ជាតិ
ស្វែងយល់អំពីអត្ថន័យនៃព៌ណផ្កាកុលាប
× ថ្ងៃបុណ្យនៃសេចក្តីស្រលាញ់ កាន់តែខិតជិតមកដល់ហើយ មនុស្សម្នាក់ហាក់បីដូចជា កំពុងទន្ទឹងរង់ចាំទទួលនូវវត្ថុអនុស្សាវរីយ៍ពីមនុស្សជាទីស្រលាញ់របស់ខ្លួន។ ជាទូទៅ វត្ថុអនុស្សាវរីយ៍ជាច្រើន ដូចជា ប័ណ្ណជូនពរ បន្តោងសោរ រូបភាព ស្ករគ្រាប់ ជាពិសេសគឺផ្ការ ដែលមនុស្សគ្រប់គ្នា អាចប្រើប្រាស់ជូនមនុស្សជាទីគោរព និងស្រលាញ់របស់ខ្លួន ដូចជាលោកប៉ា អ្នកម៉ាក់ បងប្អូនប្រុស ស្រី និងមិត្តភក្តិជាដើម។ តែទោះជាយ៉ាងណាក្តី វត្ថុដែលគេចាត់ទុកថា ជាវត្ថុពេញនិយមជាងគេលើពិភពលោក នោះគឺផ្កាតែម្តង ហើយគេតែងជ្រើសរើសពណ៌ផ្កាទោតាមអត្ថន័យរបស់វាផងដែរ។ ដូច្នេះហើយ ថ្ងៃនេះ គេហទំព័រថ្មីៗ សូមលើកយកនូវអត្ថន័យដែលតំណាងអោយពណ៌របស់ផ្កាកុលាប ដើម្បីបង្ហាញដល់មិត្តអ្នកអាន ដូចខាងក្រោមនេះ៖
-ពណ៌ស៖ ជាទូទៅពណ៌ស គឺណាងអោយសេចក្តីគោរព ភាពបរិសុទ្ធ និងពោរពេញទៅភាពរមទម្យសុភាពរាបសារ ។
-ពណ៌ផ្កាឈូក៖ សម្រាប់ពណ៌ផ្កាឈូក តំណាងអោយសម្ព័ន្ធភាពមួយដែលពោរពេញទៅដោយសេចក្តីស្រលាញ់ សន្តោសប្រណី និងសុភមង្គល។
-ពណ៌ក្រហម៖ រីឯពណ៌ក្រហមឯនោះវិញ គឺតំណាងអោយ ទំនាក់ទំនងដ៏រឹងមាំ និរន្តរភាព ភាពជាអមតៈ ។ ដូច្នេះហើយ ទើបផ្កាពណ៌ក្រហម ក្លាយជាវត្ថុដែលពេញនិយមជាងគេសម្រាប់ជូនគូស្នេហ៍ ឬគូសង្សារ។
-ពណ៌ទឹកក្រូច ៖ ពណ៌ទឹកក្រូច ជាពណ៌មួយប្រភេទ ដែលតំណាងអោយសេចក្តីស្រលាញ់ពេញចិត្ត និងរីករាយអំពីជ័យជំនះនានាដែលទទួលបាន។
-ពណ៌លឿង៖ ចំពោះពណ៌លឿង គឺជាពណ៌ដែលតំណាងអោយសេចក្តីស្រលាញ់ ពេញចិត្ត ដ៏កក់ក្តៅ ចំពោះអ្នកដែលជាទីស្រលាញ់បំផុត និង មិត្តជាទីស្រលាញ់ផងដែរនោះ។
-ពណ៌ឈាមជ្រូក៖ ប្រសិនបើ មនុស្ស ដែលកំពុងផ្តល់ផ្កាពណ៌ឈាមជ្រូកជូនដល់អ្នក មានន័យថា ម្ចាស់ផ្កានោះ កំពុងធ្លាក់ក្នុងអន្លង់ស្នេហ៍ របស់អ្នក តាំងពីពេលជួបគ្នាលើកដំបូងមកម្លេះ។
© រក្សាសិទ្ធិដោយ thmeythmey.com