អន្តរជាតិ
នយោបាយអន្តរជាតិ
×![]()
ប្រធានាធិបតីទីម័រខាងកើតលោកទ័រម៉ាតានរ៉ក (Taur Matan Ruak) បានប្រកាសតែងតាំងអតីតរដ្ឋមន្ត្រីសុខាភិបាលជានាយករដ្ឋមន្ត្រីថ្មីដោយយោងទៅតាមសេចក្តីសម្រេចរបស់គណបក្សកាន់អំណាចទីម័រ។ការតែងតាំងនាយករដ្ឋមន្ត្រីថ្មីរូបនេះធ្វើឡើងក្រោយពីលោកហ្សាណាណាហ្គូសម៉ាវ (Xanana Gusmao) អតីតនាយករដ្ឋមន្ត្រីទីម័របានលាលែងពីតំណែង ដោយលោកបានបញ្ជាក់ថាវាជាការទុកឳកាសអោយអ្នកជំនាក់ក្រោយឡើងជំនួស។
កាលពីម្សិលមិញនេះក្រោយពីមានការសម្រេចដោយគណបក្សកាន់អំណាចទីម័រលោកប្រធានាធិបតីទីម័រខាងកើតបានប្រកាសតែងតាំងអតីតរដ្ឋមន្ត្រីសុខភិបាលទីម័រលោកវេជ្ជបណ្ឌិតរួ អារ៉ាចូ (Rui Araujo)ជានាយករដ្ឋមន្ត្រីថ្មីជំនួសលោកហ្សាណាណា ហ្គូសម៉ាវដែលបានលាលែងតំណែងជានាយករដ្ឋមន្ត្រីកាលពីពេលថ្មីៗនេះ។
ក្រោយពីការលាលែងតំណែងរបស់អតីតនាយករដ្ឋមន្ត្រីទីម័រខាងកើតនៃគណបក្សសភាជាតិដើម្បីការស្ថាបនាឡើងវិញនៃទីម័រខាងកើត (CNRT) ដែលជាគណបក្សដែលមានចំនួនអាសនៈនាំមុខក្នុងសភាបានបោះឆ្នោតសម្រេចជ្រើសរើសអតីតរដ្ឋមន្ត្រីសុខាភិបាលនិងជាអ្នកប្រឹក្សាគោលនយោបាយរបស់ក្រសួងហិរញ្ញវត្ថុបច្ចុប្បន្នលោករួអារ៉ាចូ (Rui Araujo) ជានាយករដ្ឋមន្ត្រីថ្មីតាមរយៈការប្រកាសជាផ្លូវការរបស់លោកប្រធានាធិបតីទីម័រលោកទ័រម៉ាតានរ៉ក។
មួយវិញទៀតការតែងតាំងនាយករដ្ឋមន្ត្រីថ្មីដែលជាវេជ្ជបណ្ឌិតរូបនេះគឺស្របតាមគោលបំណងរបស់អតីតនាយករដ្ឋមន្ត្រីទីម័រលោកហ្សាណាណាដែលបានបញ្ជាក់ក្នុងពេលដែលលោកលាលែងតំណែងជាផ្លូវការថា «ការចុះចេញពីតំណែងរបស់លោក ជាការត្រួសត្រាយផ្លូវដើម្បីផ្តល់ឳកាសអោយអ្នកជំនាន់ក្រោយដឹកនាំជំនួស»។
គួរបញ្ជាក់ផងដែរលោកហ្សាណាណា ហ្គូសម៉ាវគឺជាមេដឹកនាំទ័ពព្រៃដែលបានបង្កើតចលនាប្រឆាំងការគ្រប់គ្រងរបស់ឥណ្ឌូនេស៊ីលើប្រទេសទីម័រហើយបានទាមទារឯករាជ្យជាផ្លូវការនៅឆ្នាំ២០០២ ហើយបានក្លាយជាប្រធានាធិបតីលោកដំបូងរបស់ទីម័រក្រោយមកលោកក៏បានក្លាយជានាយកមន្ត្រីនៅក្នុង២០១២។
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 5 ថ្ងៃ
