ជាតិ
សង្គមជាតិ
លោក អាឡិច ភ័យខ្លាចថា ខ្លួននឹងត្រូវបណ្តេញចេញពីកម្ពុជានៅមុនថ្ងៃទី២០ ខែកុម្ភៈ
×![]()
ដោយ: ធឿន បញ្ញាឬទិ្ធ
រដ្ឋមន្ត្រីក្រសួងមហាផ្ទៃ លោក ស ខេង បានសម្រេចចិត្តមិនបន្តទិដ្ឋាការអោយលោក អាឡិច ហ្គន់សាឡេស ប្រធានចលនាមាតាធម្មជាតិ បន្ដរស់នៅប្រទេសកម្ពុជាទៀតទេ។ ហើយរូបលោកក៏ត្រូវប្រឈមមុខ នឹងការចាប់ខ្លួនបណ្ដេញចេញពីប្រទេសកម្ពុជាមុនថ្ងៃទី២០កុម្ភៈផងដែរ។ នេះបើតាមការបញ្ជាក់របស់ជនបរទេសរូបនេះ ។ ជាមួយគ្នានេះលោក អាឡិច អះអាងទៀតថា ការមិនបន្ដទិដ្ឋាការឲ្យរូបលោក ដោយសារតែកន្លងមកលោកបានចូលរួមសកម្មភាពយ៉ាងខ្លាំងក្លា ក្នុងការទប់ស្កាត់ទំនប់វារីអគ្គិសនីតំបន់អារ៉ែង។
តាមរយៈឃ្លីបវីដេអូជិត២នាទីដែលផ្សាយនៅក្នុងទំព័រហ្វេសបុករបស់ខ្លួន លោក អាឡិច ហ្គន់សាឡេស ដែលបានរស់នៅប្រទេសកម្ពុជាជាង១០ឆ្នាំមកហើយ បានឲ្យដឹងថា រដ្ឋមន្ត្រីក្រសួងមហាផ្ទៃលោក ស ខេង បានសម្រេចមិនបន្ដទិដ្ឋាការ ( វីសា ) អោយរូបលោករស់នៅប្រទេសកម្ពុជាទៀតទេ។ លោក អាឡិច បន្ដទៀតថា នាយកដ្ឋានអន្តោប្រវេសន៍ និងកោះហៅរូបលោកឲ្យទៅជួបប្រជុំ ដើម្បីចាប់បញ្ជូនរូបលោកចេញពីប្រទេសកម្ពុជា នៅមុនថ្ងៃទី២០កុម្ភៈនេះ។
បុរសជនជាតិបរទេស ដែលជាអ្នកតស៊ូមតិយ៉ាងខ្លាំងក្លា ប្រឆាំងនឹងការសាងសង់ទំបន់អគ្គិសនីតំបន់អារ៉ែង អះអាងថា ក្នុងករណីក្រសួងមហាផ្ទៃ សម្រេចមិនបន្ដទិដ្ឋាការជូនរូបលោកនេះដោយសារតែកន្លងមកលោកបានចូលរួមសកម្មភាពយ៉ាងខ្លាំងក្លា ក្នុងការទប់ស្កាត់ទំនប់វារីអគ្គីសនីអារ៉ែង។
ប្រធានចលនាមាតាធម្មជាតិរូបនេះពន្យល់យ៉ាងដូច្នេះថា៖«ថ្មីៗនេះរដ្ឋាភិបាល ជាពិសេសលោក ស ខេង រដ្ឋមន្ត្រីក្រសួងមហាផ្ទៃ បានសម្រេចចិត្តមិនបន្តទិដ្ឋាការ ( វីសា ) ចំពោះខ្ញុំ ឬក៏គេកោះហៅខ្ញុំទៅប្រជុំក្នុងអង្គភាពអន្តោប្រវេសន៍ ដើម្បីចាប់ខ្ញុំនិងដេញខ្ញុំចេញពីប្រទេសខ្មែរមុនថ្ងៃទី២០កុម្ភៈ»។ សកម្មភាពដែលយើងបានធ្វើកន្លងមកការពារព្រៃឈើនៅអារ៉ែងជាព្រៃឈើចុងក្រោយ ជាឆ្អឹងទទឹងក របស់រដ្ឋាភិបាល និងក្រុមហ៊ុន ហើយនេះដូចជារដ្ឋាភិបាលកំពុងមានគោលបំណងដេញអាឡិច ដើម្បីអាចមានឱកាសបំផ្លាញតំបន់អារ៉ែង និងសាងសង់វារីអគ្គីសនី» ។
កន្លងមកជនបរទេសរូបនេះ ធ្លាប់បានរងការគំរាមពីសំណាក់ លោក ឈាង វុន មន្ត្រីគណបក្សប្រជាជនកម្ពុជា ដែលធ្លាប់បានគំរាមបណ្ដេញលោក អាឡិច ដែលជាសកម្មជនអ្នកការពារព្រៃឈើតំបន់អារ៉ែងខេត្តកោះកុង ចេញពីប្រទេសកម្ពុជា ដោយកាលនោះលោក ឈាង វុន ចោទបុរសជនជាតិអេស្ប៉ាញរូបនេះថា បានលូកដៃចូលកិច្ចការផ្ទៃក្នុងរដ្ឋាភិបាលកម្ពុជា ។
តែយ៉ាងណាក៏ដោយបញ្ហានេះត្រូវបានលោក ខៀវ សុភ័គ អ្នកនាំពាក្យក្រសួងមហាផ្ទៃ មានប្រសាសន៍ថា ការបន្ដទិដ្ឋាការ ឬ មិនបន្ដទិដ្ឋាការជូនជនបរទេសណាមួយ នោះគឺសិទ្ធិរបស់សាមីប្រទេស ក្នុងការសម្រេចទៅលើជនបរទេស ដែលមករស់នៅប្រទេសកម្ពុជា។
អ្នកនាំពាក្យរូបនេះបន្ថែមថា៖«ជនជាតិអេស្បាញនេះអស់ទិដ្ឋាការ ដូចនេះការសុំបន្ដ មិនមែនចេះតែបន្ដឲ្យទេ គឺអាស្រ័យលើសាមីប្រទេសកម្ពុជា ដែលសម្រេច»។
ទន្ទឹមនឹងនេះលោក ខៀវ សុភ័គ បានវាយតម្លៃសកម្មភាពរបស់លោក អាឡិចកន្លងមក ដោយលោកបានផ្លែផ្កាដូច្នេះថា «យើងឃើញថាសកម្មភាពជនបរទេសនេះ ស្រលាញ់ខ្មែរជាងប្រជាពលរដ្ឋខ្មែរទៀត។ ស្ដេចខ្មែរច្រើនណាស់ ដែលសុគតដោយសារជនបរទេស»។
ទាក់ទងនឹងបញ្ហានេះមន្ត្រីការពារសិទ្ធិមនុស្សសមាគមអាដហុក លោក នី ចរិយា យល់ឃើញថា ក្នុងករណីដែលនាយកដ្ឋានអន្តោប្រវេសន៍ មិនបន្តទិដ្ឋាការឲ្យជនជាតិអេស្បាញនោះ គឺអាចបណ្ដាលមកពីរដ្ឋាភិបាលកម្ពុជា មិនពេញចិត្តនិងសកម្មភាពរបស់លោក អាឡិច ដែលតែងតែចូលរួមសកម្មភាពនានា ក្នុងការការពារតំបន់អារ៉ែងកន្លងមក។ ហើយលោកថា ការមិនផ្ដល់ទិដ្ឋាការជូនលោក អាឡិចនេះ អាចជាការរើសអើងជាតិសាសន៍ ដែលផ្ទុយពីច្បាប់អន្តរជាតិផងដែរ។
លោកបន្ថែមថា៖«យើងឃើញថា ប្រធានចលនាមាតាធម្មជាតិរូបនេះ កន្លងមករូបគេបានចូលរួមការពារបរិស្ថាន និងការចូលរួមអភិវឌ្ឍន៏ប្រទេស ដូចនេះរដ្ឋាភិបាលគួរតែផ្ដល់ទិដ្ឋាការរស់នៅកម្ពុជាបន្ដជូនជនបរទេសនេះ។ តែបើសិនជានាយកដ្ឋានអន្តោប្រវេសន៍ មិនផ្ដល់ទិដ្ឋាការជូនលោកអាឡិច នេះអាចជាការរើសអើងជាតិសាសន៍ ដែលផ្ទុយពីច្បាប់អន្តរជាតិ។ ហើយនេះអាចជារឿងនយោបាយ ដោយសាររដ្ឋាភិបាលមិនពេញចិត្តចំពោះអាឡិច ព្រោះយើងឃើញថាលោក អាឡិចជនជាតិអេស្បាញនេះ បានចូលរួមសកម្មភាពនានាការពារតំបន់អារ៉ែងដែលប្រឆាំងនិងរដ្ឋាភិបាលកន្លងមក»។
បើតាមមន្ត្រីការពារសិទ្ធមនុស្សរូបនេះ ក្នុងករណីរដ្ឋាភិបាល ក៏ដូចជានាយកដ្ឋានអន្តោប្រវេសន៍ មិនអាចផ្ដល់ទិដ្ឋាការបន្ដជូនលោក អាឡិច លុះត្រាតែជនបរទេសរូបនេះ បានប្រព្រឹត្តិបទល្មើសដែលបានចែងនៅក្នុងច្បាប់អន្តោប្រវេសន៍ ៕
តាមរយៈឃ្លីបវីដេអូជិត២នាទីដែលផ្សាយនៅក្នុងទំព័រហ្វេសបុករបស់ខ្លួន លោក អាឡិច ហ្គន់សាឡេស ដែលបានរស់នៅប្រទេសកម្ពុជាជាង១០ឆ្នាំមកហើយ បានឲ្យដឹងថា រដ្ឋមន្ត្រីក្រសួងមហាផ្ទៃលោក ស ខេង បានសម្រេចមិនបន្ដទិដ្ឋាការ ( វីសា ) អោយរូបលោករស់នៅប្រទេសកម្ពុជាទៀតទេ។ លោក អាឡិច បន្ដទៀតថា នាយកដ្ឋានអន្តោប្រវេសន៍ និងកោះហៅរូបលោកឲ្យទៅជួបប្រជុំ ដើម្បីចាប់បញ្ជូនរូបលោកចេញពីប្រទេសកម្ពុជា នៅមុនថ្ងៃទី២០កុម្ភៈនេះ។
បុរសជនជាតិបរទេស ដែលជាអ្នកតស៊ូមតិយ៉ាងខ្លាំងក្លា ប្រឆាំងនឹងការសាងសង់ទំបន់អគ្គិសនីតំបន់អារ៉ែង អះអាងថា ក្នុងករណីក្រសួងមហាផ្ទៃ សម្រេចមិនបន្ដទិដ្ឋាការជូនរូបលោកនេះដោយសារតែកន្លងមកលោកបានចូលរួមសកម្មភាពយ៉ាងខ្លាំងក្លា ក្នុងការទប់ស្កាត់ទំនប់វារីអគ្គីសនីអារ៉ែង។
ប្រធានចលនាមាតាធម្មជាតិរូបនេះពន្យល់យ៉ាងដូច្នេះថា៖«ថ្មីៗនេះរដ្ឋាភិបាល ជាពិសេសលោក ស ខេង រដ្ឋមន្ត្រីក្រសួងមហាផ្ទៃ បានសម្រេចចិត្តមិនបន្តទិដ្ឋាការ ( វីសា ) ចំពោះខ្ញុំ ឬក៏គេកោះហៅខ្ញុំទៅប្រជុំក្នុងអង្គភាពអន្តោប្រវេសន៍ ដើម្បីចាប់ខ្ញុំនិងដេញខ្ញុំចេញពីប្រទេសខ្មែរមុនថ្ងៃទី២០កុម្ភៈ»។ សកម្មភាពដែលយើងបានធ្វើកន្លងមកការពារព្រៃឈើនៅអារ៉ែងជាព្រៃឈើចុងក្រោយ ជាឆ្អឹងទទឹងក របស់រដ្ឋាភិបាល និងក្រុមហ៊ុន ហើយនេះដូចជារដ្ឋាភិបាលកំពុងមានគោលបំណងដេញអាឡិច ដើម្បីអាចមានឱកាសបំផ្លាញតំបន់អារ៉ែង និងសាងសង់វារីអគ្គីសនី» ។
កន្លងមកជនបរទេសរូបនេះ ធ្លាប់បានរងការគំរាមពីសំណាក់ លោក ឈាង វុន មន្ត្រីគណបក្សប្រជាជនកម្ពុជា ដែលធ្លាប់បានគំរាមបណ្ដេញលោក អាឡិច ដែលជាសកម្មជនអ្នកការពារព្រៃឈើតំបន់អារ៉ែងខេត្តកោះកុង ចេញពីប្រទេសកម្ពុជា ដោយកាលនោះលោក ឈាង វុន ចោទបុរសជនជាតិអេស្ប៉ាញរូបនេះថា បានលូកដៃចូលកិច្ចការផ្ទៃក្នុងរដ្ឋាភិបាលកម្ពុជា ។
តែយ៉ាងណាក៏ដោយបញ្ហានេះត្រូវបានលោក ខៀវ សុភ័គ អ្នកនាំពាក្យក្រសួងមហាផ្ទៃ មានប្រសាសន៍ថា ការបន្ដទិដ្ឋាការ ឬ មិនបន្ដទិដ្ឋាការជូនជនបរទេសណាមួយ នោះគឺសិទ្ធិរបស់សាមីប្រទេស ក្នុងការសម្រេចទៅលើជនបរទេស ដែលមករស់នៅប្រទេសកម្ពុជា។
អ្នកនាំពាក្យរូបនេះបន្ថែមថា៖«ជនជាតិអេស្បាញនេះអស់ទិដ្ឋាការ ដូចនេះការសុំបន្ដ មិនមែនចេះតែបន្ដឲ្យទេ គឺអាស្រ័យលើសាមីប្រទេសកម្ពុជា ដែលសម្រេច»។
ទន្ទឹមនឹងនេះលោក ខៀវ សុភ័គ បានវាយតម្លៃសកម្មភាពរបស់លោក អាឡិចកន្លងមក ដោយលោកបានផ្លែផ្កាដូច្នេះថា «យើងឃើញថាសកម្មភាពជនបរទេសនេះ ស្រលាញ់ខ្មែរជាងប្រជាពលរដ្ឋខ្មែរទៀត។ ស្ដេចខ្មែរច្រើនណាស់ ដែលសុគតដោយសារជនបរទេស»។
ទាក់ទងនឹងបញ្ហានេះមន្ត្រីការពារសិទ្ធិមនុស្សសមាគមអាដហុក លោក នី ចរិយា យល់ឃើញថា ក្នុងករណីដែលនាយកដ្ឋានអន្តោប្រវេសន៍ មិនបន្តទិដ្ឋាការឲ្យជនជាតិអេស្បាញនោះ គឺអាចបណ្ដាលមកពីរដ្ឋាភិបាលកម្ពុជា មិនពេញចិត្តនិងសកម្មភាពរបស់លោក អាឡិច ដែលតែងតែចូលរួមសកម្មភាពនានា ក្នុងការការពារតំបន់អារ៉ែងកន្លងមក។ ហើយលោកថា ការមិនផ្ដល់ទិដ្ឋាការជូនលោក អាឡិចនេះ អាចជាការរើសអើងជាតិសាសន៍ ដែលផ្ទុយពីច្បាប់អន្តរជាតិផងដែរ។
លោកបន្ថែមថា៖«យើងឃើញថា ប្រធានចលនាមាតាធម្មជាតិរូបនេះ កន្លងមករូបគេបានចូលរួមការពារបរិស្ថាន និងការចូលរួមអភិវឌ្ឍន៏ប្រទេស ដូចនេះរដ្ឋាភិបាលគួរតែផ្ដល់ទិដ្ឋាការរស់នៅកម្ពុជាបន្ដជូនជនបរទេសនេះ។ តែបើសិនជានាយកដ្ឋានអន្តោប្រវេសន៍ មិនផ្ដល់ទិដ្ឋាការជូនលោកអាឡិច នេះអាចជាការរើសអើងជាតិសាសន៍ ដែលផ្ទុយពីច្បាប់អន្តរជាតិ។ ហើយនេះអាចជារឿងនយោបាយ ដោយសាររដ្ឋាភិបាលមិនពេញចិត្តចំពោះអាឡិច ព្រោះយើងឃើញថាលោក អាឡិចជនជាតិអេស្បាញនេះ បានចូលរួមសកម្មភាពនានាការពារតំបន់អារ៉ែងដែលប្រឆាំងនិងរដ្ឋាភិបាលកន្លងមក»។
បើតាមមន្ត្រីការពារសិទ្ធមនុស្សរូបនេះ ក្នុងករណីរដ្ឋាភិបាល ក៏ដូចជានាយកដ្ឋានអន្តោប្រវេសន៍ មិនអាចផ្ដល់ទិដ្ឋាការបន្ដជូនលោក អាឡិច លុះត្រាតែជនបរទេសរូបនេះ បានប្រព្រឹត្តិបទល្មើសដែលបានចែងនៅក្នុងច្បាប់អន្តោប្រវេសន៍ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
