ជាតិ
សុខភាព
អ្នកជំនាញជប៉ុនថា អ្នកភ្នំពេញអាចពិសាទឹកពីរ៉ូប៊ីនណេបានដោយគ្មានបញ្ហា
×![]()
ជប៉ុន-ក្រុង Kitakyushu៖ អ្នកជំនាញជប៉ុនបាននិយាយកាលពីថ្ងៃទី១៣ខែកុម្ភះថា អ្នករាជធានីភ្នំពេញអាចពិសាទឹកពីរ៉ូប៊ីនណេបានដោយគ្មានបញ្ហាអ្វីទាំងអស់។ ទឹកពីរ៉ូប៊ីនណេនៅទីក្រុងភ្នំពេញ គឺជាទឹកស្អាតអាចពិសាបាន។ ពួកគេមិនចាំបាច់ចំណាយប្រាក់ដើម្បីទិញទឹកបរិសុទ្ធ ឬចំណាយប្រាក់ដើម្បីដាំទឹកអោយពុះនោះទេ។ 
លោក Kubota Kazuya នាយកគម្រោងតំបន់ និងអន្តរជាតិនៃការិយាល័យទឹកស្អាតនៃទីក្រុង Katakyushu នៃប្រទេសជប៉ុនបានថ្លែងប្រាប់អ្នកសារព័ត៌មានអេឡិចត្រូនិកថ្មីៗនៅក្នុងទីតាំងផលិតទឹកស្អាតក្នុងប្រទេសជប៉ុនកាលពីថ្ងៃទី១៣ខែកុម្ភះថា ទឹកស្អាតចេញពីរ៉ូប៊ីនណេនៅទីក្រុងភ្នំពេញ គឺជាទឹកស្អាតដែលអាចផឹកបានដោយគ្មានបញ្ហាអ្វីទាំងអស់។
ដោយបង្ហាញក្តីកោតសរសើរពីការងាររបស់អាជ្ញាធររដ្ឋាករទឹកទីក្រុងភ្នំពេញផងនោះ លោក Kubota Kazuya បានបញ្ជាក់យ៉ាងដូច្នេះថា៖«ទឹកនៅភ្នំពេញផឹកបានដូចទឹកនៅទីក្រុង Katakyushu នៃប្រទេសជប៉ុនដែរ។ អ្នកទីក្រុងភ្នំពេញមិនចាំបាច់ចំណាយលុយដើម្បីទិញទឹកផ្សេងពិសាទេ ឬចំណាយលុយដើម្បីដាំអោយពុះឡើយ។ ទឹករ៉ូប៊ីនណេភ្នំពេញមានគុណភាពល្អ អាចផឹកបានដោយគ្មានបញ្ហា»។
ការធ្វើអត្ថាធិប្បាយរបស់អ្នកជំនាញបានធ្វើឡើងក្នុងខណៈពេលដែលអ្នកកាសែតអាស៊ានចំនួន២០បានធ្វើដំណើរទស្សនកិច្ចចង្វាក់ផលិតកម្មរោងចក្រផលិតទឹកស្អាតនៅទីក្រុង Katakyushu នៃប្រទេសជប៉ុន និងបានធ្វើឡើងស្របពេលដែលអ្នកទីក្រុងភ្នំពេញមួយចំនួននៅមានក្តីមន្ទិលសង្ស័យនៅឡើយជុំវិញគុណភាពទឹករ៉ូប៊ីនណេទីក្រុងភ្នំពេញ។ ទឹករ៉ូប៊ីនណេភ្នំពេញត្រូវបានអ្នកខ្លះវិភាគថា អាចមានគុណភាពល្អជាងទឹកសុទ្ធមួយចំនួនដែលផលិតឡើងដោយខ្វះគុណភាពទៅទៀត។
ទីក្រុង Katakyushu នៃប្រទេសជប៉ុនល្បីល្បាញខាងការផលិតទឹកស្អាត និងការផលិតរថយន្តដំណើរដោយថាមពលអគ្គីសនីផលិតចេះពីពន្លឺព្រះអាទិត្យ។
ទាក់ទងទៅនឹងកិច្ចសហប្រតិបត្តិការផលិតទឹកស្អាតជាមួយអន្តរជាតិវិញ ទីក្រុង Katakyushu បានធ្វើកិច្ចសហប្រតិបត្តិផលិតទឹកស្អាតនៅក្នុងប្រទេសមួយចំនួនក្នុងតំបន់រួចហើយ ក្នុងនោះ មាន៖ប្រទេសវៀតណាម ប្រទេសអេហ្ស៊ីព ប្រទេសឥណ្ឌូនេស៊ី ប្រទេសចិន និងប្រទេសកម្ពុជា។ល។
នៅក្នុងប្រទេសកម្ពុជា តាមរយៈទីភ្នាក់ងារជំនួយអភិវឌ្ឍន៍ជប៉ុនឈ្មោះ«Jica» គម្រោងទឹកស្អាតទីក្រុងភ្នំពេញ២០០៣-២០០៦ ត្រូវបានបញ្ចប់។ គម្រោងក្នុងខេត្តចំនួន៨ពីឆ្នាំ២០០៧ដល់ឆ្នាំ២០១២ត្រូវបានបញ្ចប់ និងគម្រោងទី៣ពីឆ្នាំ២០១៣ដល់ឆ្នាំ២០១៨កំពុងដំណើរការ។ ខេត្តដែលស្ថិតក្នុងគម្រោងទី៣នេះ មានដូចជា៖ ខេត្តកំពត ស្វាយរៀង កំពង់ធំ បាត់ដំបង។ល។
លោក Kubota Kazuya នាយកគម្រោងតំបន់ និងអន្តរជាតិនៃការិយាល័យទឹកស្អាតនៃទីក្រុង Katakyushu នៃប្រទេសជប៉ុនបានថ្លែងប្រាប់អ្នកសារព័ត៌មានអេឡិចត្រូនិកថ្មីៗនៅក្នុងទីតាំងផលិតទឹកស្អាតក្នុងប្រទេសជប៉ុនកាលពីថ្ងៃទី១៣ខែកុម្ភះថា ទឹកស្អាតចេញពីរ៉ូប៊ីនណេនៅទីក្រុងភ្នំពេញ គឺជាទឹកស្អាតដែលអាចផឹកបានដោយគ្មានបញ្ហាអ្វីទាំងអស់។
ដោយបង្ហាញក្តីកោតសរសើរពីការងាររបស់អាជ្ញាធររដ្ឋាករទឹកទីក្រុងភ្នំពេញផងនោះ លោក Kubota Kazuya បានបញ្ជាក់យ៉ាងដូច្នេះថា៖«ទឹកនៅភ្នំពេញផឹកបានដូចទឹកនៅទីក្រុង Katakyushu នៃប្រទេសជប៉ុនដែរ។ អ្នកទីក្រុងភ្នំពេញមិនចាំបាច់ចំណាយលុយដើម្បីទិញទឹកផ្សេងពិសាទេ ឬចំណាយលុយដើម្បីដាំអោយពុះឡើយ។ ទឹករ៉ូប៊ីនណេភ្នំពេញមានគុណភាពល្អ អាចផឹកបានដោយគ្មានបញ្ហា»។
ការធ្វើអត្ថាធិប្បាយរបស់អ្នកជំនាញបានធ្វើឡើងក្នុងខណៈពេលដែលអ្នកកាសែតអាស៊ានចំនួន២០បានធ្វើដំណើរទស្សនកិច្ចចង្វាក់ផលិតកម្មរោងចក្រផលិតទឹកស្អាតនៅទីក្រុង Katakyushu នៃប្រទេសជប៉ុន និងបានធ្វើឡើងស្របពេលដែលអ្នកទីក្រុងភ្នំពេញមួយចំនួននៅមានក្តីមន្ទិលសង្ស័យនៅឡើយជុំវិញគុណភាពទឹករ៉ូប៊ីនណេទីក្រុងភ្នំពេញ។ ទឹករ៉ូប៊ីនណេភ្នំពេញត្រូវបានអ្នកខ្លះវិភាគថា អាចមានគុណភាពល្អជាងទឹកសុទ្ធមួយចំនួនដែលផលិតឡើងដោយខ្វះគុណភាពទៅទៀត។
ទីក្រុង Katakyushu នៃប្រទេសជប៉ុនល្បីល្បាញខាងការផលិតទឹកស្អាត និងការផលិតរថយន្តដំណើរដោយថាមពលអគ្គីសនីផលិតចេះពីពន្លឺព្រះអាទិត្យ។
ទាក់ទងទៅនឹងកិច្ចសហប្រតិបត្តិការផលិតទឹកស្អាតជាមួយអន្តរជាតិវិញ ទីក្រុង Katakyushu បានធ្វើកិច្ចសហប្រតិបត្តិផលិតទឹកស្អាតនៅក្នុងប្រទេសមួយចំនួនក្នុងតំបន់រួចហើយ ក្នុងនោះ មាន៖ប្រទេសវៀតណាម ប្រទេសអេហ្ស៊ីព ប្រទេសឥណ្ឌូនេស៊ី ប្រទេសចិន និងប្រទេសកម្ពុជា។ល។
នៅក្នុងប្រទេសកម្ពុជា តាមរយៈទីភ្នាក់ងារជំនួយអភិវឌ្ឍន៍ជប៉ុនឈ្មោះ«Jica» គម្រោងទឹកស្អាតទីក្រុងភ្នំពេញ២០០៣-២០០៦ ត្រូវបានបញ្ចប់។ គម្រោងក្នុងខេត្តចំនួន៨ពីឆ្នាំ២០០៧ដល់ឆ្នាំ២០១២ត្រូវបានបញ្ចប់ និងគម្រោងទី៣ពីឆ្នាំ២០១៣ដល់ឆ្នាំ២០១៨កំពុងដំណើរការ។ ខេត្តដែលស្ថិតក្នុងគម្រោងទី៣នេះ មានដូចជា៖ ខេត្តកំពត ស្វាយរៀង កំពង់ធំ បាត់ដំបង។ល។
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
