ជាតិ
សាលារាជធានីភ្នំពេញរៀបចំសណ្តាប់ធ្នាប់ចរាចរថ្នល់មហាវិថីសហព័ន្ឋរុស្ស៊ី
× សាលារាជធានីភ្នំពេញ បានពង្រីកសាច់ផ្លូវលើចិញ្ចើមថ្នល់ មហាវិថីសហព័ន្ឋរុស្ស៊ីប៉ែកខាងជើង ចាប់ពីមហាវិថីព្រះមុនីវង្សដល់ចំណុចក្លោងទ្វារវត្តនាគវ័ន្ត ដើម្បីរៀបចំសណ្តាប់ធ្នាប់លំហូរចរាចរអោយបានល្អប្រសើរ នៅកំណាត់ដងមហាវិថីសហព័ន្ឋរុស្ស៊ី។ នេះបើតាមការចុះផ្សាយរបស់សាលារាជធានីភ្នំពេញ។
ចំពោះគម្រោងនៃការអនុវត្តការងាររបស់សាលារាជធានីភ្នំពេញនេះ រួមមាន៖ ការពង្រីកកំណាត់មហាវិថីសហព័ន្ឋរុស្ស៊ីប្រវែង១៤៩៥ម៉ែត្រ និងទទឹង ៣ម៉ែត្រ ដោយអ៊ុតកៅស៊ូ AC កម្រាស់ ៥ ស.ម។ ដាក់លូប្រវែង១៤៩៥ម៉ែត្រ ទំហំអង្កត់ផ្ចឹត ១ម៉ែត្រ សម្រាប់ដោះស្រាយទឹកលិចនៅភូមិ៣ និងមហាវិថីសហព័ន្ឋរុស្ស៊ី និងកែលំអប្រព័ន្ឋចរាចរថ្មីនៅចំណុចក្តាន់ពីរ ប្រសព្វរវាងបឹងកក់ និងមហាវិថីសហព័ន្ឋរុស្ស៊ី។
បើតាមសាលារាជធានីភ្នំពេញ ការងារអនុវត្តគម្រោងនេះ នឹងបព្ចាប់ក្នុងរយៈពេល៤ខែ៕
© រក្សាសិទ្ធិដោយ thmeythmey.com