនយោបាយរបស់រដ្ឋាភិបាល។ បានន័យថា គ្មានការជ្រៀតជ្រែកពីរដ្ឋាភិបាលទេ។ គឺទីផ្សារជាអ្នកកំណត់តម្លៃការប្រាក់។ ខ្ញុំចង់បញ្ជាក់ប្រាប់លោកថា កម្ពុជាស្ថិតនៅក្នុងចំណោមប្រទេស៣ដែលមានការប្រាក់មីក្រូហិរញ្ញវត្ថុទាប ក្នុងចំណោមប្រទេស១០នៅក្នុងតំបន់។ សព្វថ្ងៃនៃការប្រាក់របស់មីក្រូហិរញ្ញវត្ថុកំពុងស្ថិតនៅចន្លោះពី២០ភាគរយ ទៅ២៨ភាគរយក្នុងមួយឆ្នាំ ដែលស្មើនឹង១,៨ភាគរយ ទៅដល់ ២,៥ភាគរយក្នុងមួយខែ។ ស្ថាប័នមីក្រូហិរញ្ញវត្ថុស្ថាបនាលីមីតធីតរបស់យើងខ្ញុំក៏បានទម្លាក់តម្លៃការប្រាក់ពី៣១ភាគរយក្នុងមួយឆ្នាំកាលពី៧ឆ្នាំមុន មកនៅត្រឹម២២ភាគរយក្នុងមួយឆ្នាំនៅឆ្នាំ២០១៤នេះ។ ខ្ញុំចង់និយាយថា ដោយសារស្ថានភាពទាំងអស់នេះហើយ បានជាមីក្រូហិរញ្ញវត្ថុនៅកម្ពុជាទទួលបានជោគជ័យរហូតដល់សព្វថ្ងៃ។ យើងនៅទទួលបានតម្រូវការកំចីច្រើនទៀត។ ស្ថាប័នមីក្រូខ្លះឥតមានលុយគ្រប់ដើម្បីឆ្លើយតបនឹងតម្រូវការរបស់អតិថិជនផង។
លោក លាង ដឺលុច៖ តើសព្វថ្ងៃមានអតិថិជនប៉ុន្មាននាក់ដែលកំពុងខ្ចីលុយពីស្ថាប័នមីក្រូហិរញ្ញវត្ថុ ? ហើយទំហំប្រាក់កម្ចីមានទាំងអស់ប៉ុន្មានដែរ?
លោក ប៊ុន មុនី៖ ខ្ញុំនិយាយតែត្រឹមក្របខណ្ឌស្ថាប័នមីក្រូហិរញ្ញវត្ថុចំនួន៣៩ដែលរៀបរយនេះទេ។ អតិថិជនសរុបមានប្រមាណ២លាននាក់។ ទំហំទឹកប្រាក់កំចីមានប្រហែល២០២៨ លានដុល្លារ។ ខ្ញុំចង់បញ្ជាក់ថា ស្ថាប័នមីក្រូហិរញ្ញវត្ថុទាំងអស់សុទ្ធតែមានគោលការណ៍ផ្តល់កម្ចីច្បាស់លាស់ណាស់។ អ្នកខ្ចីត្រូវតែមានគោលដៅប្រើប្រាស់ថវិកាច្បាស់លាស់។ បើមិនដូច្នោះទេ ស្ថាប័នមីក្រូអាចបរាជ័យ ហើយខូចឈ្មោះ និងរដ្ឋាភិបាលដកអាជ្ញាបណ្ណទៀត។ ដូច្នេះសមត្ថកិច្ចគួរតែពិនិត្យអ្នកដែលមិនរៀបរយទៅវិញទេ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ម៉ោង
