លោក សុខ អាន៖ វិស័យអាកាសចរណ៍នឹងកើនឡើងជាង៤ភាគរយក្នុង២០ឆ្នាំខាងមុខ

ជាតិ

សេដ្ឋកិច្ច

លោក សុខ អាន៖ វិស័យអាកាសចរណ៍នឹងកើនឡើងជាង៤ភាគរយក្នុង២០ឆ្នាំខាងមុខ

15, Feb 2015 , 11:15 am

រូបភាព

ដោយ: ធឿន បញ្ញាឬទិ្ធ

លោកឧបនាយករដ្ឋមន្ត្រី សុខ អាន រដ្ឋមន្ត្រីទីស្ដីការគណៈរដ្ឋមន្ត្រី មានប្រសាសន៍ថា អាត្រាកំណើននៅក្នុងវិស័យអាកាសចរស៊ីវិលកម្ពុជា នឹងមានការកើនឡើងបន្ថែមប្រមាណ ៤,៧ភាគរយ នៅក្នុងរយៈពេល២០ឆ្នាំខាងមុខ។

ថ្លែងនៅក្នុងពិធីសាងសង់អគារមជ្ឈមណ្ឌលហ្វឹកហ្វឺន ជំនាញអាកាសចរណ៍ស៊ីវិល លោក សុខ អាន បន្ថែមថា តាមការព្យាករណ៍របស់អង្គការអាកាសចរណ៍ស៊ីវិល អន្តរជាតិ (ICAO) កំណើនក្នុងវិស័យអាកាសចរ គឺអាចកើនទ្វេរដងផងដែរ ខណៈដែលវិស័យអាកាសចរណ៍ស៊ីវិលពិភពលោកកំពុងមានការរីកលូតលាស់យ៉ាងខ្លាំង។

ទន្ទឹមនឹងនេះលោក សុខ អាន បានឲ្យដឹងថា ក្នុងអំឡុងពេលឆ្នាំ២០១៤ អាកាសចរកម្ពុជាមានជើងហោះហើរចំនួន៥០.១៨៨ ជើង គឺកើនឡើងចំនួន៦,៤ ភាគរយ បើប្រៀបធៀបទៅនឹងឆ្នាំ ២០១៣ដែលមានចំនួន៤៧.១៧០ជើង ។ ហើយវិស័យអាកាសចរណ៍ស៊ីវិលកម្ពុជាក៏មានការ រីកចម្រើនគួរឱ្យកត់សម្គាល់ផងដែរ ដោយបានចូលរួមចំណែកយ៉ាងសំខាន់ដល់ការអភិវឌ្ឍវិស័យជាច្រើនជាពិសេសការដឹកជញ្ជូននិងទេសចរណ៍។

កន្លងមកក្រសួងទេសចរណ៍បានបង្ហាញថា ចំនួន៥០ភាគរយនៃភ្ញៀវទេសចរមកទស្សនាកម្ពុជា បានធ្វើដំណើរតាមយន្តហោះ។ ហើយវិស័យអាកាសចរណ៍ស៊ីវិលនេះ គឺមានតួនាទីសំខាន់សម្រាប់ទ្រទ្រង់ការអភិវឌ្ឍវិស័យទេសចរណ៍ ដែលជាក្បាលម៉ាស៊ីននៃកំណើនសេដ្ឋកិច្ចនៅកម្ពុជា ។ គួរបញ្ជាក់ថា ចំនួនភ្ញៀវទេសចរបរទេសមាន៤,៥លាននាក់នៅឆ្នាំ២០១៤ ហើយចំនួនភ្ញៀវទេសចរ ត្រូវបានព្យាករណ៍ថា នឹងកើនឡើងចំនួនប្រមាណ៧លាននាក់ នៅឆ្នាំ២០២០៕

តើពាក្យ «សិទ្ធិ, សិទ្ធ» ប្រើខុសគ្នាដូចម្តេច?

4 ថ្ងៃ

កម្ពុជា នឹងមានភ្លៀងធ្លាក់ ពីថ្ងៃទី៤-៦ឧសភា

5 ថ្ងៃ

«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?

ភ្នំពេញ 6 ថ្ងៃ

«នាំអាត» និង«នាំអាទិ៍»មួយណាត្រឹមត្រូវ?

1 ថ្ងៃ

ការប្រឡងគ្រូអនុវិទ្យាល័យ នឹងរៀបចំ២ដំណាក់កាល ដើម្បីសម្រាំងយកបេក្ខជន៤៤១នាក់ប៉ុណ្ណោះ

5 ថ្ងៃ

អត្ថបទពេញនិយមបន្ថែម