ជាតិ
បទយកការណ៍ / បទសម្ភាសន៍
×![]()
ភ្នំពេញ៖ ថ្ងៃទី១៤ កុម្ភៈ ឆ្នាំ២០១៥ ទិវានៃក្តីស្រលាញ់ដែលជាវប្បធម៌របស់ បរទេសនោះ យុវជនយុវនារីខ្មែរមួយចំនួននៅតែធ្វើខ្លួនជាសត្វមមាចប្រលែងជាមួយភ្លើង Valentine’s day យុវជនខ្លះយល់ថា ថ្ងៃនេះជាបង្កាត់ភ្លើងស្នេហ៍ជាមួយសង្សារ ហើយពួកគេនឹង ដើរកម្សាន្តដាច់យប់ជាមួយសង្សារ និងគ្រោងគេងជាមួយគ្នាទៀតផង។
នៅក្នុងទិវានៃក្តីស្រលាញ់នេះ លោក ម៉ៅ សុធារ៉ា បានត្រៀមខ្លួននឹងជូនបាច់ផ្កាដល់មិត្តស្រី ដើម្បីបញ្ជាក់ពីក្តីស្រលាញ់ រួចហើយពួកគេនឹងជិះម៉ូតូដើរកម្សាន្ត និងញ៉ាំអាហារជាមួយគ្នា។
ទោះបីជារំលងប្រពៃណីខ្មែរ យុវជនវ័យ ២៣ឆ្នាំរូបនេះ បាននិយាយដោយមិនលាក់លៀមថា លោកមានបំណងគេងជាមួយមិត្តស្រីនៅថ្ងៃ១៤ កុម្ភៈនេះ ហើយមិត្តស្រីរបស់លោកក៏យល់ ព្រមផងដែរ។ លោកថា៖«យើងនឹងទៅកម្សាន្តនៅជ្រោយចង្វារត្រើយខាងកើត...ទីនោះស្ងាត់ ល្អ»។ យុវជនសម្បុរសណ្តែកបាយ ដូចជាព្រាននារីរូបនេះបន្តថា លោកនឹងមិនបណ្តោយឲ្យ ឱកាសទិវានៃក្តីស្រលាញ់បាត់បង់ឡើយ។ លោកថា៖«ខ្ញុំចង់ដឹង ចង់សាកនៅថ្ងៃនេះដែរ»។
មិនខុសគ្នាពីយុវជនខាងលើប៉ុន្មាន យុវជន រិទ្ធ ពិសិដ្ឋ ក៏មានបំណងនាំមិត្តស្រីដើរលេង កម្សាន្តរួច ចូលគេងផ្ទះសំណាក់ដែរ។ យុវជនវ័យ ២២ឆ្នាំ ប្រៀបបាននឹងសត្វមមាកំពុង ប្រលែងលេងជាមួយនឹងភ្លើងនេះ បាននិយាយថា លោកមិនខ្វល់ថា នឹងមានអ្វីកើតឡើងទេ ដើម្បីបានសប្បាយរីករាយជាមួយមិត្តស្រី។ យុវជនសម្បុរសរូបនេះ និយាយលេងសើចគ្មាន ទំនួលខុសត្រូវថា៖«ខ្វល់អីរឿងមនុស្សស្រី គ្រាន់ចេះប្រើស្រោមការពារខ្លួនបានហើយ»។
ទោះបីជាមានយុវជនមួយចំនួនភ្លើតភ្លើននៅថ្ងៃទី១៤ កុម្ភៈនេះ ក៏ដោយ ដោយឡែក យុវជន យុវនារីមួយចំនួននឹងមិនធ្វើអ្វីខុសពីប្រពៃណីដ៏ល្អផូផង់របស់ខ្មែរឡើយ។
យុវនារី វ៉ា សក្កដា គ្មានគម្រោងចេញក្រៅផ្ទះនោះឡើយ ទោះបីជាមានមិត្តភក្តិបបួលចេញដើរ កម្សាន្តពេលរាត្រីក៏ដោយ។ នារីវ័យ ២៤ឆ្នាំ ដែលបានបញ្ចប់ការសិក្សាថ្នាក់បរិញ្ញបត្រធនាគារ នៅសាកលវិទ្យាល័យជាតិគ្រប់គ្រងរូបនេះ បានប្រាប់ថា នាងចង់ជួបជុំផ្តល់ក្តីស្រលាញ់ជាមួយ ក្រុមគ្រួសារប្រសើរជាង។
នារីស្រគត់ស្រគំសម្បុសណ្តែកបាយរាងស្តើងរូបនេះ និយាយទាំងញញឹមថា៖«យើងត្រូវផ្តល់ក្តី ស្រលាញ់ជាមួយប៉ាកម៉ា ពួកគាត់បានផ្តល់កំណើតយើង»។
«យើងត្រូវយល់ថាការផ្តល់ក្តីស្រលាញ់ មិនមែនមានតែមួយថ្ងៃទេ ជាពិសេសគឺធ្វើអ្វីដែល លើសពីប្រពៃណីខ្មែរ»។ នេះជាទស្សនៈលើកឡើងជុំវិញទិវានៃក្តីស្រឡាញ់ របស់ កញ្ញា ទិត ធីតា ជានិស្សិតឆ្នាំទី៣ ជំនាញវេជ្ជសាស្ត្រ នៃសាកលវិទ្យាល័យវិទ្យាសាស្ត្រសុខាភិបាល។
យុវនារីដែលទទួលបានការអប់រំខ្ពស់រូបនេះ និយាយថា ការផ្តល់ក្តីស្រលាញ់របស់កញ្ញា គឺសម្រាប់មនុស្សដែលអត្តចរិតស្លូតបូត សុភាពរាបសារ និងមានសីលធម៌ខ្ពស់។ នារីសម្បុរស កំពស់សមល្មម ចាត់ទុកការស្រលាញ់គឺ ការខិតខំសិក្សារៀនសូត្រ ដើម្បីអនាគតខ្លួនឯង ក្រុម គ្រួសារ និងប្រទេសជាតិ។
គួរបញ្ជាក់ថា ការប្រព្រឹត្តអំពើប្រាសចាកសីលសង្គមរបស់យុវជនមួយចំនួននៅក្នុងទិវានៃ ក្តីស្រលាញ់ដែលជាវប្បធម៌បរទេសនេះ ក៏ត្រូវបានអាជ្ញាធរ និងក្រសួងពាក់ព័ន្ធអំពាវនាវឲ្យ ចូលរួមទប់ស្កាត់ផងដែរ។
ថ្ងៃទី១៤ កុម្ភៈ ឬទិវានៃក្តីស្រឡាញ់ (Valentine’s Day ជាភាសាអង់គ្លេស ឬ Saint-Valentin ជាភាសាបារាំង) បានចាប់ផ្តើមឡើងពីបណ្តាប្រទេសក្នុងទ្វីបអឺរ៉ុប ពោលគឺនៅក្នុងទីក្រុងរ៉ូម ប្រទេសអ៊ីតាលី ហើយបន្តរាលដាលពាសពេញពិភពលោក៕
នៅក្នុងទិវានៃក្តីស្រលាញ់នេះ លោក ម៉ៅ សុធារ៉ា បានត្រៀមខ្លួននឹងជូនបាច់ផ្កាដល់មិត្តស្រី ដើម្បីបញ្ជាក់ពីក្តីស្រលាញ់ រួចហើយពួកគេនឹងជិះម៉ូតូដើរកម្សាន្ត និងញ៉ាំអាហារជាមួយគ្នា។
ទោះបីជារំលងប្រពៃណីខ្មែរ យុវជនវ័យ ២៣ឆ្នាំរូបនេះ បាននិយាយដោយមិនលាក់លៀមថា លោកមានបំណងគេងជាមួយមិត្តស្រីនៅថ្ងៃ១៤ កុម្ភៈនេះ ហើយមិត្តស្រីរបស់លោកក៏យល់ ព្រមផងដែរ។ លោកថា៖«យើងនឹងទៅកម្សាន្តនៅជ្រោយចង្វារត្រើយខាងកើត...ទីនោះស្ងាត់ ល្អ»។ យុវជនសម្បុរសណ្តែកបាយ ដូចជាព្រាននារីរូបនេះបន្តថា លោកនឹងមិនបណ្តោយឲ្យ ឱកាសទិវានៃក្តីស្រលាញ់បាត់បង់ឡើយ។ លោកថា៖«ខ្ញុំចង់ដឹង ចង់សាកនៅថ្ងៃនេះដែរ»។
មិនខុសគ្នាពីយុវជនខាងលើប៉ុន្មាន យុវជន រិទ្ធ ពិសិដ្ឋ ក៏មានបំណងនាំមិត្តស្រីដើរលេង កម្សាន្តរួច ចូលគេងផ្ទះសំណាក់ដែរ។ យុវជនវ័យ ២២ឆ្នាំ ប្រៀបបាននឹងសត្វមមាកំពុង ប្រលែងលេងជាមួយនឹងភ្លើងនេះ បាននិយាយថា លោកមិនខ្វល់ថា នឹងមានអ្វីកើតឡើងទេ ដើម្បីបានសប្បាយរីករាយជាមួយមិត្តស្រី។ យុវជនសម្បុរសរូបនេះ និយាយលេងសើចគ្មាន ទំនួលខុសត្រូវថា៖«ខ្វល់អីរឿងមនុស្សស្រី គ្រាន់ចេះប្រើស្រោមការពារខ្លួនបានហើយ»។ ទោះបីជាមានយុវជនមួយចំនួនភ្លើតភ្លើននៅថ្ងៃទី១៤ កុម្ភៈនេះ ក៏ដោយ ដោយឡែក យុវជន យុវនារីមួយចំនួននឹងមិនធ្វើអ្វីខុសពីប្រពៃណីដ៏ល្អផូផង់របស់ខ្មែរឡើយ។
យុវនារី វ៉ា សក្កដា គ្មានគម្រោងចេញក្រៅផ្ទះនោះឡើយ ទោះបីជាមានមិត្តភក្តិបបួលចេញដើរ កម្សាន្តពេលរាត្រីក៏ដោយ។ នារីវ័យ ២៤ឆ្នាំ ដែលបានបញ្ចប់ការសិក្សាថ្នាក់បរិញ្ញបត្រធនាគារ នៅសាកលវិទ្យាល័យជាតិគ្រប់គ្រងរូបនេះ បានប្រាប់ថា នាងចង់ជួបជុំផ្តល់ក្តីស្រលាញ់ជាមួយ ក្រុមគ្រួសារប្រសើរជាង។
នារីស្រគត់ស្រគំសម្បុសណ្តែកបាយរាងស្តើងរូបនេះ និយាយទាំងញញឹមថា៖«យើងត្រូវផ្តល់ក្តី ស្រលាញ់ជាមួយប៉ាកម៉ា ពួកគាត់បានផ្តល់កំណើតយើង»។
«យើងត្រូវយល់ថាការផ្តល់ក្តីស្រលាញ់ មិនមែនមានតែមួយថ្ងៃទេ ជាពិសេសគឺធ្វើអ្វីដែល លើសពីប្រពៃណីខ្មែរ»។ នេះជាទស្សនៈលើកឡើងជុំវិញទិវានៃក្តីស្រឡាញ់ របស់ កញ្ញា ទិត ធីតា ជានិស្សិតឆ្នាំទី៣ ជំនាញវេជ្ជសាស្ត្រ នៃសាកលវិទ្យាល័យវិទ្យាសាស្ត្រសុខាភិបាល។
យុវនារីដែលទទួលបានការអប់រំខ្ពស់រូបនេះ និយាយថា ការផ្តល់ក្តីស្រលាញ់របស់កញ្ញា គឺសម្រាប់មនុស្សដែលអត្តចរិតស្លូតបូត សុភាពរាបសារ និងមានសីលធម៌ខ្ពស់។ នារីសម្បុរស កំពស់សមល្មម ចាត់ទុកការស្រលាញ់គឺ ការខិតខំសិក្សារៀនសូត្រ ដើម្បីអនាគតខ្លួនឯង ក្រុម គ្រួសារ និងប្រទេសជាតិ។
គួរបញ្ជាក់ថា ការប្រព្រឹត្តអំពើប្រាសចាកសីលសង្គមរបស់យុវជនមួយចំនួននៅក្នុងទិវានៃ ក្តីស្រលាញ់ដែលជាវប្បធម៌បរទេសនេះ ក៏ត្រូវបានអាជ្ញាធរ និងក្រសួងពាក់ព័ន្ធអំពាវនាវឲ្យ ចូលរួមទប់ស្កាត់ផងដែរ។
ថ្ងៃទី១៤ កុម្ភៈ ឬទិវានៃក្តីស្រឡាញ់ (Valentine’s Day ជាភាសាអង់គ្លេស ឬ Saint-Valentin ជាភាសាបារាំង) បានចាប់ផ្តើមឡើងពីបណ្តាប្រទេសក្នុងទ្វីបអឺរ៉ុប ពោលគឺនៅក្នុងទីក្រុងរ៉ូម ប្រទេសអ៊ីតាលី ហើយបន្តរាលដាលពាសពេញពិភពលោក៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 6 ថ្ងៃ
